حبيب العازمي ينوي الاعتزال نهائي

[فهيد الايدا المورقي]

تواردت بعض الاخبار عن اعتزال حبيب العازمي نهائي عن ساحة المحاوره



والتفرغ لاعماله الخاصه



نتمني ان لاتكون هذه الاخبار صحيحه

[قاسي العتيبي]

نتمنى أن لا يكون ذلك صحيحاً

الله يشفيه أولاً

الله لا يقطع ساحة المحاورة منه ثانياً

[أقطم محزم]

نتمناء ان لايعتزل


فهو شاعر عتيبه بعد مستور العصيمي


ان اعتزل ماضن يسد محله احد


..............



وش مرضه هو الله يشفيه طمنونا؟؟؟

[بندر المقاطي العتيبي]

الله يوفقه وزين سوي الاخره تبي

سدد الله خطاك يابوفيصل

امتعتنا سنين

[مرزوق الوذيناني]

للاسـف الخبر صحيح حسب ماسمعت من شاعر محاوره معروف

وللاسف انتهت المحاوره وصار مالها اي اهمية بعد ابوفيصل الله يمده بالصحه والعافية

[شامان السلمي]

عسى الخبر ماهو صحيح ان شاء الله

واذا نوى حبيب العازمي عساه يهون عن نيته

والله يشفيه ويمد في عمره والحقيقه اذا اعتزل

ماراح احد يتابع المحاورات بعده عز الله انه ملك

في الشعر وعسى الخبر ماهو صحيح

[سلمان المرشدي]

لاوالله الا مات الشعر كله

ابك انت وش تقول يافهيد وش هالخبر الشين عسى ماهو صحيح

يالله انك تشفي ملك القلطه وترجعه للساحه عااااااااجل

عزالله انك هجدتنا يالمورقي انت وخبرك

ليتك قلت مستور والا الزلامي ولا قلت حبيب العااازمي

ان شاء الله ان الخبر ماهو صحيح

حبيب مامر على تاريخ المحاوره مثله


تكفون طمنونا عسى الخبر ماهو صحيح

[عزارم]

اي والله الاخرة تبي


ياحبيب الله يشفيك اذا كنت مريض وجعل ماهوب صحيح خبر مرضك
وان كان على شعر المحاورة اللي يصفقون و يصايحون ويبكون
اول مايتبرى منك هؤلاء المعززين يابو فيصل لا يغرك لو يكثرون الصياحي ...



وعتيبه فيها من الشعار اللي يسدون اللزوم وزود.


((((((((والعمر ماتبقى به كثر ماراح))))))))



ولاهنت يا طيب

[ابو عاتق]

اولا الله يشفيه

وحبيب فقيده على الساحه

ولكن قبيله عتيبه ماهي فقيرة شعر فيهم اللي يحتمون الماقف

ويشرفونا في محافل القبائل الأخرى مثل

ملفي المورقي ووصل العطياني وسفر الدغيلبي وحمدان العصيمي

وفهد العازمي وغيرهم كثير

وانت ياسلمان المرشدي مالك ومال الكلام اللي يجيب الكلام



*

[فهيد الايدا المورقي]

ابوفيصل اعتزاله خساره كبيره على ساحة المحاوره ليس بصفته شاعر فقط


بل بصفته شاعر وداعم ومهندس


مجهودات ابوفيصل كثيره في ساحة المحاوره وقناة المرقاب خير شاهد

[قيس العازمي]

ابشركم الخبر هذا شائعه ولاصحة له وابو فيصل مافيه الا العافيه


واذا اعتزل ابو فيصل لاقدر الله ماتت المحاوره من بعده



ونعلن اعتزالنا عن سماع المحاورات ان اعتزل بشكل عام



ولكن الحمد لله انه باقي والله يطول عمره

[وصل الشهيب]

أخواني

أولاً

حبيب مافيه إلا الطيب مافيه مرض

ثانياً

حبيب مسئول في الدوله عن قطر من أقطار الوطن

ثالثاً

المحاورات أصبحت مهاترات والشاعر المحترم والكبير ينزه نفسه عن النزول مع الأقزام

رابعاً

حبيب لم يعد بحاجه إلى كسب مادي من وراء المحاوره.فحالته الماديه طيبه من فضل الله

خامساً

حبيب شاعر نظم درجه أولى ودبلوماسيته وعلاقاته قويه جداً

بصراحه

إذا كان هذا الخبر صحيح فهو على حق

وسيبقى حبيب نجماً لامعاً في سماء الشعر

نتمنى لأبو فيصل دوام التوفيق

[سلمان المرشدي]

اولا الله يشفيه

وحبيب فقيده على الساحه

ولكن قبيله عتيبه ماهي فقيرة شعر فيهم اللي يحتمون الماقف

ويشرفونا في محافل القبائل الأخرى مثل

ملفي المورقي ووصل العطياني وسفر الدغيلبي وحمدان العصيمي

وفهد العازمي وغيرهم كثير

وانت ياسلمان المرشدي مالك ومال الكلام اللي يجيب الكلام

والله ليبطن العتيبات ماجابن مثل حبيب

هذي كلمه مالها خانه ومردودها على نفسك



*


يابو عاتق الله يصبحك بالخير

لاتفهمني غلط كلامي واضح

ولاينقدوني الرياجيل عليه

أنا اقول حبيب لايمكن يتعوض شعر المحاوره بمثيله لا من شعراء عتيبه ولاغيرهم

والا المرجله وعلوم الرياجيل حبيب كفووو والنشاما كفو والطيب ماهو لاحد عن احد

والشعراء اللي انت ذكرتهم فطاحله ولاعليهم قصور لكن حبيب له نهج خاااااااص لايمكن يحضى به غيره

[نبض الكلام]

والله حبيب شاعر سيفتقده الشعر .

