حـيـالله الشعـار خلو هـــــا

[فهد الحصيني]

ياسلام الله سلام ن وافي ن مافيه زيه =كنه الهمال لا هلت غشونه من رعدها

انت ياراع الذلول اللي عليها زمزميه =الذلول اتقودها ولا تجي تمشي وحدها

[سعيد مرزوق العبد]

صح السانك يافهد

[منصور الثبيتي]

ياهلا يامرحبا عد النجوم اللي هنيه = من عدودٍ تكرم الشعار واللي ما وردها ...!
الامر نافذ يافهد والاوله ماهي قضيه = كب عنك الاوله عطنا العلوم اللي بعدها ...!

[فهد الحصيني]

ياكثر الشعار لكن على غير حصيل

[طراد العصيمي]

افا ليش يافهد

[فهد الحصيني]

البقا بك يالثبيتي والخوي يفدى خويه=والله يكرم يمين اللي عطايا الله حمدها

مابه اليومه علوم ن مفرحه يأهل الحميه=والبلا كله من الحساد يامكثر حسدها

[راشد النفيعي]

فهد و منصور ياسلام عليكم

الصفوف خلوها عندنا

[فهد الحصيني]

راشد النفيعي


الله يسلمك ويكرمك يالقرم

[منصور الثبيتي]

اليمين اللي تجود أحيان ماتلقا شويه = مير يفداه البخيل اللي فلوسه ماحصدها ...!
البيوت العاليه تبقا على العالم عليّه = والعلوم الوافيه كلٍ بختمه يعتمدها ...!

[فهد الحصيني]

حسب قدرته البنادم يعطي وتكتب عطيه=حاتم الطائي فعل يمناه حقق له سعدها

والله ايعلي منزلنا في جنتة العـذيه=جنة الفردوس يامنصور سعد اللي وجدها

[راشد النفيعي]

فهد حقيقه وليست مجامله سجل اعجابي بكـــ ولا يهو ن منصور

وانا مع صفك يافهد

[فهد الحصيني]

راشد النفيعي


أعجابك يسعدني ويشرفني يالغالي


والله يوفقك واتشرف بوجوك في صفي


ولك خالص شكري وتقديري

[منصور الثبيتي]

الكريم يجود ويدينه من المندي نديه = والبخيل يموت من بخله وعينه من رمدها ...!
يالله أنك تجزي الاصحاب في وقت المنيه = سهل طلوع ارواحنا يارب حققلي وعدها ...!

[منصور الثبيتي]

صح ألسانك ....! (يافهد)

استمتعت باللعب معك ....!

شاعر يافهد .....!

خرووج ...!

تحياتي

[فهد الحصيني]

الجزى حسب العمل مار الله الله فالوصيه=والشهاده كل من وفقه ربي قد شهدها

ماحسبنا فالحياه الفانيه حسنه وسيه=والمعاصي ماحسبنا أحسابها وأمر وادها

[فهد الحصيني]

صح السانك يامنصور


استمتعت بالعب معك


وتصبح على خير يالقرم


ومع السلامه