من ديوان الشاعر / نــــــجــــــم الســــــمــــــريـــــــن

[أبو صقر]

بسم الله الرحمن الرحيم

اللهم صل على محمد وعلى آله وصحبه أجمعين.
يسعدني ان اقدم لكم ابن العم الشاعر نجم بن عبدالله بن حمدان السمرين من الراشد من الاساعده من الروقه من عتيبه .
وهو حفيد حمدان السمرين ذيب المراقيب احد اشهر الفرسان الذين سطروا تاريخ منطقة الجوف .

صورة ذيب المراقيب حمدان السمرين


http://im29.gulfup.com/2012-05-10/1336660636772.jpg


وهذا هو شاعرنا / أبو اسامه نجم السمرين (ذيب المراقيب)


http://im29.gulfup.com/2012-05-10/1336660636801.jpg


مشاركة ملتقى الاساعده بالجوف
هي قصيده ترحيبيه بالضيوف الكرام الذين حضروا ملتقى الاساعده بمنطقة الجوف:



ياهلا والفين مرحب كـل طـرق ومستمـده=من خيال ٍ ماوقف حـد الثريـا يـوم اديـره
ياهلا والفيـن مرحـب والقوافـي مستعـده=حولت لي يوم حـول بالفـرح يمـي بشيـره
ياهلا والفين مرحـب يابشيـر الحفـل وده=غرَّد المعنى وغرَّد في سمـاي اليـوم طيـره
ياهلا والفين مرحب باسم ربعي جيت أمـده=نفحها ريح البختري والخزامي مـع عبيـره
ياهلا والفين مرحب من بخـور العـود أرده=للحضور بْدون لاتفرق كبير ٍ عـن صغيـره
ياهلا والفين مرحـب لـو نظمناهـا مـوده=والله انـك ياهجوسـي وافيـه لكـن فقيـره
في حضور اللابه اللي لو نعـد اللـي نعـده=ماوفينا حقهم في ماضـي الوقـت وهجيـره
مكرمين الضيف مروين الحدب فوق الاشـده=يوم كل ٍ من هجيرالوقت يشعب فـي بعيـره
يومهـا مابـيـن رد العـلـم والا لاتــرده=من غفت عينه فلا يدري بْ باكر وش مصيره
كبـد يسقونـه زلال وكبـد لـه كـفٍ تقـده=كم هنوفٍ من ورا صوت الرمك تنعى عشيره
كل عايل دونهـم كانـه طغـى يلقـى مـرده=من سلم من نارهم لاماسلـم مـن زمهريـره
يستحقون الثنا حـق ٍ علـي لاجيـت اعـده=وش حداهم غير وقتٍ مارحمهم مـن سعيـره
يرحم الله ماخـذت ذيـك السنيـن المستبـده=عودت من رحمة الله كل علـم ٍ فـي جفيـره
مانفاخر والفخـر كانـه بـدا الـلازم يسـده=حاضرٍ يسبق محط اقدامنـا فـي كـل ديـره
حاضرٍ نفخـر بمثلـه ماجهلنـا ويـن حـده=هو ورا شبه الجزيره أو على شبه الجزيـره
في محطـات العلـوم وفـي مناراتـه ومـده=واقع ٍ ماجيت اغني به وانا عينـي ضريـره
ماخذينه في مـداره عقـب ماهـي مجرهـده=مارضينـا بالقليـل ولااكتفينـا مـن كثيـره
ماعرفنا مستحيل وكـل عـزم ولـه نشـده=نشرب الصافي من عقول الرجال المستنيـره
لين ماصرنا بعين الشاربـه فيضـه وسـده=مثـل ماحنـا بعيـن المقبلـه نبعـه وبيـره
من حسـب للمستحيلـه حالـفٍ مابـل يـده=ومن يخايل للطويله يخطـف الغيـم باثيـره
ان طلبنا مانبـي غيـر الثريـا هـي وخـده=وان عشقنا مانِعَشْق من السحاب الا هديـره
يانجي جيَّت هذاك اللي ينومـس فـي مهـده=اوعساها هالحياه بْ بـارد اليمنـى قصيـره
كف ماهي حزة الماقف تجـي وتكـون قـده=لاحرام ان الحدب اولى بها مـن دون غيـره





