رثاء في صاحب السمو الملكي الامير نايف بن عبدالعزيز رحمه الله للشاعر

[عضو الجودة]

رحم الله الأمير نايف وأسكنه الله فسيح جناته وأحسن الله عزاءنا اليكم إخواني هذه الأبيات التي كتبتها على عجالة وجادت بها قريحة الشاعر / عواض بن شداد أرجو ان تحوز على رضاكم

رحلت يانايف وحنا فقـــــــــــدناك=== ولازلت في قلوب الملايين باقــــي
الكل يانايف مصاب(ن) بماجــــاك=== مصيبة(ن) تقصم ظهور السواقي
نبكيك يانايف وياحرفرقــــــــــــاك=== اقلوبنا تكوى بنار الفراقـــــــــــــي
رحلت يانايف ويابعد ممشــــــــاك=== ماعاد اشوفك فالسنين البواقـــي
ياناصر السنة وياقاهر اعـــــــداك=== حطيت في كبود المعادي عراقـــي
على العدا صدمة لياحل طريـــــاك=== ونفوسهم تاصل لحد التراقــــــي
على صحاف المجد فعلك بيمنـــاك === مثبتينه بالصور والحقاقـــــــــــــي
مرحوم ياعود(ن)على المجد رباك=== رباك وانت الهامة المجد راقــــــي
جاء خادم البيتين يالليث ينعــــــاك=== وكبده عقب فرقاك فيها حراقــــي
ياليتنا قبل المنية فدينــــــــــــــاك=== لكن حكم الله على الخلق فاقــــي
الله يجعل جنة الخلد مثـــــــــــواك=== مثواك في يوم الحشر والتلاقـــي
والله يعوضنا بمثلك وشـــــــــرواك===والخير فال اسعود مازال باقــــــي

رحم الله نايف وأسكنه فسيح جناته
ولكم تحياتي أخوكم الشاعر / عواض بن شداد السواط

[عضو الجودة]

بيض الله وجهك يابن شداد وكثر الله من امثالك من الشعراء ورحم الله الامير الغالي .

[أخو جوزا]

الله يرحمه ويسكنه الجنة

صح لسانك

[مخلد منصورالثبيتي]

بيض الله وجهك قصيده معبره وجزاك الله خير ورحم الله الفقيدواسكنه فسيح جناته