عتاب لقناة الصحراء

[خالد سفر العتيبي]

يالربع شفتوا قناة الصحراء في برنامج العساس ماطلعوا ولا عتيبي واكثر اهل البل هم عتيبه مدري هو من القناة ولا من وافي ذالمذيع الدوسري ياطقعه طقعاه يالربع عتيبه لارحت للشمال ونشدت من هي له ذالبل قالوا عتيبي ولامن رحت للجنوب وسالت قالوا عتيبي وهذا ماطلع ولا عتيبي ابو جه كنه وجه تفه اشهد انه رمه حتى في كلامه كن مافيه بدوي الا هو




وش ذالعنصريه ياقناة الصحراء

[ابن حليمه]

عتيبه لها تاريخ مشهود ومعروفه الهيلا قبل القنوات وقبل شعير وافي

[سعيد مرزوق العبد]

عادي كل قناه تنحاز لقبيلتها توقع اكثر من ذلك

[رباح دبيان البيضاني الحربي]

الله يعين الأرض على اللي فوقها

[العــــــــابر]

اغلب المشرفين ع القناه عتبان واصحاب البرامج عتبان واؤكد لك ان كثير من العتبان داخل قناة الصحراء

بنسب ماليه ع البرامج يعني مهوب براتب لذلك العتب ع ربعنا اللي مقومين القناه ومشرفين عليها

والا الدوسري مسكين لاله ولاعليه

[عثمان الثبيتي]

يالربع شفتوا قناة الصحراء في برنامج العساس ماطلعوا ولا عتيبي واكثر اهل البل هم عتيبه مدري هو من القناة ولا من وافي ذالمذيع الدوسري ياطقعه طقعاه يالربع عتيبه لارحت للشمال ونشدت من هي له ذالبل قالوا عتيبي ولامن رحت للجنوب وسالت قالوا عتيبي وهذا ماطلع ولا عتيبي ابو جه كنه وجه تفه اشهد انه رمه حتى في كلامه كن مافيه بدوي الا هو




وش ذالعنصريه ياقناة الصحراء

خالد تكفى حاول تنتقي الكلمات قل رايك بس كلمة رمه رخمه ماتليق بك قبل الشخص المعني

ارجو ان تقبل رايي بكل صدر رحب

[روق اند برقا]

اتمنى ان تبتعد عن بعض الكلمات الغير لائقه وقبيلة عتيبه في غنى عن التعريف

[عفيف.com]

قبيلة عتيبة في غنى عن التلميع .. افهموا

(لها تاريخ أشوس في قرارة نجد وهضابه) على قولت ابن عياد الحارثي .


وبعدين تعالوا قريب فيه قناتنا حنا يالعتبان شوفوها وش سوت ، قلبت 100 درجة عكسية وأصبحت ( القناة السعودية الأولى)

زمان يافن

وجحدت الموروث الشعبي ودعست عليه دعس ويادار مادخلك شر

كلن تباعت مصلحته

فـ (لاخاب ظنك بالرفيق الموالي / مالك مشاريه ن على باقي الناس)
الله الله

[!! . مــآجـد . !!]

كل القنــوآت آلشعرية منحازة لقبـائلها ، برغم محاولتهــآ آلفاشلة اخفاء ذلك عن آلمتلقـي

,,

[العتيبي السعدي الهوازني]

كلن ينحاز لربعه ولا فيها مسبه وملامه ونبقى وقت الشده وفالنهاية اخوان مسلمين ونجتمع مع بعض على الكافرين

[ابو فيصل العطاوي]

والله انا قولي
ان قبيلة عتيبه في غنى عن الدوسري وعن قناة الصحراء

ولسنا بحاجه الى ان يظهر الدوسري تاريخنا

وقناة الصحراء يملكها ابن حثلين العجمي
وبها طاقم عريض من العاملين بها من كل القبائل في المملكة

لذلك
الشمس لا تحجب بغربال
وعتيبه لها من التاريخ ما يكفي ل 100 عام قادمة بدون اضافة اي حرف او اي رقم جديد

من غير قصور في باقي القبائل

[عبدالمجيد النفيعي]

ياكثر ماقابل مع العتبان ، ومبارك سيف شخص محبوب ، لكن في برنامج العساس ممكن لم ينسق أو لم يجد في تلك الديار المتواجد هو فيها مخيم لعتبان فيه شعراء أو أصحاب روايات ينسق معهم حتى يجري معهم لقاء مطول .

[عزارم]

ياخالد رح دوره لين تلقاه ثم برد كبدك هاك الساعه


ههههههههههههههههههههه

[خالد سفر العتيبي]

ههههههههههههههههههه انا ماضحك الا من اللي ترك الموضوع وراح يعلق على كلامي واقوله وانت معه بعد اما عن اللي علقوا عن الموضوع بيض الله وجيههم وعبد المجيد النفيعي بيض الله وجهك ياعبد المجيد وين ياكثر ماقابل من العتبان العتبان اللي قابلهم غصب قابلهم ماهوب جماله من كثرهم قابلهم صدفه وياقلهم مقارنة بالعتبان ياعبدالمجيد والله يوم يقطعون المعابر حقت البل ياكثرهم كثراااه هم هل الابل والله مجاهيم ومغاتير وصفر وشعل وحمر ماهم من اللي يقنون لون واحد وقالوا حنا ساسها منا




القول ردوه عن الشاب المجاهد خالد سفر العتيبي

[خالد سفر العتيبي]

العابر انت اللي في منتدى العجمان يالعابر ونعم فيك والله ماقصرت حتى تعليقك يدل انك فاهم ماشاء الله عليك وعاقل بعد