من باب الاحاطه




ياحمد ياحي هالهاجس تفلَّت من رباطه=كيف أرده والقصايد وسط صدري مستشيطه
كيف ارده يوم بيَّن في ثـرا القلـب إختلاطه=يوم رعاد البشاير فـل فـي عينـي شريطـه
لوبغيت اخفي طواريهـا فلاهي بالبساطه=حولت وسط السويدا تنهش الـشعر وتسيطـه
ماحبست الذيب في صدري قصور ولاعباطه=غير أبي اسمع لصوته لابدا اللازم عطيطـه
كنه اللي يوم اشيل الصوت من عالي مناطه=قنب سرحان الخلا يوم الحصيني له نغيطـه
ليه لا ودام انا أخو ال ثلاثه واحتياطه=طير ابوك ومن عِقِب ذيب المراقيب وسليطه
كل كف وله بْ بيدا الشعر جره وارتباطه=شاعر ٍ ليمن حضر ماحضَّر الجآن وْ وسيطـه
شاعر ٍ والعلم واضح كل حرف وله نقاطه=لاانفرى صدر القصايد حوَّلـت كفـي تخيطـه
تقدح المعنى عبير ونـار مايوجـس شياطه=غير من شاف الصدور الصافيه مثل الحطيطـه
مامدحنا بـه كبير ولا وقفنـا فـي بلاطـه=يوم رزقي كافله ربي علـى وجـه البسيطـه
كل راسٍ يرتوي حـد الثمالـه من قراطه=نغرف اسمان المعاني من نهر فكـر ومحيطـه
ماتعودنـا نفاخـر بالشعـر لكـن بْسـاطه=ساحبينه من تحت من قال له نصف الخريطـه
الشعر كانه طلبني مع بني عمي وساطه=في وسط صدري ياعله ياعسى يبطي ربيطـه
لن مفهوم العرب !! هذا ومن باب الاحاطه=غلطة الشاطر بعشره لا ولا تحسـب بسيطـه
لاعهد ماهـي بعشـره لا ولا تبـرا سياطـه=لو تمر الليله اللي وقفتي فيها غبيطـه




الذل الهليم



ليه تشكي غن ياسالـم سـلام!!=وانت صاحب فكر وادراك وفهيم!!
العرب لوميـزوا روس النعـام!!=إختلاف الراي من وقت ٍ قديـم!!
لو نجاهد بالشعـر عام ٍ بعـام=وسط ساحـات ٍ تـورِّدك النعيـم
اختلـف فيـه المـأذن والامـام=بين سين وجيم سين وسين جيـم
طبعهم من خلق آدام بانقسـام=وش ورى يوم انكروا رب رحيـم
والعـدو لامارجينـا لـه وئــام=واصغر احلام العدو حول الحطيـم
يمِّمَـو نيَّاتهـم قـبـل الفـطـام=مثل من ساقـه علـى أم الكليـم
الهَمَامْ الله علـى وقـت الهَمَـامْ=راح مع خالد وابن غنم الزعيـم
عقب بصرى غرب درعـا بالتمـام=بعد ذل الفرس من سيف العديـم
يوم جيش الروم روَّح به عدام=الشجاع اللي بقـا منهـم سقيـم
قبل ماهي عـزة المسلـم تسـام=بين روس الكفر وابليس الرجيـم
اربع حروف ولها وقـع الحسـام=ماحسبها حامـل الفكـر العقيـم
(ياء..ميم..وواو..تاء) ولايضـام=من سرى في داخل عروقه حميم
فـي زمـان ٍ راح كلَّـه بالكـلام=شاب منه راس الابلـه والفطيـم
إدفنـوا طيـر المحبـه والسـلام=دام موته صار بيديـن الخصيـم
ياحياة العـز لـو وسـط الخيـام=أو نموت أشرف من الذل الهليـم





دم الجلاوي



منهو رقص للطار يامحـرِّم الطـار=ضلع ٍ يصيح وضلع طاح امتهاوي
اهديتني نار الشـواوي وقيتـار=ورديت عنك داخلي كـل عـاوي
لين اشتعل منك على ثلجهـا نـار=تبغى تداوي وانـت ودِّك مـداوي
اسقيتني دم ابـرق الخلق قنطـار=وسط الضلوع وفوق راس الندواي
حتى التوى عم الشياطين بالـزار=فوق الذبايح واللجـج والغنـاوي
لاعادها ليله بها الشيـخ سمسـار=الطير روَّح دون فرخـه سمـاوي
منهو يحب النار يرقص على النـار=دم الدخيل بْ ثار دم الجـلاوي
باكر يدور الوقت واقول لك دار=يوم التويبع جاك وامرح خلاوي
ماقول انا لك ثار او رده بثار=ولاقول انا كم لي وانا لي رجاوي
احذف سواليف الحجاوي لعمار=اسمع ولاتكثر عليك الفتاوي
الطير كانه بار في يد صقار=يطويه في عين الصقاقير طاوي
لو كان شبره بينهم عشرة اشبار=راحت ورا الهقوه كثير الهقاوي
لايلتوى ظنك ولاتضرب اقطار=مافاد في طير الهويدي نخاوي
سمَّار قم والعب على مود سمَّار=عرق ٍ نمت روحه على قلب ذاوي
هذا هو اللي صار يوم الوحش طار=مافاد به قصر العلف والدعاوي
يموت في كبد السماء موتت احرار=يصبح على كفه ويمسي رهاوي
أخير له من قولت الجار للجار=قم عش طيرك وش بلا الطير ثاوي




