سؤال لشاربين الفناجيل ؟

[بيت القصيدة]

عندي سؤال لشاربين الفناجيل = واللي يحله يستحق العلامه

ياويش رجال سوات الرياجيـــل = لكن مايحضا بذرة كرامـــــــه

رجال في حل الصعيبات حلحيل = عند الشدايد ماتراعد عظامـه

[راشد النفيعي]

مشكوور يابيت القصيد

خلني اتعشا وبعدين افكر في حله

[بيت القصيدة]

تعش جعله بالعافيه وبعد العشاء فكر وهات الحل بنتظارك انت والأخوان الآخرين

[عايض جزاء العصيمي]

وش رايك فالرجل الالي

[نوآف الشرآري]

صح لسانك يابيت القصيده.
وش رآيك بـ.. الشنب والحق يفرض أنآ نهينه.

[راشد النفيعي]

اعتقد الرجل الالي او القلم

[بيت القصيدة]

صح لسانك يابو جزاء اصبت الهدف ( الرجل الآلي ) صحيح

[بيت القصيدة]

نواف الشراري اشكرك على الرمعه والحل الصحيح ( الرجل الآلي ) كما قال عايض جزاء . ماقصرت يانواف خيرها في غيرها جااي لغز فالطريق

[بيت القصيدة]

راشد النفيعي والله رمعاتك بعد العشا جيده الظاهر عشاك دسم صح لسانك على رمعه الرجل الآلي هو صحيح