المساعد الشخصي الرقمي

مشاهدة النسخة كاملة : أستوا الطاروق

علي القحطاني
02-Jul-2005, 10:11 PM
أستوا الطاروق والهاجوس مع هب النسيمي = يا سلام الله سلامٍ مقصده ساحة عتابه

يا عتيبه لا يجيني شاعرٍ توه عليمي = ازهمولي واحدٍ فالملعبه يحسب حسابه
مرزوق حمدان العتيبي
02-Jul-2005, 10:40 PM
...
..
.
ابداع ياعلــي في البدعه
وعزّ الله لو ماني توني اعليمي اني مافوتّها...
الليل ياشعار
علي استعد للاقلاع..
سلمت ويسلمون الجميع..
متابعه حتّى النهايه..
ماجد الهذلي
02-Jul-2005, 10:46 PM
الله الله يالقحطاااني أستلم


يا هلا يا مرحبا ترحيب من عصر ٍ قديمي = والعلوم الثانيه جات السوالف والإجابه
يا علي ننحر جمل حذرى تذكي لك نعيمي = والجمل يا صاحبي ما كل منهو جاك جابه
ماجد الهذلي
02-Jul-2005, 10:50 PM
مرزوووق سامحك الله أنت عليمي

العليمي أنا وأمثاالي بس أنت بتورط الشعار معك

وبعدين إذا بدعوا معك ينشبووان :d

أعذرني كشفت أسرارك :)

تحياااتي
مرزوق حمدان العتيبي
02-Jul-2005, 10:59 PM
...
..
.

الله الله ياماجد
رد وافــي
وانا ماقلت الا الصدق وانا اخوك..
منك ومن امثالك نتعلم..
كل الود
فيصل المسعودي
03-Jul-2005, 02:23 AM
علي القحطاني و ماجد الهذلي



تحياتي ابداع وووواااااااصلووووووووو
علي القحطاني
03-Jul-2005, 07:37 AM
مرحبا يا ما جد واتشرف باللعب معك

خلوها:


البقا يا طير شلوا يا عسى عمرك يديمي = والعلوم علوم والبرّاق يبرق في سحابه

القناد قناد دله والتمر تمر القصيمي = والقصيمي يا طويل العمر ما كلٍ لفابه
علي القحطاني
03-Jul-2005, 07:40 AM
الله يحيييك يا مرزوق و قال ايش قال عليمي ما يدري ان أبياته نلعب بها البارح الاول وحنا كاشتين مع الشيبان خاصةً وسوم تركي :)

الاخ فيصل المسعودي لا هنت على مرورك وتابعنا وانا اخوك متابعتك شرف لنا
مرزوق حمدان العتيبي
03-Jul-2005, 08:48 AM
البقا يا طير شلوا يا عسى عمرك يديمي = والعلوم علوم والبرّاق يبرق في سحابه

القناد قناد دله والتمر تمر القصيمي = والقصيمي يا طويل العمر ما كلٍ لفابه
الله الله
ابداع ياقحطاني وانا في صفّك يابعدي..
علي القحطاني
03-Jul-2005, 09:51 AM
شرف لي طال عمرك
ماجد الهذلي
03-Jul-2005, 10:45 AM
الله الله


عطني الأخبار وانته منت في شورك عديمي = خيّل البّراق والبراق سيّل في شعابه
الهجوس اللي مع الأيام في رايه فهيمي= أنبسط يا صاحبي وأعرف جوابي من جوابه
علي القحطاني
03-Jul-2005, 11:09 AM
السوالف طيبه والرب رحمنٍ رحيمي = ما يضيّع هقوة اللي يطلبه والّا هقابه

امسك الطاره ودرّج فالطريق المستقيمي = يا عسى الحنتور ياصل قبل لا يكثر خرابه
خلف بن مرزوق
03-Jul-2005, 12:36 PM
مسيتوا بالخير

وياعساكم على القوة

نسجلب حضورنا00في صف ماجد

والايهون ولد الشايب
الايداء1
03-Jul-2005, 12:44 PM
أبداااااااااااااااااااااع يالشعار على القوه لاهنتم أنتم والمتابعين وأنا بصفك ياماجد ولاهان علي . والليييييييييييل .
المسرّي
03-Jul-2005, 01:14 PM
انا اشهد انه استوى الطارووووووووووق

مبدعين وانا متاااااااااااااااااااااااااااابع
ماجد الهذلي
03-Jul-2005, 05:20 PM
خلف بن مرزوق والإيداء

وجودكم شرف لي وللمحاوره هلا وغلا والله


عدها يا صاحبي وألا ترى منته خصيمي = يا علي لن كان هبت الموت والله ما نهابه
أحتزم بحزم بندقك القديمه والقديمي = والطريق أليا أستوى ماعاد فالدعوى طلابه
فهد العاطفي
04-Jul-2005, 07:00 AM
الله الله


واصلو ياشعاااااار وانا معكم متابع
مطرح البعارين
04-Jul-2005, 07:44 AM
وووووووووووواااااااااااااااااااااصلوا


نحن معكم

الى اللقاء / مطرح البعارين
علي القحطاني
04-Jul-2005, 09:03 AM
الاخوان فهد ومطرع البعارين الله يعطيكم العافيه ومروركم له وزنه عندي

استلم يا ماجد:


يالهذيلي جنب الوسواس وابليس الرجيمي = خل صدرك من همومك خالي وزيده رحابه

الّله يعز الحكومه خلّت الناس بنعيمي = = وش تبا بالدرب الاقشر والتحزّم والحرابه
مرزوق حمدان العتيبي
04-Jul-2005, 09:06 AM
الله الله
علي القحطاني شاعر يجبرك على المتابعه والاحترام.
وكلمة شاعر قليله في حقّه..
وماجد الهذيلي كذلك الله لايهينكم واصلوااا
وصفّك عامر يا بو حسين :)
علي القحطاني
04-Jul-2005, 09:26 AM
وســـــــــــــــــام اعتز به من شاعر بحجمك يا مرزوق
ماجد الهذلي
04-Jul-2005, 11:51 AM
أستلم يا أبن قحطان لا هنت

هلا والله ببو محمد


المصلي في صلاته بعد ما يذن يقيمي = والإقامه بعدها ركعه ودعوه مستجابه
صير مثل السيف صارم ما نبا دمعة يتيمي= وأقبض السيف وتولم كل شر أتصك بابه
علي القحطاني
04-Jul-2005, 01:55 PM
خفف السرعه ترا منته بمستور العصيمي = انت شاعر منتدا واسما الشعاعير تّشابه

خل نياتك سليمه دام لك قلبٍ سليمي = لا تعرضها على درب النماره والذيابه
مرزوق حمدان العتيبي
04-Jul-2005, 04:41 PM
...
..
.
الليل الليل
لعب حامي ومحاوره راقيه ...
تحياتي
ماجد الهذلي
04-Jul-2005, 05:37 PM
دامت إني جيت أبا أحملك بالحمل الأليمي = خذ دروس ٍ بينه فيها القرايه والكتابه
كم واحد ما يحسب حساب للعلم والخيمي = والنهايه بالعبّر يمكن غدابه ما غدابه
الايداء1
09-Jul-2005, 07:13 PM
صح السانك ياماجد وأنا في صفك وأنا أخوك دائماً متألق الى الأمام .
تحيــــــــــــــــــــــــــــاتي .