عبدالرزاق

[عبدالله بن هملان الغامدي]

يا سلامي عليكم قبل أقص الشريط ؛؛؛ والله انه يقدينا على طاعته

النفيعي مع الشعار ما هو بسيط ؛؛؛ غاص بحر القصيد وطـاح في قاعته

[عبدالاله المقاطي]

الله الله


صحت الألسن مقدما

وأنا في صفك يابن العم لا هاان الغامدي..

[عبد الرزاق بن سعود النفيعي]

انت مدري على نيّتك والاّ عبيط= كل تاجر يبا يكسب من بضاعتة !!!
النفيعي مع الشعار سيفٍ سليط= كم قلبٍ دخله الخوف من راعتة !!!

[عبد الرزاق بن سعود النفيعي]

عبد الاله المقاطي

صح بدنك والصف يزهابك

لاهنت

[عبدالله بن هملان الغامدي]

الله الله طيب


الزمن مختلط خيره وشره خليط ؛؛؛ كل واحد يشوف الوقت في ساعته

ما تكلف على فارس حصانه نشيط ؛؛؛ خل بشتك معلق فوق شماعته

[عبدالله بن هملان الغامدي]

الله الله


صحت الألسن مقدما

وأنا في صفك يابن العم لا هاان الغامدي..




صـح بدنك يالمقاطـي ولا هنت

[عبد الرزاق بن سعود النفيعي]

يابن هملان خلك في زمانك حويط= لو ترضع عسل صافي برضاعتة !!!

كم من فارسٍ ماعندة الا الخريط= كل ماشاف حرب القوم وصناعتة !!!

[عبدالله بن هملان الغامدي]

لا توصي وجرحك غايراً ما يخيط ؛؛؛ ما كشفه الطبيب الا من اشاعته


النفيعي ليا منه زعل يستشيط ؛؛؛ مايبى الهوش لين يحظر فراعته

[عبد الرزاق بن سعود النفيعي]

لوتخبط الجمل مايلتفت للخبيط= لاتحسبه طماعة عند طماعته !!!

النفيعي يابن هملان سوّا البطيط= يوم كلٍ يصيّح يمّ فزاعتة !!!

[عبد الرزاق بن سعود النفيعي]

صح لسانك ياعبدالله ولاهنت على الدعوة وكرم الاخلاق ..
استمتعت باللعب معك طال عمرك

والمعذرة على القصور .... والختام من عندك

تصبح على خير انت والموجودين معنا

[سعيد مرزوق العبد]

صحة السنتكم يالنشاما

ماشالله علي القافيه

ايط و اعته

ممتازه

[عبدالله بن هملان الغامدي]

البطيط هههههه طيب طيب


ذاه عذروب واضح كان عقلك يحيط ؛؛؛؛ لو هذا الجمل عند البدو باعته


المهند لعنتر . والرشا مع مقيط ؛؛؛؛ والوديع الله الله يحفض وداعته

[عبدالله بن هملان الغامدي]

صح لسانك ياعبدالله ولاهنت على الدعوة وكرم الاخلاق ..
استمتعت باللعب معك طال عمرك

والمعذرة على القصور .... والختام من عندك

تصبح على خير انت والموجودين معنا




صــح بدنك وتشرفت بالعب معك يا عبدالرزاق

شكراً لتلبية الدعوه وتصبح على خير

[عبدالله بن هملان الغامدي]

صحة السنتكم يالنشاما

ماشالله علي القافيه

ايط و اعته

ممتازه



صـح بدنك يا سعيد ومشكور على مرورك الطيب

[طراد العصيمي]

المهند لعنتر . والرشا مع مقيط ؛؛؛؛ والوديع الله الله يحفض وداعته



الله الله

اعجابي


صحت الالسن والابدان