سلام والطيّب يبين بفعل ربعه وخوياه ...! (صامل)

[منصور الثبيتي]

سلام والطيّب يبين بفعل ربعه وخوياه = مير الحقايق من جهتكم جاهلين طروقها ...!
لآمن طرقت الباب يَ صامل ترا مَ رجع وراه = لو قدم عيني هلّت الغيمه بصفق بروقها ...!

[صامل العصيمي]

الله الله على الجزالة

صح لسانك :)

وبعد الصلاة إن شاء الله

أكون متواجد
.
.
.
.


:)

[منصور الثبيتي]

الله الله على الجزالة

صح لسانك :)

وبعد الصلاة إن شاء الله

أكون متواجد
.
.
.
.


:)


صح بدنك ياصامل ..!

في انتظارك .!

تحياتي لك ..!

[منصور الثبيتي]

___________________

[صامل العصيمي]

سلام والطيّب يبين بفعل ربعه وخوياه = مير الحقايق من جهتكم جاهلين طروقها ...!
لآمن طرقت الباب يَ صامل ترا مَ رجع وراه = لو قدم عيني هلّت الغيمه بصفق بروقها ...!

الله الله


سلام والطيب يبيّن مثل ذرات الصفاه = وأنا أدري إنك تحلق الطيب وفي طاروقها
أنته طرقت الباب من وجهه ويمكن من وراه = علّم بنا حتى تبان علومها وفروقها

[صامل العصيمي]

يسعد مساء الجميع

مرحبا منصور :)

[منصور الثبيتي]

الله الله


سلام والطيب يبيّن مثل ذرات الصفاه = وأنا أدري إنك تحلق الطيب وفي طاروقها
أنته طرقت الباب من وجهه ويمكن من وراه = علّم بنا حتى تبان علومها وفروقها


ياطيب صامل ياعرب وجهه مايفرق عن قفاه = مير السوالف من بعضها وسط كيس احوقها ...!
نعرف وش اللي قد حصل والبير من فوقه غطاه = لكن يابن عمي سلومك لآ تكثر عوقها ...!

[منصور الثبيتي]

كان عندي مشوار كمّل الطاروق

[صامل العصيمي]

الله الله

طيب طيب

:)

[صامل العصيمي]

ياطيب صامل ياعرب وجهه مايفرق عن قفاه = مير السوالف من بعضها وسط كيس احوقها ...!
نعرف وش اللي قد حصل والبير من فوقه غطاه = لكن يابن عمي سلومك لآ تكثر عوقها ...!


أثرك يابن عمي كبير ومن كبار الدهاه = اتخم لك في حاجةٍ عند العرب وتسوقها
البير وش تبغا بجنبه تارد الليلة علاه = البير يسحب في الرجال ابروسها وحلوقها

[صامل العصيمي]

الليــــــــل الليــــــــــل

:)

[منصور الثبيتي]

أثرك يابن عمي كبير ومن كبار الدهاه = اتخم لك في حاجةٍ عند العرب وتسوقها
البير وش تبغا بجنبه تارد الليلة علاه = البير يسحب في الرجال ابروسها وحلوقها



اللي يبا يمتر من السبع اللاراضي لَ سماه = من قول اله عرق المهايط بالشٍ ب عروقها ...!
تبا تحرف مانكتب لكن على المخطي خطاه = لكن فروق السوم توجد كلها في سوقها ...!

[منصور الثبيتي]

أعذرني ي صامل وشكراً على صبرك علي ...!

والله كان عندي ضيف ...!

أكمل تحياتي ..!

[صامل العصيمي]

ارحب يا منصور

وطيب طيب

:)

[صامل العصيمي]

ياطيب صامل ياعرب وجهه مايفرق عن قفاه = مير السوالف من بعضها وسط كيس احوقها ...!
نعرف وش اللي قد حصل والبير من فوقه غطاه = لكن يابن عمي سلومك لآ تكثر عوقها ...!


أثرك يابن عمي كبير ومن كبيرين الدهاه = اتخم لك في حاجةٍ عند العرب وتسوقها
البير وش تبغا بجنبه تارد الليلة علاه = البير يسحب في الرجال ابروسها وحلوقها

تم تعديل خطأ مطبعي .

[صامل العصيمي]

اللي يبا يمتر من السبع اللاراضي لَ سماه = من قول اله عرق المهايط بالشٍ ب عروقها ...!
تبا تحرف مانكتب لكن على المخطي خطاه = لكن فروق السوم توجد كلها في سوقها ...!


حث القدم وشقح برجلك لين تاصل فالفضاه = وأثبت كلامك عندنا حتى نشوف بروقها
أخطيت في جر القلم والكل ياخذ له جزاه = وأنته تبا تحجب شعاع الشمس وقت شروقها

[منصور الثبيتي]

حث القدم وشقح برجلك لين تاصل فالفضاه = وأثبت كلامك عندنا حتى نشوف بروقها
أخطيت في جر القلم والكل ياخذ له جزاه = وأنته تبا تحجب لضوء الشمس وقت شروقها


لو كل شاعر قال ماقلته جعل دونه حماه = وصامل كحل عينه بكفُه ليش يخدش موقها ...!
والله لو تركب جبال طويق وجبال السراه = وراع القلم في جوف جيبه ونغدا معلوقها ...!

[صامل العصيمي]

لو كل شاعر قال ماقلته جعل دونه حماه = وصامل كحل عينه بكفُه ليش يخدش موقها ...!
والله لو تركب جبال طويق وجبال السراه = وراع القلم في جوف جيبه ونغدا معلوقها ...!


القاض يبطل صحته في مجلسٍ بين القضاه = مار الحقيقة روحت بين الجمال ونوقها
كم من ديارٍ اجبالها طالت وأنا فوق الهواه = كيف النشاما ضيّعت حاجاتها وحقوقها

[صامل العصيمي]

صح لسانك وبيض الله وجهك

فتل ونقض جزل

لا عدمناك والله يابن العم

والختام عندك

:)

[عزارم]

صحة الالسن و القلوب

[منصور الثبيتي]

صح لسانك وبيض الله وجهك

فتل ونقض جزل

لا عدمناك والله يابن العم

والختام عندك

:)



صح بدنكك ...!

وجهك ابيض ...!

تحياتي ..!