رسالة الى قحطان

[بيت القصيدة]

هذه الابيات ارسلتها الى أحد الزملاء العزيزين من قبيلة قحطان



يابن ربيع حي هالراس والعين = يالصاحب اللي وافيات فعوله


اسمك فخر للمرجله والقحاطين = مهوب قولي كل واحد يقوله

يضحك حجاجك فأصعب العسر واللين = والصعب تجتاحه بيسر وسهوله


قلته وانا ربعي زحول الشيابين = عنهم تنشد نجد عرضه وطوله


فرد علي بهذه الابيات




يامرحبا برسالتك ياحمر العين = يالوافي اللي كل طيب(ن) ينوله


أفخر بصحبة كل رجل على الدين = شرواك ياعز الخوي لاعنوله

والنعم فيكم يارجال القرافين = الاد مشيب كل عسر(ن) تطوله

قلته وانا من لابتن تنزح الدين = عيال عود(ن) كايداتن فعوله

[مضيم العاطفي]

صح لسانك يابيت القصيد وصح لسان رفيقك

الله يديم رفقتكم على العز والطاعه

ونعم بك ياالشيباني ونعم بربعك الاد مشيب ونعم بعتيبه

لنا من الصداقه والرفقه مع عتابه (برقا وروق) التي تصل الى حد الاخوة

ابيات جميله ومعبره لاهنت وبيض الله وجهك يابيت القصيد

[سقم المعادين]

والله ونعمين فِ قحححطآن ~
.. وصح لسآنك يابن مشيب ..
وعسسى الله لايفرقككم ..

[بيت القصيدة]

ابن عاطف صح بدنك وماعليك زود وقبيلة قحطان قبيلة لها شان كبير و عزيزه علينا

[بيت القصيدة]

سقم المعادين صح بدنك سعيد بمرورك الجميل

[عايض جزاء العصيمي]

صح لسانك ولسانه

[بيت القصيدة]

وصح بدنك يابو جزاء اسعدني مرورك الكريم

[مرزوق حمدان العتيبي]

..
.
.
صح لسانك ولسانه وكلكم كفو .

[بيت القصيدة]

صح بدنك اخوي مرزوق سعيد بمرورك الكريم

[ابوتركي العنزي]

كفو جميع وبيض الله وجيهكم

[بيت القصيدة]

ماعليك زود يابو تركي اسعدني مرورك الكريم

[ثامر القثامي]

صوت وصدى


ونعم فيكم


صح لسانكم


مبدعين ولله دركم

[بيت القصيدة]

صح بدنك أخوي ثامر اسعدني مرورك الكريم

[راعي القوافي]

قصيده جزله ورد وافي الله يعطيك العافيه