سوق الاسهم

[حمود بن خيشوم العصيمي]

ماتضيق ويلتوي حبل نشبات العرب=غير ربك يفرج كروبها ويحلها
تصعب وتخرج عن السيطره بعض الكرب=ويتحيًر فكر الانسان كيف يفلها
ويتجاذب حبل تازيمها كل من قرب=كل يمنى من حفا الوقت ختل إتلها
لنترب كفٍ رهاوي عجب كيف انترب=كيف يرجع لو يفكر وكيف يعلها
من شرب من كأس الامرار عده ماشرب=لو شفاه اليابسه تنتخي مابلها
كل عله حصلوا طبها حتى الجرب=والحماقه شلت الطب وأعمت خلها
لو تأنوا فالمناويخ قادات السرب=ماوقفت حملة هل المائله في ظلها
ياترى كلٍ يجنب ويعطي له درب=والدروب البارحه كل ذهن يدلها
قلتها ماهي شماته ولاداعي طرب=قلتها لاجل الهواجس دنت في حلها
سوق الاسهم ماتعافا بعد يوم انضرب=والهوامير عبثوا في التجاره كلها

[سعيد مرزوق العبد]

يتشرف سعيد العبد

ان يكون اول واجد

يقولك صح السانك

وانتظر جديدك

[حمود بن خيشوم العصيمي]

يتشرف سعيد العبد

ان يكون اول واجد

يقولك صح السانك

وانتظر جديدك



دام لك الشرف يا سعيد



ويشرفني أن أقول لك صح بدنك

ولاهنت يالغالي

تحيتي

[مرزوق حمدان العتيبي]

..

.

صح لسانك ياحمود .. ابدعت
والجزاله غير مستغربه ..
..

[ابوعابد العصيمي]

واحد ترميه ياحمود رميك له عطب رميتك يابوفهد جات له في حلها الغرور الي رماء صاحبك وسط النشب ما درا انك ند له والعقد تحلها لاتعجب كيف صارت ولا فيها عجب غرته نفسه وشيطانه الي دلها

[وصل الشهيب]

الأخ الأستاذ الشاعر

حمود بن خيشوم

قصيده هادفه وجزاله غير مستغربه من أهل الجزاله

سلمت ودمت وصح لسانك

تحياتي

[راشد النفيعي]

قصيده رائعه وراقتلي كثيرا ابيض وجه

[حمود بن خيشوم العصيمي]

..

.

صح لسانك ياحمود .. ابدعت
والجزاله غير مستغربه ..
..



الاخ مرزوق بن حمدان العتيبي

صح بدنك ومرورك ابداع وجزاله لاهنت

لك الشكر والتقدير

[رفيق الطيب]

صح لسانك وبيض الله وجهك

شاعر جزالة بدون مجاملة

لاعدمناك والله

تحياتي

[عايض جزاء العصيمي]

صح لسانك يابن خيشوم على هالقصيده الرائعه لاهنت
تقبل مروري مع خالص تحياتي

[حمود بن خيشوم العصيمي]

ابوعابد العصيمي

واحد ترميه ياحمود رميك له عطب=رميتك يابوفهد جات له في حلها
الغرور الي رماء صاحبك وسط النشب=ما درا انك ند له والعقد تحلها
لاتعجب كيف صارت ولا فيها عجب=غرته نفسه وشيطانه الي دلها

صح لسانك يابو عابد العصيمي

واسعدني مرورك ومجاراتك


لاهنت

[حمود بن خيشوم العصيمي]

الأخ الأستاذ الشاعر

حمود بن خيشوم

قصيده هادفه وجزاله غير مستغربه من أهل الجزاله

سلمت ودمت وصح لسانك

تحياتي



الشاعر الرائع // وصل الشهيب//

صح بدنك والله يسلمك من كل شر

منكم نستفيد شاعرنا لاهنت

[محمد الذيابـــي]

..

.

صح لسانك ياحمود .. ابدعت
والجزاله غير مستغربه ..
..