وهذه المساجله الرائعه يظهر لنا فيها صَوت الشاعرة (شمالية) :



يامن عرف حبرالقلم بالجرَّه=ياليت يفتي وش لقى بسطوره
هو من مداد بنيةٍ مغترَّه=ماهمها تبغى تجي بالصوره
تفشل وإذا طاحت تعيد الكرَّه=يمكن تُخلد كنها أسطوره
والامدادٍ شامخٍ..بالمرَّه=تجيبه اللي دارها معموره
ترمي تصيب وصيدها تجترَّه=شلفا القصيد بكفها مأموره
والامداد الحزن لاجاء مرَّه=ينبش جروحٍ بالحشاء مثبوره
تجيبه اللي لوصلاها حرَّه=تصبر على ظلم الزمان وجوره
والامداد الامس واللي برَّه=لو الزمن طفى عليها نوره
الماضي اللي صبته في جرَّه=ترمي حجارة حرفها في زوره
والامدادٍ حطته في صره=من خوف تقلبها عليهم ثوره
وآوجد حالي وجد منهو ذرَّه=من فوق رجمٍ (وقفت به نوره)
يامن عرف حبرالقلم بالجرَّه=ياليت يفتي وش لقى بسطوره



صَـدَى /نجم السمرين





لِله درك يالسحاب ودرَّه=والاالشهاده من زمن منحوره
ماسر ضر / وماظهر وش سرَّه=نور ٍتهادى واعتلى ديجوره
بآفك له صدر الهدف وازتـرَّه=يوم المعاني الخافيهْ مسبـوره
حرايِرٍ مـن وقتهـا مِضمـرَّه=أَرداهن اللَّي سيـدة طابـوره
والا الهزال / النَّاشفه / المقفـرَّه=ماني بمن ناسه ولاجمهـوره
ماني بمن يلهث يبا المجترَّه=ولاني ببياع الشِّعِر وشعوره !!!
لو رفِّ كفي له طرب لو مرَّه!!=ياجعلها مـن متنهـا مبتـوره
يوم الوحش في طلعته ماضرَّه=صفق الهوا يالشَّاعره بْ حنجوره
من مدِّتَه بعض الجِمَا مفترَّه=بين المعاني الغافيه بسطوره
(الشِّعر وافي والحقايق مرَّه=وكل ٍ يدرِّجها على مقدوره)
ولولاالتِّباين بالعُمَـل يالحـرَّه!!=يمدي تساوي فلسها مع يوره
لِله درك يالسحاب ودرَّه=والاالشَّهاده من زمن منحوره



وشوشه



حي البيوت وحـي منهـو طرشـه=جن غايمات وهاك جنِّك حايمـات
وش لك بدولاب المحانـي تنبشـه=كانك تبي المكنون يامال الغنـاة ت
وشوش لي الله لايضرك وشوشـه=من شان ابين لك علـوم ٍ خافيـات
عن طب روحي عن حياتي ونعشه=عمر وقضيته في متـون العاديات
تسمع لهن مع جرهد البيد اقرشـه=نار تقادح مـن حوافرهـن فتـات
اغلاهن اللي يوم انا اجيها اغبشه=طلقا يمين ولـه ثـلاث محجـلات
كن الذهب في مفرعه ربي انقشـه=أجمل بنات الريح والوقفـه ثبـات
ولو خيروني قيل لك يـوم وعشـه=يعني امنيه ان كـان باقـي امنيـات
قلت اخبروا خالد يزهب مفرشـه=بين الضلوع اثقل من جبال السراة ت
من ضيقةٍ وسط السويدا تنهشه=امن الصباح الين ماعيني تبات
نبغى نسج الرجل يمكن ننعشه=الخاطر اللي بين ضيقات وشتات
عساي اهيجن للسنافي وادوشه=في وسط سيحان الحماد المعشبات




قال تعالى ( وقضى ربك ألا تعبدوا إلا إياه وبالوالدين إحسانا إما يبلغن عندك الكبر أحدهم
أو كلاهما فلا تقل لهما أف ولا تنهرهما وقل لهما قولا كريما واخفض لهما جناح الذل من
الرحمة وقل رب ارحمهما كما ربياني صغيرا )..
مشاركة كانت عن عقوق الوالدين عسى الله ان ينفع بها ، فاحببت أن تكون بلسان الأب .
نسأل الله أن يجعلنا من البارين بوالديهم وان يصلح الذرية لنا جميعَا



