يسبك اللـي عاجـز عـن دروبـك

[ابن منيع الزلامي]

لكم هذه الرائعه من روائع أبو جميل :


عجيب يـا قلبـي وعجبتـك دوبـك
مااشوف علم جايـز لـك ومعجبـك
ياقلـب حاسبنـي وحاسـب ذنوبـك
مدري بخـلان الرخـا وش مرغبـك
وش ولعـك فـي نـاس ماقلدوبـك
ولا ثمنواحقـك وقامـوا بواجـبـك
ربع يذريهـا الـذرى عـن هبوبـك
خسران لو تشكي عليهـم مصايبـك
ان كـان ماتلمـس يدينـك جيوبـك
في ذمتي ما منهـم اللـي يصاحبـك
وعند النهايـه برقـوا وضحكوبـك
كم من ضحـوك يستغيبـك ويكذبـك
اليـوم صدقانـك وباكـر حكـوبـك
وبعد الرجا فيهـم تكـدر مشاربـك
هراجة المجلـس ليـا مـا لقوبـك
شـي يقولونـه حـداهـم تنكـبـك
ومالوا بسـوق المهزلـه ونزلوبـك
ضعاف العقول اللي تسولف عن الدبك
يسبك اللـي عاجـز عـن دروبـك
لا فاعـل فعلـك ولاهـو مجنـبـك
اعرف على جسمك تفاصيـل ثوبـك
وتـرك مذاهبهـم وعـزز مذاهبـك

[راشد النفيعي]

ابو جميل فعلآآآآآآ قصيده رائعه تستحق الشكر عليها

[سعد بن مطلق المقاطي]

صح لسانه ولسانك

[خـ الهيلا ـالد]

صح لسانك هذا الشعر الحقيقي

[ولـد الـهـيـلا]

صح لسان شاعر وجبل ودرع عتيبة الهيلا الشيخ الشاعر الكبير بإختصار من تزهابه الألقاب ويزيدها فخراً إن ( رشيد بن زيد الزلامي )

[الامير حريبيش]

تسلم يالامير علي ايراد هذه الرائعه وصح لسان ابو جميل شاعر عتيبه

[عزارم]

صح لسانه ولاهنت ياطيب