والجمهور .


لكن سيبقى في قلوبنا,,

[سيف الامن]

الله يوفق ابوفيصل ويكتب له كافيه الخير

[عثمان الثبيتي]

ياناس حبيب ما فيه شي

طيب وبخير

ولكن من حق الرجل يرتاح له فتره


والصراحه حبيب لو خبر اعتزاله


صحيح لاسمح الله فالخاسر

جمهور الشعر الحقيقي

اكرر الحقيقي

[سبع السباع]

الله يسعد اوقاتكم بكل خير

حبيب شاعر مافيه قصور لكن رحلو عن المحاوره شعراء اكبر من حبيب

وحبيب الله يستر عليه ويمتعه بالصحه والعافيه اولا

وثانيا ان شالله نشوفه الصيف هذا بساحة المحاوره

واكيد له جمهور غير عن جماهرية اي شاعر سوا من القبيله او خارجها
ولكن اذ حبيب لم يعتزل اليوم فبيعتزل باكر

الكلام الي فالخاطر كثير لكن ما اقول غير نشوفك وانت بصحه وسلامه يابو فيصل
والموضوع لاتعطونه اكبر من حجمه
بعض الردود والله نقص ما منها زود

[مرزوق الوذيناني]

مع احترامي لجميع الشعراء

(بذكر قليلآ من كثير )

حبيب العازمي يختلف عن الجميع له اسلوبه الخاص يعطي المحاوره رونقها

يبعث الحماس الى الخصم والجماهير مع ذلك يبقى مسيطر ولايخرج عن المعنى

بعض او اغلب الشعراء تحصله يقول سبب خروجنا عن المعنى الجمهور لازم نرضيهم هههههههه

بختصار جميع شعار عتيبة وشعار القبائل الاخرى في كفه وحبيب لحاله في كفه ويرجح بهم ( يغرد لحاله )

ولايسد فراغ ابوفيصل ايآ كان

الله يطول في عمره



وجهة نظر ي

[فهيد الايدا المورقي]

اشكركم جميعا على المرور الكريم


تحيتي

[صقر مكه]

غير صحيح ان شاء الله

حبيب متعته وانبساطه في المحاورة وفالتواصل مع جماهيره الكبيره خصوصا جمهور الطايف
اللي سمعناه انه متأثر بوفاة والدته الله يرحمها وساءت حالته النفسيه بعض الشيء ولكن ان شاء الله يرجع ابوفيصل الله يشفيه

كلنا عشاق حبيب العازمي الشاعر المبدع الخلوق المحبوب

[المر العذب]

مع احترامي لجميع الشعراء

(بذكر قليلآ من كثير )

حبيب العازمي يختلف عن الجميع له اسلوبه الخاص يعطي المحاوره رونقها

يبعث الحماس الى الخصم والجماهير مع ذلك يبقى مسيطر ولايخرج عن المعنى

بعض او اغلب الشعراء تحصله يقول سبب خروجنا عن المعنى الجمهور لازم نرضيهم هههههههه

بختصار جميع شعار عتيبة وشعار القبائل الاخرى في كفه وحبيب لحاله في كفه ويرجح بهم ( يغرد لحاله )

ولايسد فراغ ابوفيصل ايآ كان

الله يطول في عمره



وجهة نظر ي

عز الله انك قلت اللي بخاطري يامرزوق
حبيب يختلف عن جميع الشعراء له اسلوب خاص وله قبول خاص
يحضى بمحبة واحترام جميع القبائل ماهو مثل بعض الشعراء اللي جمهوره من قبيلته فقط

[فهيد الايدا المورقي]

حبيب العازمي مجموعه من الابداع


ابو فيصل مبدع في شعر النظم


ومبدع في شعر المحاوره


ومبدع في مجال الاعلام وقناة المرقاب ومنتديات المرقاب من ابداعه


ابو فيصل مبدع في الخط العربي

ابو فيصل مبدع في العلاقات العامه


ابو فيصل مجموعه من الابداع ولن يتكرر


تحيتي

[السـلطان]

اولا ابو فيصل ما يحتاج تعريف ويعلم الله اني من اشد المعجبين في شعره

ولكن اذا كان الرجل يبي يتفرغ لا عماله هذا شي طيب والرجل ادرى بمصلحةنفسه

لكن اما من ناحية شر المحاوره بعده ينتهي لا باقي شعار فيهم الخير والبركه

على العموم الله يكتب له الخير سواء اعتزل او استمر

[الحافي 1]

ما ودي انه يعتزل وام اعتزل مقدي ما بقيله حسافه ولابقي ساحه يها خير

[سعيد مرزوق العبد]

حبيب رقم واحد في كل شي رشيد رقم واحد فالقمع

وملفي دهاء وسعة بال

اما الباقي حالهم من حال باق الشعراء

[عثمان الثبيتي]

(امطري حيث شئتي فسوف ياتيني خراجك)



اللي يكون نفتخر ونتشرف به فكلهم عتيبه الله يحفظهم