وآحر قلبـي عليـك وْمِنْـك وآحـرَّه=والعين نوم العرب ماصاحب أهدابـه
أسرح مع الوقت من خيرعلى شـرَّه=وارفع كفوف الدِعَاء من وسط محرابه
يالله ياللـي تعافـي العبـد واتضـرَّه=من عق في والـده لاترحـم ترابـه
ماكني اللـي لاهـي مـره ولا مـره=يوم انت توِّك ولاتدري وش اشقابـه
أمسي على بَحْرَها واصبح على بـرَّه=أدوِّر الرزق مـع ذيبـه ومـع دابـه
أتعب ورا المال واشقـى فيـه وآذرَّه=من فوق متنك ولاحسبـت لحسابـه
أبيك تخلـف تعـب وّالِـدْكْ وتبـرَّه=إن طاب وجه الزمان أو كشر بنابـه
ولا شفت غير الجفا والكبـد مجمـره=فتحت قبـري قبـل لاينفتـح بابـه
لاعاد تاتـي علـى قبـري ولاتمـره=تعال شف عقرتك بالصدر مضرابـه
لكنْ وانا ابوك أقضب علمي وصـرَّه=وصيتي لـك قبـل لاابـوك يسرابـه
من بر فـي والديـه الخالـق يبـرَّه=يرزقه من يعقبه وثيابـه ثيابـه
واللي عصى والده يِرزَقْ على الجرَّه=دينٍ تبـي تاخـذه مايقصـر نصابـه
لابـد ماتفهـم الـمـوال واتـجـرَّه=شيء ذكره الولي في محكم كتابه


ليا منا وقفنا




هلا باللي له الجزله توقف لاجل عينه لين=تلاعبني على المعنى تحييـه وتهلـي بـه
هلا باللي ليا غنى فلا غنوا لـه الساليـن=سمين العلم يخطونـه ولايخطـي جلاليبـه
قضينا دين ولاباقي بعاتق هالليالـي ديـن=عطتنا منها مالاعطت منهـو يمـاري بـه
ليامنا وقفنا ناقـف بوجـه الليالـي بيـن=نحد الوقت ماطاحت بنا سطوة مضاريبه
ولا نبغي من الدنيا ولانطلب سـوا ثنتيـن=حقوق الخلق والخالق فلا نقصر مواجيبه
فلا للمقبلـه معنـى اذا مانعـزل الداريـن=ولاهالعمر له قيمـه اذا كثـرت عذاريبـه
مطاليع ٍ تغيض الشر لكنـه تسـر العيـن=تبان بوسط حجان الزمن من قبل نحكيبه
على مثله شهرنـا كفنـا مادامنـا حييـن=وعلى مثله صقرنا ورعنا من قبل نغزي به
نبيه ان حانت الهده بعينه مايشوفه شيـن=يبان الفعل ماخيـب كريـم الجـد تدريبـه
عسى الله يبقي العايش كريم ويرحم الفانين=عسى الجنه لهم مثوى ويلحقنا مشاريبـه


صاع بصاع



ياصباح الشعر وارباب الجنـون=حركوا صبح المشاعر لين فاع
حلِّقوا بي فوق من فوق الطعـون=وحولوا بي بين ضلعين(ن) بقاع
واحدٍ لا من لفى ماهـوب دون=يقدح الرَّعاد فـي راس الرفـاع
ماعطاني غير سكـرات المنـون=ولاخذاني غيـر لافراحـه متـاع
بين كان وبيـن لايمكـن يكـون=في شموخ ٍ جاب صاع ٍ ند صاع
ايه الا (يَاَليتَ قَوْمِـي يَعْلَمُـونْ)=مابـرا حالـي فـراق وْلا وداع
غير دمعه ليتها طاحـت بهـون=من على متني وهي تهمس ضياع
لين قالت بين عبرات وشجون=ليه قلبك ليه قلي ليه باع ؟
لاافترقنا كيف قل همـي يهـون!!=وانت لي عن قسوة ايامي قنـاع!!
بلِّلت متني بدمعات العيون=ليت ماطاحن من السود الوساع
قلبي اللي كل ماحاول يخون=ردني له دمعه الطاهر وضاع
يرسم اطيافه على جرد الغصون=وسط عذبات المعاني بالتياع
ياصباح الشعر وارباب الجنـون=حركوا صبح المشاعر لين ضـاع



واطلب من شاعرنا ان يستمر عطائه معنا في المنتدى من خلال هذا الديوان وغيره



تحيتي .........

