فارس ينطح فخذ من سبيع بمفرده...مبارك سمران العصيمي

[صعاط الجن]

بسم الله الرحمن الرحيم

في حوالي عام 1302هــ

الفارس مبارك سمران باين بين شرفان العصيمي....كان يرعى في ابل ابوه سمران،وكان عمره حوالي 17 سنه،وغزى عليه ابن هملان (شيخ القريشات) وبعض من قومه كانو يتقاربون مابين 40 الى 50 رجلا...وكان على رأسهم ابن هملان وكانو يريدون الأبل الطيبة(المجاهيم)...وكانت عند العرب قديما قيمة...فخرج من بين البل اخو طفلة(مبارك)الفارس الشهم الشجاع..وكان معه بندقيه ورصاصة وحدة وسيف،ورمى اول القوم ابن هملان وقتلة ولم يجد معه رصاص فاظطر ان يحمي البل بالسيف الذي معه،فدخل عليهم بقوة ولم يتردد وكان شديد الضرب بسيفه وقتل اول رؤس القوم،ومن شدة صمودة فر باقي القوم واخذ منهم الغنائم واولها رأس ابن هملان وخاتمه وجوخته وثلاثة خيول،ثم رجع لأبيه بالغنائم وكان ابوه سعيد ومفتخر به...وقال لأبيه من ضمن القصيده

جانا ابن هملان غازي وغزيناه***وعلى حد السيف ابن هملان سقناه

ومن له اضافة لهذه القصيده فليتكرم

مع تحيات صعاط الجن

[مطرح البعارين]

مشكووووووووور اخوي

الله يطيك العافيه

[@المورقي@]

لاهنت ويعطيك العافية

تحياتي

[فيصل المسعودي]

مشكور أخوي ويعيطيك العافيه تحياتي لك

[سيف المقطة]

مشكوو330066وووووور
على الموضوع , وان كان فيه نوع من المبالغه لكن مبالغه اعطت الموضوع والفارس نكهه خاصه ,

[صعاط الجن]

اي مبالغه --هذي شجاعه ولا تستغرب على فرسان عتيبه لا كون لعلمك اسال عنها هي قرب الاسوده ----- ولا اتوقع -----هذا الرد منك -----لان عتيبه شجاعتها ليست خرف او مبالغه اتمنا ان اكون فهم غلط من ردك=-=-=-=-=-=- مشكور على الرد

[ابن شلواح]

بيض الله وجهك ياصعاط المجانين
وصدقت هذا مبارك بن سمران من الجعادين من العصمه والله والنعم ابه وبربعه الجعادين.........
وهذا فارس من فرسان عتيبه ولاهو غريب على فرسان عتيبه هالافعال الطيبه

[سيف المقطة]

والله ونعم الف مره بس انا قصدت من المبالغه من فرط الشجاعه
ولاهيب غريبه على الاد عاصم . يضدون اكثر من هولاء .
وهم قول ويتبعه طول (قول على فعل ).
اكرر اعتذاري عن الفهم الخاطىء لك يا صعاط الجن .
لقد فهمتني غلط .
والجعادين مشهورين منهم ابن شرفان الاول من مشاهير العصمه , وغيرهم

والشكر موووووووصوول

[الصل]

لاهنت ويعطيك العافية

تحياتي

[السنافي.]

...............................................
.................................................. ............
...........................................



تحيا تي لك اخوي صعاط الجن اخوك السنافي


الإدارة لاتسمح بمثل هذا الكلام الذي تلفظت به , ان كان لديك تعليق او تعقيب , فل يكون عقلاني ورزين


الإدارة

[راعي طويق]

.................................................. .................................

ههههههههههههههههههههههههههههههه

انت بس قلي وراك اتحكك بعتيبه ورى ماتدخل بنك تعرف الناس من انت
عشان يكون الرد حلو وناخذ ونعطي مع بعض .............................................؟؟؟؟؟ ؟؟؟؟

شكلك في نفسك شي على الاد عاصم علمنا هم غابنينك بشي

اخوي صعاط الجن
يعطيك العافيه على القصه وهذا مهوب غريب على فرسان عتيبه
..........................................
.................................................. ...

