اللغز شايب ماتلمس اشنابه

[بيت القصيدة]

الأخوة أعضاء منتدى الهيلا الكرام

إليكم هذا اللغز




أنشدك عن شايب ماتلمس اشنابه = لاحق بالعين شفت الموت بعيونه

له خوة(ن) وافيه مايغدر اصحابه = واللي يخونه عشاء(ن) له لاتعدونه

ولاينرفي ون ضرب بالكف مخلابه = وان ضاق مايستمع باللي يهادونه

اسمه ثلاثه حروف أوضح اكتابه = الألف واللام مبداء لا تغرونه

[رباح دبيان البيضاني الحربي]

رمعتي انه الفخ .

[حمد عامر العتيبي]

رمعه سريعه


قد يكون السيف

[بيت القصيدة]

ساكن نجد2 رمعت الفخ مالك لوا سعيد بمرورك الكريم حياك الله

[بيت القصيدة]

حمد عامر رمعت السيف مالك لوا اشكرك على مرورك الطيب ياطيب

[مخلد منصورالثبيتي]

ان ماخاب ضني انه الكيبل اوالسلك حق الكهرباء

[حمد عامر العتيبي]

حمد عامر رمعت السيف مالك لوا اشكرك على مرورك الطيب ياطيب



الله يطيب فالك


اجل تبي العلم عندك السهم او الرمح

او الماس اللي هو ماس الكهرباء


ههههههههههههههه


يا كثر رمعاتي والله اعلم بالحل

[بيت القصيدة]

اخوي مخلد رمعت الكيبل والسلك مالك لوا سعد بمرورك

[بيت القصيدة]

خوي حمد رمعاتك على كثرها ماصاب منها شي

ههههههههه اشكر لك مرورك الجميل

[خالد سفر العتيبي]

الذيب يالذيب

[بيت القصيدة]

أخوي خالد رمعت الذيب مالك لوا ولكن رمعتك اقرب الرمعات جرب مره ثانيه

[راشد النفيعي]

اشك انه الاسد

[علي الثبيتي]

الأخوة أعضاء منتدى الهيلا الكرام

إليكم هذا اللغز




أنشدك عن شايب ماتلمس اشنابه = لاحق بالعين شفت الموت بعيونه

له خوة(ن) وافيه مايغدر اصحابه = واللي يخونه عشاء(ن) له لاتعدونه

ولاينرفي ون ضرب بالكف مخلابه = وان ضاق مايستمع باللي يهادونه

اسمه ثلاثه حروف أوضح اكتابه = الألف واللام مبداء لا تغرونه

شايب واله هيبته لاكشر بنابه+++ وان راح صوب الجبان يعد طبلونه
ومدربه بالسياسه يحسب حسابه+++ويلاعبه لعب متمكن على هونه
واليابطش بطشته من قو مضرابه+++من قوته ضربته فالخصم مضمونه
هذا الاسد لقبوه بسيد الغابه+++وان راح صوب الجبان يعد طبلونـــــــــه

[سعيد مرزوق العبد]

انا اقول النيص

[بيت القصيدة]

هلا وغلا بمرورك اخوي راشد ورمعتك من جنبها هههههههه مالك لوا

[بيت القصيدة]

اشكرك أخوي علي الثبيتي على هالابيات الجميله سعيد بمرورك الجميل , ونقول لك رمعت الأسد ماك لوا

[بيت القصيدة]

العبد هههههههه النيص ماتنطبق عليه المواصفات

اشكر لك مرورك

[خالد سفر العتيبي]

الداااااااب

[خالد سفر العتيبي]

اااااااالفرد

[بيت القصيدة]

خالد سفر ( الداب والفرد ) غير صحيح

[خالد سفر العتيبي]

الصقرررررررررررررررررررررررررر

[بيت القصيدة]

خالد مالك لوااااااااااااااااااا

[غازي البقعاوي]