[نجم السمرين]

حيَّاك ياابو صقر ترحيبة ٍ من وراه=نثني حروف القصايد لاجل عينك عبيد
الله يديم الخوي والله يحيي نباه=يمنى بوجه الليالي مثل يمناك حيد


جعلي مااعدمك ياابو صقر

وافي وبيض الله وجهك

يعلم الله كم فرحت بهذا المتصفح ،
ليس لشيء سوى انه من تقديمك يالذيب

وابشر طال عمرك ماطلبت عزيز..

احترامي ياقدير..

[نجم السمرين]

هواجيس المساء



حلَّت هواجيس المسا حلَّت ولا عيَّنـت خيـر=ياللي تشوف ان الهجوس اكبر سبب تصديرتك
عزالله انك ماخذيت امن العتب واللـوم غيـر=جهم النوايا والمطايـا حـادره بْ تحديرتـك
والله لو ترسم على بطن الجدي فوق الاثيـر=اقسى ملامح حيرتك واعظم مشاعـر غيرتـك
ماحاشت اليمنى سوى قنطار نـار وزمهريـر=والديره اللي فاح منها العـود ماهـي ديرتـك
خلك على فالك وهوجـاس الامانـي يالغريـر=هو ماكفاك العام ركضك لين صارت سيرتـك
تحت الثرى تشكي من الفرقا بلا فرقـا تزيـر=تطرد ورى حلمك وتشكي يالرويبض حيرتـك
لاتيقض طْعون الزمان الهاجعه بالقلـب ميـر=أسمع وميِّز لايثـور ابليـس مـن تزميرتـك
البارحه راحت مراح العـام يالرجـم القصيـر=خل الطوال لْصاحبـه ياللـي تنـوح آميرتـك
حلم واماني والمعانـي لـو توقِّـع أو تطيـر=ماهزت عْروش الغرام ولاسعت فـي جيرتـك
اصدق معاني الود ياطالـب لتحديـد المصيـر=وانت الدروب الهافيه دون الظمـأ تصبيرتـك
درب المراجل يامغني بالشِّيم !!كـف وضميـر=عكس الهروج الحايكه دمعـك ورا تأشيرتـك
والا الخزامى لو عشق عن منبته نفـاخ كيـر=كان الزهر غنَّت عصافيره فرح مـع طيرتـك
لاهنت عز النفس تعرف قدرها والروح بيـر=(حفظًا لماء الوجه ) كانك جاهل ٍ في خيرتـك

[نجم السمرين]

درب المسوخ



هالشموخ اللـي تسمينـه شمـوخ=عبرة ٍ في وسـط جوفـك حايمـه
والرضوخ اللي تظنينـه رضـوخ=غيمة احساس ولفت لـك غايمـه
والرسوخ ان كان تبغين الرسـوخ=حسرة الخافـق ونفـس ٍ شايمـه
يوم كنتي بـس يابنـت الشيـوخ=زهـرة ٍ فـي قلـب خلِّـك نايمـه
مهـدوا لـك أول دروب المسـوخ=وطيـروا باسـم النقـا حمايـمـه
وألبسوك مْن الغلا بالكـذب جـوخ=والنوايـا فـي رداهـا عايـمـه
لين حوَّل ساكـن الجـوزا بكـوخ=بيـن بيَّـاع الضميـر وسايـمـه
خطوة ٍ تاقف وعشره بـه تنـوخ=في وحل سـود الوجيـه الهايمـه
قلت اباانسى مامضى لكـن تفـوخ=دمعـة ٍ بيـن المحانـي دايـمـه
أدمت فتوق المواجـع والشـروخ=يوم روحك عـن وفاهـا صايمـه
قلب حبك والوفـا وسطه يسـوخ=لـو وفالـك والله انـي لايـمـه
من شرب من عزة النفس البزوخ!!=ماقرب حـول العـدود الضايمـه!!