وسالفتك مثلها مثل سالفة مخلف الدغيلبي
تقول مويضي البرازيه

واديرتي عنها مخلف حداني = حد الضوامي على ديار بها جم
واحد وخلا الدم بالقاع قاني = وا ابوي لو لا حق له ولد عم


ونعم بالاد عاصم قطمان المحازم


نرجوا الابتعاد عن بعض العبارات الغير مفيدة في الموضوع

الإدارة

[السنافي.]

.................................................. .........

.............................. انا عتيبي ابا عن جد وانا ابو مناحي

وإن بغيت اذكر اسمي كامل.............................................
وانا مااقول شي في قبيلتي الا نسوي اكثر من كذا

وعتيبه كلها هيبه .................................................. .................................................. .................................................. .................................


هذه مشاركتك الثانية , ورقم 2 في عدد مشاركاتك منذ تسجيلك , وجميعها مخالفه للقوانيين , وغير صالحه لبقائها , للمرة الثانية:

نتمنى ان تكون مداخلاتك عقلانية ومنطقية , وغير مخالفة لقوانيين المنتدى

الإدارة

[راعي طويق]

:):cool::D;)

تحياتي

[صعاط الجن]

مشكورياااااااااااااااااان على الرد
يرعي اطويق انا من الا د عاصم (شرفاني)
لياش غابنيني !!!!!!!!!!!!!!!!!!!!!!!!!!!!!!!!!!!!!!!!!!!!!!!!!! !!!!!!!!!!!!!

اعيد الشكر وما قصارتم

[السنافي.]

ارجو من صعاط الجن توضيح الحقيقه بالقصيده والمصدر لان القصه لا تصدق وعدم المبالغه

[صعاط الجن]

شاف سانافي رد زي البشر اسئل زين
القصه حقيقيه عتيبه كلها فرسان
انا قلت من القصئده حسن الرد الله يرضى عاليك
لا تكذب الرجل
الرد مايتوقع منك الله يهديك

[ابو اصايل]

يعطيك العافيه اخوي على هذا الموضوع

اول شي ابن هملان مو شيخ القريشات شيوخ القريشات هم النـواصر

وال هملان يعتبرون فريس القريشات وحتى ابن هملان لما مات ماكان مقتول

وانت اخذت سالفه جري بن هملان عندما نزل في نجد (جوس) وجرا الغزا البراق ومعه فرسان عتيبه

استطاع جري انه يردهم ويحمي ابله فارجو منك ياخوي لا تألف بالتاريخ والمفروض الاخوان

مايسكتون علي الشي هذا ونعم في عتيبه وفالعصمه وشكرا لكم

[أبو مرحبا]

يعطيك العافيه اخوي على هذا الموضوع

اول شي ابن هملان مو شيخ القريشات شيوخ القريشات هم النـواصر

وال هملان يعتبرون فريس القريشات وحتى ابن هملان لما مات ماكان مقتول

وانت اخذت سالفه جري بن هملان عندما نزل في نجد (جوس) وجرا الغزا البراق ومعه فرسان عتيبه

استطاع جري انه يردهم ويحمي ابله فارجو منك ياخوي لا تألف بالتاريخ والمفروض الاخوان

مايسكتون علي الشي هذا ونعم في عتيبه وفالعصمه وشكرا لكم



الله يصلحك ياابواصايل

موضوع له سنة كاملة يعني 12 شهر يعني 360يوم بالضبط

الله يهدينا ويهديكم على طاعته

[فيصل القثامي]

الف شكر اخوي الغالي .

ونعم بالاد عاصم .

ولاهنت .

تحياتي واشواقي .

