هلال الجبيل العضيله يشتكي من كبر سن ام عياله

[°¨¨¨«.¸.,•°™غًٍّـًٍيًّـ¨¨¨°ـًٍابـٍُّـًكًًٍٍٍٍُِِّ™]

لا والله الا بينا صار تشويش قامت تعزل فراشها عن فراشي

طبعا القصيده طويله وانشاءالله راح اجيب باقيها
المقصد في بيت القصيد ليس هلال بل المقصد في الشاعر اللي رد على هلال....الله يطول بعمره ويحسن خاتمته وبالمناسبه له تقريبا فوق 100 قصيده واسمحولى اقدم لكم بعض واجمل قصائده واعذروني عن ذكر اسمه حتى افرغ ما في الجعبه ولكم تحياتي..

[°¨¨¨«.¸.,•°™غًٍّـًٍيًّـ¨¨¨°ـًٍابـٍُّـًكًًٍٍٍٍُِِّ™]

يا هلال راحت كلها فطر الجيش والحر دوب اليوم بالمشي ماشي
والوقت لابد يجيليه مماحيش على الكبير واحدا تو ناشي
لابد ما يمضي بعض الكعابيش وكلا يبي منها ينوشه نواشي
وشولون زين النبت يوم الرشاريش يعجب نباته عقب وبل الرشاشي
ولحطمه القاض حت اخضر الريش يبس النبات وراح كله بشاشي
ياهلال زين الوبت يوم الاواحيش انته وانا نسرلحها فى الغباشي
بمسلباتى(ن) رميهن تناويش والعين عنهن مايجيلها ارتماشي
حنا وربع من النشامى مداغيش ضلا لنا فى طردهن اعتراشي
عند العرب وان كان رحنا طراريش نصيد منها مالنا الحظ حاشي
ونعشي اللى مشتهين العراميش اليا قنص وافلس وعود بلاشي
المال نمشيبه مع النبت ويعيش واطيب مكان ننزله بالدباشي
واليا وردنا العد نسقى المعاطيش نسقى الضمايا اللى نحشها العطاشي
واليوم تتعبنا بعيد المطاريش ومعاد ناصل بارق المناشي
واليوم زين للنكان سويلك العيش خل العرب وخلافها والقماشي
وان كان شفت خلاف لاتقول ذا ليش خله ماكنه جا ولاكن كاشي
ولو جا علاك الميل ماهى فواحيش شوف الزمان وشوف نشو النواشي
خلك بمجرى الوقت وامشه بتهميش خلك على مجراه مشيك هماشي
واذهنك لايزعلك بعض التناويش ان جاك من جهال ولا دلاشي
ترى اليدين الها مطرف كلابيش لقضبهن يلزمنه خماشي
ماغار كلن لايجي منه توغيش يفطن لحاله لايجيه ابتلاشي
وارجي عسى لنا قلوب هشاهيش فى طاعته المولى عساها حاساشي
عسى لنا في جنه الخلد تدخيش من رحمة يشاءبها الرب ناشي

[@المورقي@]

صح السانك والسان صاحب القصيدة
ويعطيك العافية


تحياتي

[°¨¨¨«.¸.,•°™غًٍّـًٍيًّـ¨¨¨°ـًٍابـٍُّـًكًًٍٍٍٍُِِّ™]

صح بدنك والله يعطيك العافيه ومشكور على مرورك يالمورقي

[°¨¨¨«.¸.,•°™غًٍّـًٍيًّـ¨¨¨°ـًٍابـٍُّـًكًًٍٍٍٍُِِّ™]

لقد أدرك شاعرنا انه بلغ الكبر بعد مضي ثمان عقود أطال الله بعمره وأحسن خاتمته وكعادة عبر عن ما بداخله بتلك الأبيات التي تجدون فيها قوة ايمانه بالله عز وجل وقوت تحملة وكفاحه الطويل لحياة الباديه القاسيه التي اعتز بها .......


عدى علنا مرخي ألـــــــراس لزار مفلت الأعصاب قيد الاعضـــامي
ماينتبصر فيه ضاعن الإبصــــــار يدخل مع المخلوق مثل المنــــامي
على كبير السن جاله تسيطــــــــار حول شداده واركبه في المســــامي
عزل شبابه عنه ثم اطرده نـــــــار نزل مكــــــانه حلبه ثم اقـــــــامي
وعقب اوتلا ماهو مطلقله اوســار له في قصد علوم شف ومــــرامي
يباه بس قريب فىالتــــــــــودودار مآبه مراح بعيد عند الرمــــــــاي
في وليته قدام قصاف الأعمــــــار حتى يجيه ويأخذه باستـــــــــلامي
يالله حسن ألخاتمه وأنت غفـــــــار يا لله في ألجنه وفعالي المقــــامي
مع فاعلين الخير مع صف الأبرار يوم السلام يدخلون بســـــــــلامي

[المورقي111]

تسلم أخوى افـهقولي وصح لسانك وصح لسان قايلها
وابغى منك أن كان تعرف القصيدة اللي من ابياتها هذا البيت
الالدعلوى هللي ******** حريبهم مايمناما
تمتعنا بها مع خالص تحياتي

[°¨¨¨«.¸.,•°™غًٍّـًٍيًّـ¨¨¨°ـًٍابـٍُّـًكًًٍٍٍٍُِِّ™]

الاخ المورقي111/مشكور على مشاركتك يالطيب.
الله لايهينك ممكن تعيد البيت بس بخط اكبر واوضح.