[نجم السمرين]

يكفيك شر الفاجعه



لاتطري الفرقا وانا دفـاق دمـي بالعـروق=لاتلمس الجرح النِّدِي والشُّوق في مضاجعـه
ياليت...يالِيت الهوى في خاطري مغنى وذوق=ماكان ترديد الفراق أَسـدل علـى مواجعـه
كيف اللقا دام الثَّرَى ياصاحبِي تحته وفـوق=لا لاح طيف موادعي ناح الخفـوق يساجعـه
أَصارع أمواج الحنِين بداخلِي وَآهيـم شـوق=وآخيل صفعات السِّنِين اللي مضت وآراجعـه
متعاظمـات أَحزاننـا وآلامنـا والله تفـوق=لاالشُّوق حي / وحي شوق آمانِتِك لاتاجعـه
ْلو وقفت خطواتنـا ماظنتِـي يرتـاح مـوق=من حَيَّر عيون السَّهر وادمى ثرى مهاجعـه؟
كم حشرجت عبراتنا ثم طوقَتْنِي طوق طـوق=لاواعنـى قلبـي بقلبـي يالهمـوم الناجعـه
ياصاحبي يكفي/عهد جف الحكي وسط الحلوق=مابين ويل وطيف ليل أَرواحنـا المتساجعـه
راحت وانا احيا طيفها واسامِرالذكرى وتوق=حتى عيوني لا ولاهي فـي غيابـه هاجعـه
راحت ولانملك مع المكتوب تبديـل الطـروق=من صاح صيَّاح الفنا (يكفيك شـر الفاجعـه)

[نجم السمرين]

الشوق والطاروق




على زفرة التنهيت والشوق والطـاروق=طرقت المعاني قبـل لايطرقـه جوفـك
تلحفت عين اللِّيل بين السهر والشـوق=مَعَ نزعِة الخفاق مـن حالـت ظْروفـك
تغنيت بك بسمهْ وضحكه ودمعة مـوق=وتجرعت من كآس الوهن قبل مظروفك
أقلِّبْ سنين الفقـد ياجرحـي المفتـوق=واناظر بقايا الامس مع رعشة كْفوفـك
طلبتك تجي وترد صوت الغلا المريـوق=على صفحتي من عام لوماحصل شوفك
أوإِنك تعال وتل روحي مـن المعلـوق=وكمل مع الهجـران والصـد معروفـك
إذا البعد به راحه عسى مايجي له عوق=توكل علـى الله بـس لاتكثـر حلوفـك
توكل وخل الصدر في ضيقته محـروق=ويتم خفوق مات مـع خمسـة حْروفـك
فلا عاد به لكن وبـاب العتـب مغلـوق=ذبل منك خفاقٍ ترنَّـم علـى وصوفـك
عسى دمعةٍ سالت من الضيق يوم آسوق=تراتيل حبـك وارسـم الحلـم بطيوفـك
تعدا العيون اللي خذتني قبـل لا فـوق=واعاتب صروف الوقت والبعد وصروفك

[نجم السمرين]

الرجم القصيِّر



يامضيِّر هالمعاني هات قلِّـي وش تضيِّـر=واللَّه إِنَّك لو تضيِّرها على بطن المعاصـر
ماتثير .. ولاتثور .. ولاتجير .. ولاتجيِّـر=غير هزلات الْقصايد يوم كفِّينِـك قواصـر
واضحه كل الْوضوح وحايِـره لوماتحيِّـر=بين شبري بالكفوف وبين شبرك بالخناصر
مادريت إِنَّ المعاني طايلـه والفكـر نيِّـر=ماخذ ٍ دور القوافي مثل دورك بالبواصـر
وش يجيب اللِّي توَجَّد في وليفـه ياصغيِّـر=يم بيَّاع الشعور اللي على النِّيَّـه يباصـر
ذاك لاهب الهوا غنى مع الغربـي مطيَّـر=من مشاعره الدفيَّه فوق مطوي الخواصـر
ياأميره .. يامنيره .. يامنايـر .. يانويِّـر=مايخاف مْن العقوبه من على سوره تحاصر
مثل فعلك بالخفا ساعة تحايل بـه مسيِّـر=ليت لوشابه وقوفك يالسوي يومك تناصـر
الهدير مْن الجمل والا الرغى لام الحويـر=تومي براسك وتلهث بين عجز وعند قاصر
أوزن أهداف المعاني طهِّـر النيـه وعيِّـر=واضبط أحكام المبادي قبل ضبطك للعناصر
من حمل سود النوايا حقه الرجم القصِّيـر=في عيون الناس لو قام وتغنى بالاواصـر
الشعر ماهـو بـوزن وقافيـه لا يالاميِّـر=شيء ٍ اكبر من شعورك ماتعيشه لو تعاصر

[نجم السمرين]