فيصل القثامي

[أبو مرحبا]

فيصل القثامي

ماعلاااك زود نيابه عن صاحب الموضوع

[راعي البرصا]

لاهنت يابن عاااصم وكفو والله بألاد عاصم كلهم عزالله قول وفعل

ولاعليك من السذج ومداخلاتهم الساذجه

أخوك / راعي البرصا الدعجاني

[ابو اصايل]

انا اقدر اقول انه ابن حميد غزا على سبيع

وكان شخص واحد عند الابل وذبح ابن حميد وكسر القوم

لكن الكذب خيبه وشكرا

[فيصـل العتيبـي]

ماقصرت وبيض الله وجهك

ولاهي غريبه على فريس عتيبة

[نجد العصيمي]

مشكور على السالفه صعاط الجن


وانت يا سنافي اشوفك صااامل على هرجك اللي لا يودي ولا يجيب



انت ما عليك الا تمر على الموضوع وتشكر راعيه


ما جاز لك ياخوي ماحدٍ جبرك تمر عليه السكوت اعبر من الكلام بعض الاحيان


ومع احترامي الشديد لك ما ضنيت انك عتيبي


عتيبه معروفةٍ بين كل القبااايل بحميتها يا سناافي

وما شفت فيك حميه

الكلام اللي ماله داعي مثل ما قلت لا يودي ولا يجيب

وزبدة الهرج نيشان يا دخيل

[ابو اصايل]

اول شي صدقت نعم انا مو عتيبي وانا اتشرف في قبيلة عتيبه

لكن الكلام الي اعارض عليه انه الي كاتب الموضوع يقول ابن هملان

ذبحه الفارس مبارك سمران العصيمي واصلا ابن هملان لما مات ما كان مقتول

وكلامي هذا ما يقلل من ثقل عتيبة ومهما اقول في عتيبة ما اوفيها حقها

وانت تقول اذا مو عاجبك الموضوع لا ترد عليه ترى ساكت عن الحق شيطان اخرس

يعطيكم العافيه وشكرا

[فتى وادي الرشا]

صعاط الجن لاهنت على الموضوع

[عالي مقامه]

ياريجيل ابن هملان اللي مات مهوب جري ه\اك واحد ثاني من ال هملان مايحضرني اسمه حاليا وهو م\كور في كتاب القداح عن احديات قبيلة عتيبه وشكرا
محدثكم الغنامي

[سبيع الغلبا]

السلاااام عليكم ولاهنت ياسعاط الجن


ونعم في عتيبه ولاتهون باقي القبايل ......


واحب اقووولك اتق الله في نفسك ...


ولاهنت على كل حااال

[@المهاجر@]

لاهنت ويعطيك العافية

ونعم بالاد عاصم قطمان المحازم

[سعود النفيعي]

صعاط الجن الله يعطيك العافيه على الموضوع ونعم والله فالعصمه قطمان المحازم


تقبل تحياتي

أخوك سعود النفيعي

[الاد العسيلي]

الله يسلمك يا مبأرك ويعطيك العافيـه علا السالفـه بسس انا وانت وكل الموجودين في هاذا المنتدى كل واحد يكتب بسس لك حريه الكتابه وانا اخوك بس....... لازم تثبت سالفتك ولو علاا الصدق انا مصدقك بس فيه ناس ما تصدق الا برهان مثل تجيب السالفه ويتليها قصيدتها برهان لها ولا ترا اذا كانت كذا كل واحد بيكتب والكلام وانا اخوك واجد.............................................. ...................... تقبل تحياتي اخوك.

[الاد العسيلي]

