الشاعر الحاضر .. على طرق الزير ..!

[صامل العصيمي]

يالالي يالالي يالال=
يالالي يالالي يالال=
واليوم نبني عمارة=


سلام تسليم صامل =
والطيب عندي وحاصل =
واليوم نبني عمارة=






يالالي يالالي يالال=
يالالي يالالي يالال=
والموقف اليوم حامي=


المعركة شبت النار =
ويقودها الكلب بشار=
والموقف اليوم حامي=

[خالد سفر العتيبي]

يشرفني أنضمامي معكم وكما يشرفني الرد عليك


يالالي يالالي يالال
يالالي يالالي يالال
والصبح نشرب زقاره





ارحب تراحيب شامل
على حضور المحافل
والـصبح نشرب زقاره










يالالـي يالالـي يــالال
يالالـي يالالـي يــالال
و قود الجمل بالخامي






المعركـة تبغي الثار
بشار سوقه بلا شار
قود الجمل بالخطامي







كذا صحيح

[صامل العصيمي]

يالالي يالالي يالال =
يالالي يالالي يالال =
والمنتدى مثل داره =


خالد يشرف حضوره=
كامل ولا به قصورة=
والمنتدى مثل داره=





يالالي يالالي يالال =
يالالي يالالي يالال =
والسيف سوري وشامي=


ساعة ودمّه كما السيل =
والنصر جايز وبالحيل =
والسيف سوري وشامي=

[صامل العصيمي]

ارحب يابو مسفر , حياك الله

صحيح 100 %

لكن القوافي هذي :

شامل - محافل ,,

الثار - شار .


تقدر تغيرها بأي قافية تختار

تحيتي لك




:)

[خالد سفر العتيبي]

يالالي يالالي يالال
يالالي يالالي يالال
صامل أمير الاماره




من الرياض وقصوره
لك البقاء لا شروره
صامل امير الاماره









يــالالــي يــالالــي يــــالال
يــالالــي يــالالــي يــــالال
مافيه جوعان ضامي






ملعون خير يبى الويل
عدوله جيوش ابو فيل
مافيه جوعان صامي

[خالد سفر العتيبي]

ارحب يابو مسفر , حياك الله

صحيح 100 %

لكن القوافي هذي :

شامل - محافل ,,

الثار - شار .


تقدر تغيرها بأي قافية تختار

تحيتي لك




:)





هلا والله



أستمر أستمر

[صامل العصيمي]

يالالي يالالي يالال =
يالالي يالالي يالال =
بنكه عديم الخسارة=


الطيب يبدي علامه=
عند العتيبي وسامه=
بنكه عديم الخسارة=





يالالي يالالي يالال =
يالالي يالالي يالال =
أسل سيف الحسامي=


الله يقصف شبابه=
لو كان تغزي عتابة=
أسل سيف الحسامي=

[صامل العصيمي]

من يحب الإطلاع عليها :)

http://www.youtube.com/watch?v=_5U3Bkbk5sY&feature=player_embedded#!

[خالد سفر العتيبي]

يالالي يالالي يـالال
يالالي يالالي يـالال
له الفخر باشتهاره


من غير ريب وضني
بفعل العتيبي يغني
له الفخر باشتهاره





يالالـي يالالـي يــالال
يالالـي يالالـي يــالال
نحكم عليهم عدامي



العز نبراس جدي
من بار بالعهد ضدي
نحكم عليهم عدامي

[صامل العصيمي]

يالالي يالالي يالال =
يالالي يالالي يالال =
كلٍ بفعل إختياره=


علمٍ عليه البراهين=
مافيه تسديدة الدين=
كلٍ بفعل إختياره=





يالالي يالالي يالال =
يالالي يالالي يالال =
نرقى طوال السنامي=


حنا على سكة الحرب=
للي بعَد يجهل الرب=
نرقى طوال السنامي=

[خالد سفر العتيبي]

يالالي يالالي يالال
يالالي يالالي يالال
عقب الكسر بالجباره





حي الرفيق الفداوي
يبدل شعور الهواوي
عقب الكسر بالجباره









يالالـي يالالـي يـالال
يالالـي يالالـي يـالال
يشفي الصدور السقامي



نبغى شبيه الشجاعي
عمر طولي الذراعي
يشفي الصدور السقامي

[صامل العصيمي]

خالد مسفر العتيبي

صح لسانك وبيض الله وجهك

تشرفت باللعب معك , شاعر جزالة ومبدع

تحيتي للجميع

:)

[خالد سفر العتيبي]

تحيتي لك بيض الله وجهك وصح لسان صامل العصيمي

[محمد احمد الاصلع]

راقت لي المحاوره كما راق لي شاعريها متمنيا لهم محاوره اجمك واكمل لاحقا بارك الله بكم , شكراً لشاعريها

[خالد سفر العتيبي]

حتى انا راقلي مرورك هلا والله كل يوم تعال

[حمد عامر العتيبي]

صامل وخالد


صحت الالسن وبيض الله وجيهكم