نداف الحنين



دن ندَّاف الحنين وفـر مـن جوفـه طليـق=لاياعمر والشوق تل الـروح مـن معلوقهـا
زفوا التهاني وافرشوا له ورد والكادي طريق=وانا علي لعيونهـا تـاج القصيـد وطوقهـا
أجيه في عذب القصايد لاجل عينه واستريـق=أَجمل تعابير الغلا مـن مهجتـي وصندوقهـا
من شان لامن جيت أَقدمها / أقدمهـا رحيـق=من قدها لوتطلـب النجمـات جيـت آسوقهـا
تقول يفداك العمـر ياضـي عينـي لاتضيـق=واقول ياضي العمـر ليـت العيـون بْموقهـا
تفقد نظرها كان أشوفك بين زفرات وشهيـق=ولانذرت الـروح روح لبسمتـك وشروقهـا
تغيب وكني في غيابه ياعمـر فاقـد شقيـق=واغيب واسمع همهمات الوجد فـي منطوقهـا
اللي خذت طهر السحابه ورثة المجنى العريق=لا الشوق راحمها ولاهـو راحـم ٍ معشوقهـا
ماجيت أنا ابن ام عبد أو جيت في دورالعتيق=ولاتمثنيت العرب ثـم صحـت أنـا فاروقهـا
مسلم واصلي واعبد الرَّحمن سبحانه واريـق=عذب المعاني من مفيض الملهمـه وحقوقهـا
لكن عليك الله تعـال وقـرِّب شويَّـه وويـق=وناظر حنايا خافقي من غيبتـه وش ضوقهـا
بانت بقايا حسرتين ودمعتين ونشـف ريـق=يسري عليها خافقي ساعة سرى لي شوقهـا
تدري!!عساها هالعيون إِن ماوفت له ماتفيـق=أَو ليت جلاب السهـر يبـات داخـل موقهـا
ماتهت أَعايـن للنعايـم والثِّريـا واستفيـق=وإلا على سفو الشِّجر والشَّمس حين فْلوقهـا
نمشي على وضح النقا لوشلت هم وشال ضيق=دام الليالي لو قسـت نلعـب علـى طاروقهـا

[نجم السمرين]

خطأ والدينك



الله علـى نظـرة عيونـك يعينـك=كم ذنب شاله عاتقك من محيَّـاك ؟
ترفقـي فـي صاحبـك لايديـنـك=من طاح في غبة بحرهن من احكاك
ياللي مواثيـق الغـلا فـي يدينـك=هو ماكفاك اني من العـام بحمـاك
اسقي هيامك واستقي منـك لينـك=عقب الظما ارويتي عروقي بْ ماك
الله يبيحـك عـن خطـأ والدينـك=غنوا على شوفك وانا حقي اشقاك
مدري من النرجس هلك قاطفينـك=والا نما عودك على شَجْرِةَ الـرَّاك
او هم من بطون النحـل جالبينـك=والا من الجادي او الغيـم مربـاك
حتى البنات اللـي تحلَّـن بزينـك=غصب ٍ عليهن بس في لحظة ادراك
تهامسن حسـره ونادنـك وينـك!!=ماالله عطانا ربع ماربك اعطـاك !!
تهت بغرامك قبـل شوفـي لعينـك=وشلون اجل كان القدر كاتب القـاك
بس الاكيـد انـي بكفـك رهينـك=من يوم ماقلبي على وردك اشتـاك
في ساعة ٍ فاح الزهر من حنينـك=تشكي من الفرقا وانا اقول لـولاك
ماابحرت بك وابهرت انا حاسدينك=وغنيت انا لك ياعسى الكون يفداك
ياحظ دار ٍ طـاح وسطـه جبينـك=تمسى على همسك وتصبح بلامـاك
هذي حياتـي كلهـا فـي يمينـك=الا اذا قصدك تبين اتبع اخطـاك !!
عهد علي لاقطع بروحـي وتينـك=حتى لو انك نبض قلبـي قطعنـاك

[نجم السمرين]

صدر المغني



الله يبيح الشعر والعـذب تحديـد=اللي رمى صـدر المغنـي وفلَّـه
الين عـاف النـوم ذاك المقيريـد=طرق ٍ يشل الروح وطـرق ٍ يتلَّـه
غنى مع الهاجوس شوق اتلع الجيد=لاغمضت عينه طعونـه لفـن لـه
مايدري ان اربع من اربع مفاريـد=يوم الجمل يهدر لفن درهمـن لـه
لولا هجار الزمل والثانـي القيـد=في كف من ساقه عن الروض كلَّه
يمدي رعن نبت الحيا دون تفريـد=بس العقـل لاحـل منهـو يحلَّـه
ماودي اذكر ماخذا الوقت واعيـد=والحق كانـك جاهـل ٍ بـه ندلَّـه
اللي بسوق الشعر يبغى المعاويـد=نفاخ كيـر ومقعـده فـوق مَلَّـه
واللي يجاهد به يبي مِنْـه تمجيـد=مزنة خياله مـاروت غيـر ظلِّـه
واللي سرق من كفتين القواصيـد=عمر القصايد عمرهن ماعون لـه
واللي تغنى بالشعـر يومـه وْلِيـدْ=ماهو ابلا حاسـب الْ نقَّـال جلَّـه
ماحاد ياعوق المثايـل ولا يْحيـد=عن طبعه اللي قبل شوفَـكْ جِبِلَّـه
يلعب مع النسناس قبل الجويريـد=حتى الثريا من زمن عشقة(ن) له
ان غض طرفه عنْك لاجل الاجاويد=والاوله لمعزبـك حشمـة(ن) لـه