[]فأجر بن شليويح غزى سبيع اغار فاجر بن شليوح العتيبي علا سبيع في الحره وهي تقع جنوب وادي سبيع في الخرمه وحينما غزاهم كأن برفقـه قومه ونصو ابل امير القريشات ناصر بن مشاري القريشي ودرات معــركه حاميه الوطيــس بيـن القريشات من سبيع والمغايره من العتبان وفيهـأ حوالى عشره شيابين من العتبان وقامو عشره من ذوي حمد واخذو البل وراحو فيها وكل طرف من كلا سبيع والعتبان في مسبار يرمي خصمـه وكان حاضر من فرسان سبيع وهم شافي بن جراد القريشي ومحمد بن كميخ القريشي و وسلطان بن كهف و واميرهم ناصر بن مشاري هاذا الى انا خذيتـه من سوالف الشياب من اسامي الى كانو حاضرين وبدا واما العتبان ما عرفت اسامي العتبان الا فأجر اميرهم ودارت المعــركه وقتل عشر من ابل الاميـر ولا بقى مـع الاميـر الاا طلـقت وحـده من الرصأص الى معـه والذخيره مع اخوياه الى في المسبأر الثاني وان راح يم اخوياه ذبحوه الرجال الا فاجر بن شليوح يتربق الى ميتين من سبيع برجلين فرسسه من شجاعته ولا هاب ذرب الرصاص ووصوب فيـه امـره القريشات ناصر بن مشاري في راسه ورماه بأخر طلقـه في البندق (ام سك) الين اردا فاجر طريح علا الاارض ويومن ربعـه الباقيـن شافو اميـرهم ذبـح وهم يعودون بالبل ابل امير القريشات ناصر بن مشاري المعركه جت مع المغرب والشمس مقبله للمطيــح في بحــرهأ وجلسو سبيع مكسورين وابل اميـرهم خذوهأ القوم وهم يتحاورون ويحمون الباقي من الحيران والبل الباقيه الى اغلبها مكسور من ضرب الرصاص الا الفــــــــــــــــــــــــــرج جـــــــــأيهم مــع فرســـــــــــــــان عتيبــــه الاشبـــــــأل الــذين نجــمو فــي ديــأر سبيــع ودليلهــم العقيــد فأجر بن شليوح قد قتــل( رحمه الله) وليهـلم كـله وهم يستديرون في ديـأر سبيع ويوم عودت البل فرحو فيهأ ولم يبقى سوا اربعــه من القريشات الذين بقو مع الااميـر والباقيـن رأحو يم اطفالهم ونسأهم في الخـرمه وقأل نأصر بن مشاري امير القريشات اتركوهم الين يطلع النور ونشوف الرجال ونشوف عددهــم كم وهم أيضأ يشوفونأ لآن الغــدر مهـوب من عادات وأسلوم العرب ويوم صلو الفجر قألو بسسم الله وروحو عليهـم سبيـع الغلـا قألأ شأفي بن جراد ومحمد بن كميخ و سلطان بن كهف للأمير انت اخذ البل وزبنهأ العرب وحنا بنتولى الى بيطردونك منهم وفعــلآ واخذ ناصر بن مشاري اليل وزبنها الديره الخرمه وبقى ثلاثه من الفرسان شافي بن جراد ومـع خيـل مهيـب قويه ومعهـم رأعي الصفـرا محمد بن كميـخ وسلطأن بن كهف علاا خيـل علا ما قال الشيبأن انها لا طارد لها وخيل محمد بن كميخ مكسور مثل امس المغرب في اول المعكره ومكسوره رجله (ويعكز) بالبندق عتيبـه يوم شافو فعل سبيـع قألو الرجألأ بيذبحونا وزبنو ديارهم عتيبـه عقب ما ذبـح اميـرهم وخذت الغنايم من يديهـم وطردوهـم الباقيـن من القلايشات سلطان وشافي ومحمد وكل واحد خذأله ركبـي من عتيبـه الى زأبنين ديأرهم والعتبأن يقولون يا (رجلي عود سألم)( يارجلي عود سألم) ( يارجلي عود سألم) لمحمد يومنــه يعكـز علا رجل والبندق الثانيـه وعود الثلاثه السبعان كل واحد معودله بركبي وقامو العتبان وذبحو الركأيب الى خذوها سبيـع لكي لا يفرحون فيها كغنأم لهم وراح محمد المكسورت رجله يعدي والرجال يطردونه يبون ذبحتـه وقأل يا سلطأن وقـف لي خلني اردفك علا الخيـل قأل سلطأن يا محمد ان عرضت الخيل لرجأل ذبحوها لشأفي خيـله خبلـه وركب محمد بن كميـخ مع شافي بن جرأد ولحقو بأميـرهم في الخرمه وحينما ركب محمد بن بن كميخ يقول يا شافي جنـب قلبك عن قلبـي لكـي لا يصبــرونأ الرجأل وحينهأ انتهـت المــعركه بقتل فأجر واستعأدت ابل اميرنا وانتصــرنأ العذر والسموحه عن الغلط واذا كأن فيـه اغلاط ياربـ‘ع........ قأل أحد الذين ساهمو في المعـركه من الشيأبين ويدعى حمد الشيبأني بويتا لم احفـض الا قليلهأ
لاوأهنــــــي قــدأم نقــــر الشيـــب........ مطـــأرد الغلبـــــا عـلآ الزلبـــات
لم احفض الا هاذا البيــت ورد أحد شعـرأ سبيـع المشأركين في هذه المعـركه أيضأ
كثــر الــدوادي والتمنــي عيــب....... ______
ما شفت منـا كــود شــق الجيــب.... الـــيـــا تــوأجهنــا علا الزلبــات

