يالله ترحم نايف العز والجود

[صقر المرشدي]

السلام عليكم ورحمة الله وبركاته



يالله ترحم نايف العز والجود
اللي على الارهاب نارن لضيه
هو ناصر السنه هو الشامخ الطود
هو سيفنا البتار في كل هيه
لكن باقي عندنا الخير موجود
مادام ابو متعب عزومه قويه
واخوانه الشجعان وسلالة العود
والشعب ينبض بالوفا والحميه
حنا على اعداء الوطن كلنا جنود
دون الوطن نارد حياض المنيه
نحمي وطنا كل ماهبت النود
حنا حرارن للوطن صيرميه
حب الوطن بالقلب من زود في زود
والحب يبقى دام الارواح حيه
يالله طلبتك ترحم الحال وتجود
والعبد يمشي تحت حكمة وليه

وسلامتكم

صقر المرشدي

[عثمان الثبيتي]

صح لسانك ولاهنت

والله يرحم نايف

[عـاشـق الحقـيـقـة]

رحم الله نايف ( أسد السنة ) وفقيد الوطن والأمة رحمة واسعة .


.
.

صح لسانك .

[راشد النفيعي]

صح لسانك والله يرحمه ويغفر له

[ابن سلوم الهيلوم]

صح لسااانك ي صقر

والله يتقل دعاك

[راعي القوافي]

كفيت ووفيت وصح لسانك ولاهنت شاعر مبدع ياصقر