الحارثي يودع عفيف بقصيدة

[ابو ضيف الله]

الاستاذ معيض سعود الحارثي
الذي أحب أن يودّع عفيف بعد أن شملته حركة النقل الخارجي
بقصيده عنوانها (على ضفاف الحلم ) خص فيها أهالي المحافظه :

البارحة تخنقني العبره وانا ماني خفيف
ياليتها ما كان جتني بالحفاوه والعتب
و ياليت شعري لو يقدي خطوتي وانا الكفيف
اللي شكى شوف الموادع ما شكى شوف التعب
الله يصبرني على فرقا الاحبه يا عفيف
اللي منازلهم ما بين النون واطراف الهدب
مرت سنة تعليم بين اللي يشرّف والشريف
الخوّه اللي من على دلّة وفنجال و رطب
خوة رجالٍ ماش فيهم لا جبان ولا ضعيف
روس الرجال اللي يضدون المعادي في النشب
قومٍ تواقد نارهم في صيف والا في خريف
على سلوم الغانمين اللي يسدون الطلب
صغيرهم سيف ٍ يسلونه على القاله رهيف
وكبيرهم تزهى به الشيخه وتفخر به رتب
والجار يشهد والشهاده مابها حيلة و زيف
انه لقى فيكم شموخ الطيب عن بدّ العرب
والضيف .. و آنا كنت فيهم جار و آنا كنت ضيف
و ترحيبهم يكفي لحاله عن حصول اللي وجب
سموى العتيبي والعتيبي يا سلام و يا لطيف
زبون جزلات الوصايف والشعر .. يا ابو عتب
والحين غنت راعبية من على الضلع النحيف
على الوداع اللي يهد الحيل و ظروفي سبب
وقبل الوداع اقولها.. وانا على الطاعه حليف
ولا يحتمي في لحية الرجال مثلك يا شنب
ما في الديار اللي غلاها من غلا ديرة عفيف
ولاش خوه مثل خوّة حارثي .. لابو عتب

[عزارم]

صح لسانه ولاهنت ياطيب


ما في الديار اللي غلاها من غلا ديرة عفيف
ولاش خوه مثل خوّة حارثي .. لابو عتب

[ولـد الـهـيـلا]

ما في الديار اللي غلاها من غلا ديرة عفيف
ما في الديار اللي غلاها من غلا ديرة عفيف
ما في الديار اللي غلاها من غلا ديرة عفيف
ما في الديار اللي غلاها من غلا ديرة عفيف
+
سموى العتيبي والعتيبي يا سلام و يا لطيف
زبون جزلات الوصايف والشعر .. يا ابو عتب

.. صح لسان معيض الحارثي .. لكن هو اللي بقناة المرقاب أو شخص ثاني ؟ ..
ويازين طاري عفيف يرد الروح :)

[ذعير العالي]

صح السااااااااااااااااااااااانه

[راشد النفيعي]

مشكوووور الله يعطيك العافيه

[قيس العازمي]

صح لسان الشاعر معيض الحارثي



واهل عفيف يستاهلون المدح لو ماهو كلهم هههههه




لاهنت على النقل الرائع




وتقبل تحياتي