فراق ؟ ياشيخ فال الله ولا فاله !

[ضيف الله العالي]

السلام عليكم ورحمة الله وبركاته
كيبورديّه ،، جديدهـ .. عسى ان تحوز على قليلاً من إستحسانكم


فُراق ؟! ياشيخ (فال الله ولا فاله) =ذي كلمةٍ قلت: ماتقدر تسويهآ !!
واليوم سويتها ..والحال يرثاله =وأنته:- من أول تعوّذ عند طاريهآ
ليل الشقاوي طويل؛ وحالته حاله =والليل له عادةٍ ،عيّا يخليهـآ
لاجا لـ/صدر المعّنا يجلس قباله!! =ويذكّـره في علومٍ كان نآسيهآ
لاشافه بدلته و متكي لحاله = تقول حالف!! ،على عينه يبكيهآ
وإن حوّلت دمعته في جوف فنجاله =يقول:ذوق الدموع.. اللي تخفيهآ
وان قال:ياليل خل الدمع في حاله =يرد ليل الشقى ماعاد يمديهآ!
نفسه تشّفق على ..المجمول ووصاله =والشوق لاجا بنفس إنسان يشقيهآ
وإذا تذكّر وصوف.. اللي على باله ؟=يجر له ونّةٍ فـ/الصدر مخفيهـآ
له وجنةٍ تحت عينه حبّها خآله =وعينٍ على الهيبه أزرى لايضريهآ
جيش الحسن فيه 'رجليّه وخيّآله '=كن المفاتن "على كيفه يمشيهآ"
مافيه مثله ولا (عشره من أشكآله )!=لِأنّ الأشياءَ نُدرتها تُحليْهَـآ،
لكن سيوف المفـارق صدق قتّاله =تجرح جروح( الأطبا ماتداويهآ)
والقلب رجواه فـ النسيان مآجآله =ومراحل الحب عيا لايعديهـآ
والحب غربه لـ قلبٍ طال ترحاله =لاواعذاب القلوب اللي يجي فيهآ
وكلٍ يغنّي على ليلاه موّآله =(والنيّه الطيبه من حظ راعيهـآ)

وسلامة .. قلوبكم ،، ونواظركم ،،

[مرزوق حمدان العتيبي]

..

.

صح لسانك قصيده رايقه ماشاء الله تبارك الله..
.

[فيصل مطر]

وإن حوّلت دمعته في جوف فنجالـه=يقول:ذوق الدموع.. اللـي تخفيهـآ
وان قال:ياليل خل الدمع فـي حالـه=يرد ليـل الشقـى ماعـاد يمديهـآ

صح لسانك
ياراااايع
تفكير شاعر عملاق انكان في بداياته الشعريه
اشهدله من منطلق تفاكيره الشاعريه ولاهم لدي بذات من اقوال الشاعرفي معظم الاحيان كوني اخشى دايمافكره ولااخشى قوله المجردكثيرا
تحياتي لك
يابطل

[عايض جزاء العصيمي]

صح لساااااااااااااااااااااانك مليون
قصيده رااااااااااااااائعه
تقبل مروري

[ذعير العالي]

صح الساااااااااااااااااااااااااانك

[محمد العضياني]

صح لساااااااااانك وسلم بوووووحك



تقديراتي