والله القصيــده الآن لا تحضــرني لاكــن متى ما توفــرت أتيت بهـا أيه القوم.....؟. وشكرأ تحيأت اخوكم الاد العسيلي[/size]

[الاد العسيلي]

هاذي سألفــه جبتهأ لكم يا أخوأني
سبيــع في الخرمـه وطبعــأ هاذا شي كلكم تعــرفونـه أتو العتبــان وهــم يحــدون ويقولون
تشيــلو ورعــانكم وروأح ....... لا عـــأد تطــرون المــرأح
قدأمكــم حســـوأ قــرأح .........ومخألطــه تمـــرجــديــد
وقــامو سبيــع أهل الوأدي الى فــي طــرف الخــرمه وذبحــو فيهــم الين دخلـــوهـم ديــأرهممن ورأ ضلــم. تقبلو تحيأتي لكل القــأرئيـن.[/size]

[الاد العسيلي]

ذأت يــوٍوٍم أتت عتيبــه غـــازيــن سبيــع في الخــرمه وهــم متخــفون في الــوٍادي خــوٍفن من سبيـع وحيــن أتو غــازيـن عــلآ ركأيبهـم يبــون التمــر والمووويه القـــرأح في الخــرمه وكـــانو أحد أبطأل عتيبــه(يحدون) ويقولون في حدأهـــم
تشيــــلو ورعـــانكم وأروأأح..... لاعــــاد تطـــرون المـــرأح
قــدأمكــم حســو قـــرأح....... ومخــألطـه تمــرأ جــديـد
فسسسمعوهــم فرســـان سبيــع وقأمـو وطردوهــم أليـن عدوهــم عرق سبيع واقبول علا ضلم وهم يذبحون فيهــم ويطردونهـم واقبلو علا ضلم منحأششين وتركوهــم سبيـع عأئديـن الا مزأرعهــم|194|

[العسيلي @]

ياربع لا احد يعتقد ان هذا من عسالية النفارين من الجلاه هذا اخونا الاد العسيلي من سبيع لتوضيح

[شــغــمــوم]

ونعم وووالله في ابن شرفاااااااااان

والاد عاصم قطمان المحازم

[صعاط الجن]

ارحبـــــــــــــــوا ياربع ومجورين وهذي من عاداتكم الردود الي تنومس الرجال

والله من ساسكم الطيب ومعليكم زود

وتوني اشوف الردود الي احتريها من سنتين وذلحين ارتكيلهم

يابواصايل. نراحب بك في منتدى ومدهال الهـــــــــــــــــــــــتيلا الاكتروني
الله يصلحك ويخليك لمك
1- مهيب لحيت ابن هملان انه يذبح ابن حميد اوشيخ من عتيبه او رعي من عتيبه

ونا ماقلت جري وحد من ال هملان

اسئل شيبانك
لولا مبارك تدهسهم كنهم معزا يوم غاروا عليه

وهذي معروفه وذا ظرب الرجال معاد يجبر

وضاهر ماعرفت الهيلا الى الحين


الهيـــــــــــــــــــــــــــلا
ان جيتها ابشر بشحم وهبة الريح

ون خويتهم يطرقه وغيره يرخلولك الكيس

ون طلبتهم ونخيتهم جاك سعدك
ون جيت معادي دقو خشمه الى مثلك وشروك يابو الاصايل
ون بغيت الهرجه خذ الهرجه الورده

ون بغيت شعار فهم انبروطريت الشعر

مهمنا من سبنانا يامسكين ساس العرب سهم الجزيره عتيبه


اللــــــــــــــــــــــــــــــــه يمبارك عقب حذف روس الرياجيل

وعيال الردى قامت تكذب افعالك الى تشهدلها ظلاعين نجد

[صعاط الجن]

