سعيد تفضل

[محمد احمد الاصلع]

ياسعيد لك مني سلام ومرحبا لك ياسعيد= الاوله والثانيه خذها على وضح النقا

نبا السوالف ياسعيد العبد ونريد الجديد= وان جبتها بالتيم قلنا يالعلك للبقا

[عبدالاله المقاطي]

الله الله

صح لسانك ولسان سعيد مقدماا...

[ثامر القثامي]

صح لسااانك يا لاصلع


واعتبرني في صفك

[محمد احمد الاصلع]

سعدنا بمرور الجميع لهم موفور الشكر الجزيل

[سعيد مرزوق العبد]

ياسعيد لك مني سلام ومرحبا لك ياسعيد= الاوله والثانيه خذها على وضح النقا

نبا السوالف ياسعيد العبد ونريد الجديد= وان جبتها بالتيم قلنا يالعلك للبقا

حياك الله يالاصلع


يامرحبا وابك البقا والله يدبر مايريد = العبد سلطه يامحمد مايهاب امن اللقا
حنا نبيها قريب والاصلع يبا الشي البعيد =من كثّر ماهو منعمن بالخير وده فالشقا

[سعيد مرزوق العبد]

عبدالاله صح بنك يالغالي نورتنا

[ربيع الرشيدي]

صح لسان الشاعرين
ابدعنم

[سعيد مرزوق العبد]

صح بدنك يابوياسر

نورتنا

[محمد احمد الاصلع]

الله كريم ويعطي عباده ويوعد بالمزيد= وليا رقيتو بالمعاني فاعرف الاصلع رقا

تناوشوك الربع وانته فالبلد واحد وحيد= قاموا يخضونك كما ياالعبد خضاض السقا

[سعيد مرزوق العبد]

الله كريم ويعطي عباده ويوعد بالمزيد= وليا رقيتو بالمعاني فاعرف الاصلع رقا

تناوشوك الربع وانته فالبلد واحد وحيد= قاموا يخضونك كما ياالعبد خضاض السقا



حتي انت قمت اتعقد النظرات واتشيل الحديد=حسبي علي الوقت الردي خلاك تجسر واتهقا
اثنين راحو ملح واثنينه يسوّولي عصيد =ماباقي الا حضرتك واليا دفنتك وش بقا

[محمد احمد الاصلع]

وش تحسبني ياسعيد العبد ياحلو القصيد =انا ليا مني حضرت انته تغص وتشرقا

لاوالله الا في لزاك اللي يسمونه مريد= اما على الاصلع فكثر ياالطوير الابرقا

[سعيد مرزوق العبد]

وش تحسبني ياسعيد العبد ياحلو القصيد =كل بالشويش وسم حتى ماتغص وتشرقا

لاوالله الا في لزاك اللي يسمونه مريد= اما على الاصلع فكثر ياالطوير الابرقا



والله ماحولي احد فالحرب ولا فالنشيد =ازعلك وارضيك واطقك كان الله ما وقا

انته وري الشاشات مثل عقاب زيزوم وعنيد = لو اختليبك فالخلا تجيك رعده واشهقا

[سعيد مرزوق العبد]

الاصلع الجماهير خلونا وطاحو في متصفح ثاني الظاهر سوقي طاح ههههههههههه

[محمد احمد الاصلع]

نخيت يوم انه لزمكم راعي الباس الشديد= ماني سواة اللي تروعه ياسعيد الطربقا

بالهون ياحضرة زبيده لاتروعين الرشيد= خليك حبوبه ونصبح فالعلاقات اصدقا

[ثامر القثامي]

الاصلع الجماهير خلونا وطاحو في متصفح ثاني الظاهر سوقي طاح ههههههههههه

ههههههههههههههههههههههههههههههههههههههههههههه


توك دريت :p

منذ مبطي يابو اسماعيل

[محمد احمد الاصلع]

لا والله الا انا سوقي طايح من زمان ماعلي اقبال مثلك ههههههههههه

[ثامر القثامي]

لا والله الا انا سوقي طايح من زمان ماعلي اقبال مثلك ههههههههههه

هههههههههههههههههههههههههههههههه


يا بو احمد واحد منكم يمشي سوق الثاني :)

[محمد احمد الاصلع]