[المورقي111]

اسف فيه خطأ املائي
ينجر يالي تدلي ********ضالو عليك النشاما
[الالد علوى هللي ******** حريبهم مايناما]

[((الدلبحي))]

بيض الله وجهك

وتسلم يمناك ولاتحرمنا من مشاركاتك

تحياااااااااااااااااااتي

[°¨¨¨«.¸.,•°™غًٍّـًٍيًّـ¨¨¨°ـًٍابـٍُّـًكًًٍٍٍٍُِِّ™]

الاخ المورقي111/ ابشر انشالله اجيبها لك اليوم ولونها ماتحضرني . بس بغيت اسألك تعرف قايلها ومشكور لمشاركتك.
الدلبحي / وجهك ابيض يالغالي ولا عدمناك ومشكور على مرورك الكريم.
وتقبلو تحياتي

[°¨¨¨«.¸.,•°™غًٍّـًٍيًّـ¨¨¨°ـًٍابـٍُّـًكًًٍٍٍٍُِِّ™]

الاخ المورقي111 مارديت عليه هالبيت اللي كتبته تعرف لمن؟
على العموم انا مانيب محترف بالشعر ومعلوماتى الشعريه ماهي بالي لكن اذا هي للشاعر اللي نزلت له القصيد السابق فاوعدك اني اجيبها لك.
اما بخصوص شاعرنا اللي ماذكرت اسمه لكم هو جدي الشاعر مقحم بن طايع العقص العضيله شاعر له فوق 350 قصيده او اكثر والله اعلم المهم في الموضوع ان احد ابنائه يراجع قصيده عشان بينزل له ديوان .
وصراحه فرصه وجودي هنا عشان اكتب لكم اكبر عدد من قصائده الرائعه اللتي اعجبتني لما لقيت فيها معنى اصيل وحكم ومواعض ونصائح تدور حول واقعنا وحياتنا بكل مكان بس للاسف الشديد هالقصايد ماطلعت عن البر اللي عاش عمره كله فيه خلال 82 سنه والبركة في عياله اللي بصراحه كل واحد منهم حافظ قصيده كامل وانشالله الله يوفقهم باصدار ديوان لشاعرهم يحفظون شعره لمئات السنين القادمه لتتناقلها الاجيال القادمه لما فيها من خير ومعنى نظيف نسأل الله ان تكتب له باجره . واللي راح بعد ايام تصلني انشالله واكتبها لكم وانشالله تعجبكم جميعا.
الشاعر مقحم طايع العقص العضيله البالغ من العمر حوالى 82 سنه عاش حياته بالباديه الى هالحين مابين ارن باول عمره وبوادي الجرير بالشواطن معروف بايمانه وبدينه وبطيبته وبكرمه وحسن نواياه وبقناعته من هالدنيا انه ضيف عليها. الله يعطيه العافيه ويطول بعمره ويحسن خاتمته ويكون من المقبولين عند الله باعماله الصالحه.أمين

وعندي طلب خاص من المشرف اذا ماهو بكلفه عليه ابغى اغير عنوان الموضوع هلال الجبيل العضيله يشتكي من كبر سن ام عياله الى عنوان جديد قصائد الشاعر/ مقحم بن طايع العقص العضيله واكون شاكر
وتحياتي للجميع وأسأل الله عز وجل ان تعجبكم هالقصائد وتدعون له بالجنه.

[المورقي111]

هلا عزيزي افـهقولي
البيت لشاعر من علوي ولااعرف اسمه. تحياتي

[ابـن نـعـيـس]

قصائد رائعه


ولاهنت والله يعطيك العافيه


تحياااااتي

[°¨¨¨«.¸.,•°™غًٍّـًٍيًّـ¨¨¨°ـًٍابـٍُّـًكًًٍٍٍٍُِِّ™]

ابن نعيس مشكور على مرورك والله يعطيك العافيه.


وين انت يالى ناوي الصلح وين انت**** النار كل يومن تماد ابحطبابها
افزع على ماقبل لهنت لهنت***يمكن تطفيها وتطفيها لهبها

[°¨¨¨«.¸.,•°™غًٍّـًٍيًّـ¨¨¨°ـًٍابـٍُّـًكًًٍٍٍٍُِِّ™]

ابن نعيس مشكور على مرورك والله يعطيك العافيه.


وين انت يالى ناوي الصلح وين انت**** النار كل يومن تماد ابحطبابها
افزع على ماقبل لهنت لهنت***يمكن تطفيها ويطفي لهبها

[أبو فيصل]

الله لايهينك ياافهقولي

بصراحة أبدعت

ألف شكر لك على مجهوداتك الرائعة

لاهنت يالغالي

تحياتي

[°¨¨¨«.¸.,•°™غًٍّـًٍيًّـ¨¨¨°ـًٍابـٍُّـًكًًٍٍٍٍُِِّ™]

الغالي فهد الشيباني
الله يسلمك ومشكور على مرورك الكريم.

[ابو خالد الدلبحي]

قصيده أكثر من رائعه والله يعطيك العافيه

[°¨¨¨«.¸.,•°™غًٍّـًٍيًّـ¨¨¨°ـًٍابـٍُّـًكًًٍٍٍٍُِِّ™]

ابو خالد الدلبحي مشكور على مرورك .
وانتظرو المزيد انشالله بس المعذره لانشغالي الان لوجود زواجين عندي اخذين كل وقتي اوعدكم انشالله بالكثير والكثير عند عودتي من اجازتي بعد شهر ولكم كل التقدير والاحترام