أقرب شاعر

[صامل العصيمي]

ياسلام الله سلامٍ عد براقٍ يخيل = وآخصصه يالشعر لأهل الشعر عالين المقام
من فيه واحد يمتطي ظهر فرسه والخيل خيل = اللي على ميدان نار المعركة سل الحسام

[محمد ناصر الأكلبي]

صح لسانك

ولو ارتباطي بقاف ثاني كان رديت


بس خيرها في غيرها

....

[صامل العصيمي]

صح بدنك

الله يسلمك ويعافيك

ويشرفني اللعب معك

وإن شاء الله لنا لقاء قريب

تحيتي

:)

[خالد الزيد المكودر]

صح لسانك يا صامل

أظن صدر بيتك الاول له وزن مختلف عن البقيه

[صامل العصيمي]

شكراً لك على التنبيه يالطيب :)

هذا بعد التعديل

هلا سلام الله سلامٍ عد براقٍ يخيل

[محمد احمد الاصلع]

مرحبا بعد المخيله وادي الاجواد سيل= دام خصيت الشعر واهله فلا لحقك ملام

دام جينا قوم ياصامل وصب النا المهيل= كب طاري الحرب هات الزين من عذب الكلام

[صامل العصيمي]

مرحبا بعد المخيله وادي الاجواد سيل= دام خصيت الشعر واهله فلا لحقك ملام

دام جينا قوم ياصامل وصب النا المهيل= كب طاري الحرب هات الزين من عذب الكلام


دام البقى فوق الثرى وأنعش تدلل ياحليل = من بعد واديكم ملي يالسيل وثعول الغمام
الليل ماعاينت لي فارس ولاشفت القبيل = مار أنت تستاهل تحالفنا كما صلب العمام

[محمد احمد الاصلع]

الليل ياصامل تصمل ليلك الليله مطيل= من بعد جاك الاصلع اشرب من يده كاس الحمام

حنا رجال الحرب ماحنا كما صامل خبيل= ماني محالف من يصيح ليا قطع عنه الطعام

[صامل العصيمي]

أنته محمد وأصلعٍ قدرك هنا مرة قليل = معروف ياللي في حياته ماركب متن السنام
كم ليلةٍ فيها هجاد آقودكم مثل الدليل = ومحمد الاصلع تروا مانال فالحربة وسام

[محمد احمد الاصلع]

ياكم ليله في ظهور الخيل سويت الهويل= وانته تفرج بالعيون ولاتحزم بالحزام

اركد ياصامل ياابن عاصم لاتوامي بالشليل= قال المثل قال المثل والضرب فالميت حرام

[صامل العصيمي]

ماني بشاهد زور يالأصلع على قيلة وقيل = كيف أنت تارد للثياب العارية كم وزمام
أنته كما القطوة وأنا شلت الحمل وأعرف شعيل = افهم مثلها قبل لا أقيّد على حلقك خطام

[احمد العمري الحربي]

صحت السنتكم ماقصرتو يعطيكم الف عافية