سجل تواجدك يا طراد

[ثامر القثامي]

سجل تواجدك لا هنت

[طراد العصيمي]

موجود ياثامر

[ثامر القثامي]

بيني وبينك يالعصيمي والخواطر لا تضيق = اما تحل المشكله والا تزيد المشكله

في تالي الايام كل قام يسحب له فريق = وحنا رجال يالعصيمي مانحب المهزله

[طراد العصيمي]

ثامر قثامي والقثامي كنه الاخو الشقيق=لو دارت الايام يبقى في رفيع المنزله

النار مبداها شراره قبل ماتقبس حريق=والعدل ساسه تجزي المخطي على حسب أعمله

[عثمان الثبيتي]

الله صحت السنتكم

متابع

[طراد العصيمي]

صح بدنك ياعثمان وحياك

[ثامر القثامي]

الله يبارك في الرفيق اللي حفظ قدر الرفيق = وانتم وحنا صف واحد في علوم المرجله

حنا نقول الوضع هذا يالعصيمي ما يليق = وش معك حيله يالعصيمي لو تثور القنبله

[ثامر القثامي]

صح بدنك يا عثمان


ومتابعتك شرف


لكن حدد صفك وين

[قيس العازمي]

صحت الالسن والقلوب



وانا في صف العصيمي ولايهون القثامي




متابع

[طراد العصيمي]

أن باروا العالم ترانا مانبور أمع الصديق=أنقدره وانحشمه والي على بالك قله

الصدر ياثامر ليا كثرت جروحه مايطيق=طوفت اله ثنتين مير الثالثه مهيب اله

[ثامر القثامي]

هلا وغلا يا قيس


صح بدنك



طيب طيب جايك السرى مادام صفيت مع العصيمي




تشرفنا بك طال عمرك

[طراد العصيمي]

صحت الالسن والقلوب



وانا في صف العصيمي ولايهون القثامي




متابع





صح بدنك ياقيس والصف يتشرف بك يالذيب

[ثامر القثامي]

انته على راس الجبل ما ادري عيونك وش تويق = والجاهل اللي ما يمز مخرجه من مدخله


المشكله لان كان مالك ياولد عاصم طريق = اللي سكن في المسفله يعرف دروب المسفله

[ماجد العصيمي]

الله الله



صح لسان العصيمي والقثامي



الليل يا طراد ونباك حاضر على طول

[طراد العصيمي]

الظاهر انك وسط بحر الحقد ياشاعر غريق=أتعب تجيب الثانيه حنا خذينا الاوله

أنا احمد الله ماني بسارق ولا قاطع طريق=ولاني لقيطن فالمساجد مايعلم عن هله

[طراد العصيمي]

الله الله



صح لسان العصيمي والقثامي



الليل يا طراد ونباك حاضر على طول




صح بدنك يابن العم

وحياك مليون

وانا اتمنى تواجدي مير الضروف تحكم يابن العم

وقليل دخولي وان غبت انت فيك الكفايه ياماجد

[طراد العصيمي]

الضاهر ثامر سرى

تصبحون على خير وشكرا لكل من تابعنا

[ثامر القثامي]

ليا حضرنا يا وسيع العرف يابس كل ريق = والي ما يرباه الزمن يربط بقفل وسلسله

علم بها اللي من منامه يالعصيمي ما يفيق =وانت بكيفك تفتح الموضوع والا تقفله


لا والله ما سريت لكن الشبكة تعطلت شوي

[طراد العصيمي]

ههههههههههههههه


مايربط الا الكلب ياثامر بعد يسرق سريق=وأنته وأنا نكرم مانربط في حديد ومحبله

الطب كيه نار تبرق من حرارتها بريق=ولا بلعقه من عسل حلوه ماهيب مفلفله

[عثمان الثبيتي]

صحت السنتكم مره ثانيه مبدعين

ومجرمين شعر ههههههههههههههههههههههههههه

[طراد العصيمي]

صحت السنتكم مره ثانيه مبدعين

ومجرمين شعر ههههههههههههههههههههههههههه




صح بدنك لين ترضا والمجرم القثامي بس :)

[مخلد منصورالثبيتي]

صحت الالسن
والقلوب
يعطيكم العافيه

[طراد العصيمي]

صحت الالسن
والقلوب
يعطيكم العافيه





صح بدنك لين ترضا يالثبيتي ويعافيك ربي

[ثامر القثامي]

هههههههههههههههههههههه


الله مكرم لحيتي عن واحد دقنه حليق = اما قريت الفاتحه والا قريت الزلزله





ترى انكر الاصوات عند الله من ينهق نهيق = حنا نشوف اللي يغني والخبول مطبله

[ثامر القثامي]

صح بدنك لين ترضا والمجرم القثامي بس :)


هههههههههههه


الاجرام من راسك انت والا انا ادور باب السلامة

[ثامر القثامي]

صحت الالسن
والقلوب
يعطيكم العافيه


هلا وغلا مخلد


صح بدنك وكلك


وعافاك الله



وشكرا

[طراد العصيمي]

هههههههههههههههههههههه


الله مكرم لحيتي عن واحد دقنه حليق = اما قريت الفاتحه والا قريت الزلزله





ترى انكر الاصوات عند الله من ينهق نهيق = حنا نشوف اللي يغني والخبول مطبله







الله يرج ابليسك ياثامر

واضحكني ردك الله يضحك سنك دايم :)

وصح السانك وشاكر دعوتك

واستفد منك في كل شيء

ولنا لقاءات ثانية

تقديري

[ثامر القثامي]

عثمان

صح بدنك

والله انك ريس الاجرام كله

[ثامر القثامي]

الله يرج ابليسك ياثامر

واضحكني ردك الله يضحك سنك دايم :)

وصح السانك وشاكر دعوتك

واستفد منك في كل شيء

ولنا لقاءات ثانية

تقديري




شكرا لك طال عمرك


الفايده لي وصح لساااااانك حتى ترضى


تحياااتي

[عبدالاله المقاطي]

صحت السنتكم يالشعارر

ودي انقسم على الصفين لكن المصلحة تقتضي ان اكون محااايد

ههههههههههه

[طراد العصيمي]

صحت السنتكم يالشعارر

ودي انقسم على الصفين لكن المصلحة تقتضي ان اكون محااايد

ههههههههههه







الصف واحد وبيض الله وجهك وصح بدنك

[عزارم]

صحة الالسنه و القلوب