القريب يجي على جناح السرعه

[محمد احمد الاصلع]

من هجوس الشاعر اللي ماتعشقها عشاقه= مذخره والمذخره من ساس ابوه وساس جده

والله انا مع عتابه مانبا قطع العلاقه= مير اشوف البرق يبرق والليالي مجرهده

[خالد الزيد المكودر]

الله الله

مبدا جميل

صح لسانك يا محمد احمد الاصلع

و صح لسان قبيلك مقدما

[فلاح الواهبي الشهراني]

صح لسان يامحمد

[محمد احمد الاصلع]

صح البدن والروح

[محمد احمد الاصلع]

وش بلاكم ماتردون وانتو شعار ياالاثنين واللي هاجين من الاصلع اكيد انه مخوف الجميع كل مابدعت بدعه حاموا حاموا حولها ثمن جفلوا ههه

[فلاح الواهبي الشهراني]

استلم الرد يامحمد وماحد يخاف الا من الله

[محمد احمد الاصلع]

الله يجيب شاعر عتيبي يرد علينا بها البدعه اللي والله ماودي تروح بلاش مثل سابقاتها

[فلاح الواهبي الشهراني]

من هجوس (ن) تطرب الاقصين وجموع الرفاقه=للجمايل مستعدة للحرايب مستعدة
تالي الايام ماينفع مع الناس اللباقة=اسرج اخيولك وعد الجيش للغزوات عده

[محمد احمد الاصلع]

لاتجمل غير في ناس لهم فالطيب باقه= انت مثل اللي رعى نوق العرب وانباح سده


دامت انك جيت في راسك نبا نبدى الحلاقه= والطيور الباقيه فيها مع الايام لده

[فلاح الواهبي الشهراني]

وانت مثل اللي يصب البن مايعرف مذاقة=شيب الرجال من جهد المطالب والمكدة
انت مثلك للحرايب يلزمه مشروب طاقة=ابك حنا اهل الغزاوي يوم راسك في المخدة

[رباح دبيان البيضاني الحربي]

صحت السنتكم

[محمد احمد الاصلع]

يافلاح الواهبي حذراك تطغيك الحماقه= والبنادم مايود الا القلوب اللي توده

انفتح يااصحابنا في جدركم عشرين طاقه= مار عزز جدرك اللي كل عاصوف يهده

[فلاح الواهبي الشهراني]

يامحمد ودي اعلمك بعلوم الطلاقة=يوم دربك ممتلي بالنار وانته فيك صده
وانت بابك منفتح للناس ومرخي وثاقة=صكو البيبان قبل اتجيك خلان الاشدة

[محمد احمد الاصلع]

كيف تعطيني علومك وانت ماتملك بطاقه= شيل حملك ياجمل واللي تجيب اليوم وده


بيتنا مبني ومحمي ياعميلي من رواقه= وانت ضيفك لالفاك من الوله يزداد رده

[محمد احمد الاصلع]

الخاتمه عندك يافلاح ماقصرت اشكرك على ماقدمت وفمان الله ولنا لقاء ان شا الله

[فلاح الواهبي الشهراني]

المنافق لو تطوع ماقدر يترك نفاقه=يابعير(ن) وسمنا ينشاف لا من لف خده
انت منت بلا عدو ولانت حايز للصداقة=انت رجل(ن) كل ماهب الهوا يرمي بسده

[فلاح الواهبي الشهراني]

اشكرك يامحمد ونشرف بمثلك