الأخوة أعضاء منتدى الهيلا الكرام

إليكم هذا اللغز




أنشدك عن شايب ماتلمس اشنابه = لاحق بالعين شفت الموت بعيونه

له خوة(ن) وافيه مايغدر اصحابه = واللي يخونه عشاء(ن) له لاتعدونه

ولاينرفي ون ضرب بالكف مخلابه = وان ضاق مايستمع باللي يهادونه

اسمه ثلاثه حروف أوضح اكتابه = الألف واللام مبداء لا تغرونه


بيت القصيد
ماشاءالله لغزك تفاعل معه الجميع
الله يعطيك العافيه

انا ارمع على اللغم
تحيتي لك

[بيت القصيدة]

هلا بمرورك الكريم اخوي غازي معت اللغم مالك لوا

أهنيك على اختيار التوقيع واسال الله أن ينفع به

[خالد سفر العتيبي]

الفيش يالقرم

[خالد سفر العتيبي]

الجمل .................................................. ....... /!

[خالد سفر العتيبي]

المووووووووووووس

[منبر اعلامي]

ياخوك اللغز عرضته على شعار وقالوا اللي ركب اللغز ماهو شاعر واللغز فيه غلط

وانا ايدهم لأنه لوهو لغز كان امداه انحل واتحدى أذا كان صحيح

[خالد سفر العتيبي]

ماهو منبر اعلامي

[خالد سفر العتيبي]

التسلب ونتم بكرامه امحق حل ان كانه هو

[منبر اعلامي]

التسلب ونتم بكرامه امحق حل ان كانه هو

هذا يعض باسنانه ومايضرب بالمخلاب لوقال صحيح انا اقول له غلطان ولغزك غلط

[خالد سفر العتيبي]

أجل القطووووو

[بيت القصيدة]

خالد سفر كل رمعاتك خطأ


كرر المحاوله

[خالد سفر العتيبي]

هو حيوان ولا طير ولا ووش

[بيت القصيدة]

منبر اعلامي

هل رمعت للغز قبل التشكيك في شاعرية قائله ؟

[عثمان الثبيتي]

أنشـدك عــن شـايـب ماتلـمـس اشنـابـه
لاحـق بالعـيـن شـفـت الـمـوت بعيـونـه
لـه خــوة(ن) وافـيـه مايـغـدر اصحـابـه
واللي يخونه عشاء(ن) له لاتعدونه
ولاينرفي ون ضرب بالكف مخلابـه
وان ضــاق مايستـمـع بـالـلـي يـهـادونـه
اسـمـه ثـلاثـه حــروف أوضــح اكتـابـه
الألـــــــف والــــــــلام مــــبــــداء لا تــغـــرونـــه

لغزك صعب
ولكن عندي رمعه لعل وعسى ان تصيب الهدف هههههههه

وش رايك بالبحر

[خالد سفر العتيبي]

النسسسسسسسسسسسسسسسسر

[خالد سفر العتيبي]

الززززززززززززززززنن

[صامل العصيمي]

الله عليك ياخالد

ايه اقعد لهم الين مايقولون صح وفالك المليون هههههههههههه

لي رجعة

لاعدمناااااااااكم

تحيتي .

[خالد سفر العتيبي]

الموووووووووووووت

النوم

[بيت القصيدة]

عثمان الثبيتي أسعدني مرورك الكريم

والرميه ماصابت الهدف

تحياتي لك

[عثمان الثبيتي]

عثمان الثبيتي أسعدني مرورك الكريم

والرميه ماصابت الهدف

تحياتي لك

فدا وانا اخوك وخيرها في غيرها هههههههههههه

[بيت القصيدة]

خالد أتوقع انك بتجيب الحل وااصل الرمي ههههههه

[بيت القصيدة]

يفداك اللاش

أنتظر رميه من غير رامي تجي من خالد ههههه

[حمد بن جوباح]

بسم الله الرحمن الرحيم

حياكم الله جميعاً بعد طول غياب

ونشارك اخواننا في الله ونقول لأخينا صاحب اللغز :

الفهد ؟

[بيت القصيدة]