يالعسيلي والله ماتدري هي فيك ولا في الخيشه

ابــــــــــــــــــــــــــــك هضلا عتابه يدكون الجبال الروسي


ارجع الى طلال والى الضل وكم سبيعين ظرابله خريمه




لكن مبارك بن شرفان شهدوله الرجال الى تورد الهرجه السلسمه

[&عنيد الفكر&]

بيض الله وجهك ياصعاط الجن
وماقصرت وتراني من ذوي شرفان والسالفه معروفه

[صامل الميقاف]

بسم الله الرحمن الرحيم

الاخوة ابناء الهيلا ماذكر بالعصمه كلهم الا اثنين شديد الحثري وعبود بن ريمان وقدهزمت سبيع العصمه من عتيبة حيث أغاروا عليهم وقتلوا فارس العصمة مرزوق أبن برقا وتمكن سبيع من هزيمة عتيبة في هذي المعركة ولما سمع احد الشيابين يقال لة ( وديد ) بلي صار انشد هذي القصيدة يتوجد على ذبحة مرزوق ويقول فيها

مرزوق أبن برقا رموة المعادين خلـوة ياللـى جعلهـم بالذهابـي
مع ايمن الغرمول وايسر جبل تين في سهلة فوقة يحـوم الغرابـي

ولما سمع أحد شعار العصمة القصيدة ويقال لة ( صنهات بن صلفة ) رد علية بقصيدة يبين له اللي صار ويذكر الشيباني بان سبيع قبل هزيمتهم للعصمة سبق لهم وان هزمو الشيابين و الدعاجين وذبحوا الشيخ براك بن سحمان شيخ ذوي خليفه من الشيابين ويقول صنهات في قصيتة

ياوديد ليتك غرت ثم شفت بالعين يوم حل في تالى الركايب ذهابي
جونا هل البل شاربين الغلاويـن ثم حولـوا مـن فوق جـرد الرقابـي
فيهم سلاطيـنً وفيهـم شياطيـن قوماً على صلم الرمك ما تهابـي
عينت ابن سحمان يارايب العيـن كبوة مـا كـزو علـى الترابـي
غرتو شيابنن ومعكـم دعاجيـن ثم عرضوكم شامخات الهضابـي
ان كان تبغا سبيع فسبيع مرسيـن للي يبيهـم عارضيـن الجنابـي
يتلون أخو جوزى سعوط المجانين هل سربة تروى الغلب و الحرابي

[الـــقـــرم]

صــــراحــــة ســالفتــك مــبالــغ فــيهــا كان بــغيــت الــعلــم ..,

أجــل فــارس مدري راعــي ينطحله 50 فارس من قبيله ثانيه , هــذا قــرانديــزر يا بعدي

والبيت واضح انــه مركب من واحد توه يطقطق بالقصيد على القصه الخياليــه ..

شـــكــــراً عــلــى هــذي الــقصــة الــمألفــة ..,

تــحياتــي // الــقــرم ...

[ابو اصايل]

صعاط الجن

باين عليك من كلامك انك صغير بالسن انت كتبت الموضوع وحنا نعلق عليه يا انك اتجيب اشياه تثبت السالفه والا تعترف بكذبتك

بعدين انا ما انشدك عن خوه عتيبه والا عن كرمهم انا اكلمك عن الموضوع لا تطلع بره النقاش

طبعا بعد ماشفت كلامك ما راح اتناقش وياك لانك ماتثمن الكلام الي تقوله وصراحتن مستغرب من الاداره شلون يشوفون كلامك ويسكتون

هذا اسمه منتدى عتيبه المفروض الكلام الهابط يحذفونه اتمنى الادراه يكونون بصف الحق ولا يهضمون حق احد وبدون عنصريه

ويا صعاط الجن انصحك نصيحه لوجهه الله خلك انسان احميه ومحب الخير لربعك وجماعتك وقبيلتك

لكن احميه مو على حساب غيرك

والختام سلام

[عالي مقامه]

يارجال مهيب لحاكم اللي تهزم عتيبه والسالفه موثقه بالقصايد وانتم مغير تجيبون سالفة ذبحة فاجر بن شليويح اللي ذبحكم واكلكم هوا وانتم ماذبحتوه الحصاه اللي جته من طلق الرصاصه هي اللي ذبحته