طحرور العقيلي

[صامل العصيمي]

مساااااء الخير

سجل تواجدك وأبدع يالطيب

:)

[طحرور العقيلي]

يا صامل اصمل وخذ قسمك مع القوم *** لا تهاب وتقول الوضع فيه ريبــه
فــــرصة ثمينة مـــا تفوت ولا تـــــدوم *** والمرجله سهله ولا هي صعيبه

[صامل العصيمي]

ياللي كليت اليوم صلصة مع الثوم = لاتهرج أو ينطق لسانك بعيبه
توك على الإسلام رجال محشوم = تفتي وتنقد وأنت مالك ضريبة

[صامل العصيمي]

لا والله إلا كفتّك في الحفره هههههههههههههههه

:)

[صامل العصيمي]

طحرووووووووووووووور

وينك

[طحرور العقيلي]

يا صاحبي مـــــا دامك اليوم مهموم*** لا تشعل الفتنه ونــــــار الحريبه
احفظ لسانك يالعصيمي عن اللوم ***هرجتك هاذي وسط ربعك معيبه

[طحرور العقيلي]

معليش الجهاز يقطع الاتصال

[صامل العصيمي]

يا صاحبي مـــــا دامك اليوم مهموم*** لا تشعل الفتنه ونــــــار الحريبه
احفظ لسانك يالعصيمي عن اللوم ***هرجتك هاذي وسط ربعك معيبه


خصٍ ليا واجهت رجال مصدوم = بين الحقيقة والوهامي مصيبة
الليل بادي والليالي بها نجوم = والنجم مانقدر نثبّت مغيبه

[طحرور العقيلي]

بعض العرب عنده دراهم ومحروم *** و عينه على غيره ولا شاف جيبه
سبـاح لــكن فالبحر كيف بــتـــعوم*** وأنته في عين الحوت كبر الزبيبه

[صامل العصيمي]

بعض العرب عنده دراهم ومحروم *** و عينه على غيره ولا شاف جيبه
سبـاح لــكن فالبحر كيف بــتـــعوم*** وأنته في عين الحوت كبر الزبيبه



بالطيب نبحث عن هل الطيب والسوم = واللي على الردى ترى الله حسيبه
لكن مثل الفيل من دون خرطوم = ماله بعين الناس قدرة وهيبة

[طحرور العقيلي]

التاجر اللي مثل شرواك منجوم***بضاعته فالسوق مثل السريـــــبه
يا طير عود يم عشك و لا تحوم *** شمس الفجر بانت ولا هي غريبه

[صامل العصيمي]

التاجر اللي مثل شرواك منجوم***بضاعته فالسوق مثل السريـــــبه
يا طير عود يم عشك و لا تحوم *** شمس الفجر بانت ولا هي غريبه


لأهل الردى تاتي وتنباع وتحوم = وألا بضايعنا ترى هي عجيبة
وش لد عيني بين عصفورة البوم = بكرة تغيب وبين شرق ومغيبة

[طحرور العقيلي]

تشرفت باللعب معك والصلاة يا إخوان