السلام عليكم ورحمة الله وبركاته


أحيي الجميع وأتمنا أن يكونون بخير وصحه جيده بعد هذه المده اللتي غبناها عنهم


وأقول لخوي حمد اسعدتنا مشاركته ومالك لوا

[سنجار المري]

انا عندي رمعه والله اعلم

الشعر

[حمد بن جوباح]

وعليكم السلام ورحمة الله وبركاته

وكل سنه وانت طيب وجميع الإخوة الكرام

ونعود للمحاوله ونقول : الحكم ههههههههههههههه

[بيت القصيدة]

أخي سنجار رمعة الشعر مالك لوا

أسعدنا مرورك

[بيت القصيدة]

أخي حمد رمعة الحكم مالك لوا :d

[البرواز]

أنشـدك عـن شـايـب ماتلـمـس اشنـابـه
لاحـق بالعيـن شـفـت الـمـوت بعيـونـه
لـه خـوة(ن) وافـيـه مايـغـدر اصحـابـه
واللي يخونه عشاء(ن) له لاتعدونه
ولاينرفي ون ضرب بالكف مخلابـه
وان ضــاق مايستـمـع بالـلـي يـهـادونـه
اسمـه ثـلاثـه حــروف أوضــح اكتـابـه
الألـــــــف والـــــــلام مـــبــــداء لا تــغـــرونـــه


؛؛؛

توضيح ....


الكلمات اللي ملونه بالاحمر ... بدلوها مع بعض


يعني لاتعدونه تصير في البيت الاخير وكلمة لا تغرونه تصير في البيت الثاني




:::::


واعتذر من صاحب اللغز على المداخله

[فهيد الايدا المورقي]

ابا ارمع لي رمعة لعلها تصيب



المطق

[بيت القصيدة]

أخي البرواز أشكرك على حسك في تنسيق الكليمات ولكن اللغز لشاعر هو من صاغه بهذه الطريقة وانا ناقل له فقط . ومن وجهة نظري المتواضعه أن التغيير قد يستقيم في البيت الأخير ولا يستقيم في بيت ( اللي يخونه عشا له , لأنك اذا حطيت كلمة ( تغرونه ) صار المعنى ضعيف لكن ( لا تعدونه ) معناها انه تعشاه وفقد . وعلى كل حال أحترم وجهة نظرك


تحياتي لك

[بيت القصيدة]

أخي الغالي فهيد اسعدني مرورك الكريم

والرمعة غير صائبة تحياتي لك

[حمد بن جوباح]

بسم الله الرحمن الرحيم

نعود للمحاولة مرة أخرى ونقول : اللغم ؟

[بيت القصيدة]

اهلا بعودتك اخي حمد

حاول ثانيه

[بيت القصيدة]

السلام عليكم ورحمة الله وبركاته

اخواني اعضاء وزوار منتدانا الغالي الفضلاء


نظرا لمضي وقت طويل على هذا اللغز ولم يتوصل احد الى الحل الصحيح سوف يكون الأسبوع القادم موعد لطرح الحل علما ان الكثر من الاخوة كانوا قاب قوسين أو أدنا من حل اللغز في البداية وانا سعيد جدا بكل مشاركاتكم ورمعاتكم حول اللغز .

تحياتي للجميع

[بيت القصيدة]

أعتذر من الجميع على التأخر



حــــــــــــــــــــــــــــل اللغـــــــــــــــز


( النمــــر )

[حمد بن جوباح]

الله يعافيك اخوي بيت القصيدة على اللغز وحله

بس عندي سؤال ..

تقدر تركب الحل على اللغز وتذكر الفرق بين النمر والأسد والفهد والذيب ؟

ومنكم نستفيد :)

[راشد النفيعي]

مع احترامي الشديد لك هذا ماهو لغز

والي ركبه ليس بشاعر ولايعرف شي بالألغاز

والحل الي انته تقوله انا اقول لك غلط

لايركب عليه حل لأنه ليس بـ لغز