ثامر وش رايك تجي بيني وبينه وتمشي سوقنا انته اسلوبك عدل وقصيدك زين

[عثمان الثبيتي]

صحت السنتكم واكيد انا في صف سعيد

[محمد احمد الاصلع]

العبد سعيد صنانه يطرح الطير من السما كيف عاد الشعار اللي متسدحين حوله ههههههههههه

[محمد احمد الاصلع]

ابشرؤك سوقنا مشا جونا الزباين ياابو سماعيل هههههههههههههههههههههههههههههههههههههههههههههه

[ثامر القثامي]

ثامر وش رايك تجي بيني وبينه وتمشي سوقنا انته اسلوبك عدل وقصيدك زين

مع نفسك ههههههههههههههههههههههه


انا مسويت على نفسي عرض مثلك ومثل العبد


تراها مزوح والتجاوز ممنوع

[محمد احمد الاصلع]

برضه التجاوز منك ممنوع يومك تقول كل واحد يمشي سوق الثاني لكن مسموح والمزوح تجي وتروح وتبقى عزيز وغالي ياثامر

[سعيد مرزوق العبد]

نخيت يوم انه لزمكم راعي الباس الشديد= ماني سواة اللي تروعه ياسعيد الطربقا

بالهون ياحضرة زبيده لاتروعين الرشيد= خليك حبوبه ونصبح فالعلاقات اصدقا


كل مابغينا ننتهي لازم من الاول نعيد = الفهم عنده مشكله والاذن صمخا وامحقا
الله بلاني في ولد مبلوه واحساسه بليد = اليا تركته يتقي واليا نويته ما اتقا

[سعيد مرزوق العبد]

صحت السنتكم واكيد انا في صف سعيد

هلا وغلا يابومشعل نورتنا

ياخوي لاتغايب اخوك في ورطه

والصف يزهابك

[سعيد مرزوق العبد]

العبد سعيد صنانه يطرح الطير من السما كيف عاد الشعار اللي متسدحين حوله ههههههههههه

هههههههههه

طالع من يتكلم عن الصنان ابك انت للحين اتبوبح والسبوح كل جمعه خخخخخخخخخ

العبد جنتلمان ماهو من عبيد منفوحه والبطحا

[سعيد مرزوق العبد]

مع نفسك ههههههههههههههههههههههه


انا مسويت على نفسي عرض مثلك ومثل العبد


تراها مزوح والتجاوز ممنوع

هههههههههههههههه

عرض اجل حنا اجهزه كهربائيه زانت اعلومك ياثامر هين يجيلك يوم:(

[محمد احمد الاصلع]

لامشكله ياسعيد انا عايش مع اصحاب الصعيد= ماغير اكد الثور عايش ياحبيبي في شقا


لكن انا بحذرك خلك على نفسك سديد= اما اكلك الليث والا رحت عند الاطوقا





والعذر والسموحه والله اني احب اللعب معك ياسعيد لاجل اكسب منك خبره والا انا تراني عليمي يمشي حالي ولولا سعة صدرك ما طلبتك ولا مزحت معك لك مني خالص الدعاء انت والحاضرين في وجه الشهر الكريم وتصبح على موفور الصحه والعافيه

[سعيد مرزوق العبد]

لامشكله ياسعيد انا عايش مع اصحاب الصعيد= ماغير اكد الثور عايش ياحبيبي في شقا


لكن انا بحذرك خلك على نفسك سديد= اما اكلك الليث والا رحت عند الاطوقا





والعذر والسموحه والله اني احب اللعب معك ياسعيد لاجل اكسب منك خبره والا انا تراني عليمي يمشي حالي ولولا سعة صدرك ما طلبتك ولا مزحت معك لك مني خالص الدعاء انت والحاضرين في وجه الشهر الكريم وتصبح على موفور الصحه والعافيه

هههههههههههههههههه

امحق محبه يالله يالاصلع كله ماشي

لابالله القلوب اصحاح اصلا انا ماحس مره وان حسيت احس بعد اسبوع اتعرف الحر يوقف الجهاز العصبي عندي

مما يطلع بعض الغدد

صح بدنك وصح السانك يالاصلع عزيز وغالي والساعه المباركه

وافضل ختام

[سعيد مرزوق العبد]

والله يالاصلع علومك اعلوم انا كني عرفتك انت من هل الرياض