[نجم السمرين]

بطن حوت



هـاك ماعـنـدي وخـلِّـك يابـحـر بِسكـوتـك=كـم ولـي وانـا اتحاشـى وقفتـي هالساعـه
أذكـر إنـه يابحـر يـوم إرتمـى بـك حوتـك=ضاع في مـدك وجـزرك والخطـأ بانواعـه
جعلها بعـض النفـوس الغافيـه مـن قوتـك=من جهل غدر البحـر حقـه يمـوت بقاعـه
راح عمرك يابحر ماغيـر روجـة صوتـك=والمواني من على الساحل تظف شراعـه
كنـهـا يـاعـمـر نـــوح مـجـهـزه تـابـوتـك=بـس مـاالله فـي عمـاك مكمـلـك بالطـاعـه
ميـر كـرِّم لحيتـك واقـهـر ســواد بْيـوتـك=للمعانـي بـطـن حــوت وللحـكـي سمَّـاعـه
صفقوا لك واصطفق موجك تظن بخوتـك=وقفـت لـك عقـب ماهـي غارقـه بهجاعـه
مادريـت إن الليـالـي معلـنـه عــن مـوتـك=من زمن لو هي تراقص لك بطق أصباعه
رد لـمَّــاز الـمـبـادي يـامـجــاذب نــوتــك=قبـل ربـع الحايمـه يسحـب ثـلاث ارباعـه

[نجم السمرين]

ربع الحايمه




ياصباح الخير من بعـض الهجـوس وملتقـاه=أشهـد أنـي يـوم أوردهـا علـى بـيـره شـقـي
ماجحدنـا كـف رقَّــاي الخـفـوق الـلـي رقــاه=ولاطـعـنـا فـــي تـراتـيـل الـتـقـيـه والـتـقــي
خذ من أولهن مـع الثانـي علـى الثالـث نقـاه=من ضميـر ٍ لوغـرق فـي وسـط غباتـه نقـي
إنثـره ثــم اجمـعـه كــود آتـبـرأ مــن شـقـاه=واستمـع لـي ليـن ابـيِّـن لــك معـالـم مابـقـي
هرش ضاري للهدير وقـام يغـرش مـن لقـاه=يحسـب إن البيـد مابـه غيـر مـفـرود ولـقـي
جــاه ربــع الحـايـمـه والا هـديــره مـاوقــاه=غيـر رَجـل ٍ داخلـي عـن كـل عـوجـا متِّـقـي
إن وِرِد وِرْد المكارم / إن شِرِبْ شَرْبَ التقاه=عـايـم ٍغـايـم وشـايـم حـايـم ٍ بـــي مـرتـقـي
عن مطاميـن العقـول وعـن سقـاه ومستقـاه=ماطحـنـا فــي رحــاه ولاكِـسـر بــه بـيـرقـي
ياصباح الخير من بعـض الهجـوس وملتقـاه=أشهـد أنـي يـوم أوردهـا علـى بـيـره شـقـي

[نجم السمرين]

سريه مع سريه



تدري وش يفرق خيالك عن خيالـي=كنت اسوقه لك سريـه مـع سريَّـه
وتدري وش تفرق حروفك وارتجالي=ألعبـه لاجيـت لـك فيَّـه وفـيَّـه
وتدري وش يفرق سؤالك عن سؤالي=لازفرت الشوق قـم واسمـع دوَّيـه
وتدري وش يفرق وصالك عن دلالي=شلت عَنْكَ الضيـق ورديتـه هديَّـه
وتدري وش يذبح عزيزين الرجالـي=لاطعنك الوقـت مـن كـف أجوديَّـه
وتدري وش تعني طعونك واحتمالـي=لو يشيب الراس تبقـى بـي نديَّـه
وتدري وش يعني وقوفك وارتحالـي=هـذا تسـأل عَنْـهْ قلـب العامريَّـه
وتدري وش يشفع لكفِّـي لاطرالـي=نفسي اللي من فضـل ربـي تقيِّـه
ماعرفـت العـب بقلـب ٍ مابكالـي=ولاتحايلـت النطيـحـه والـرديَّـه
كنت اظنك فـي حياتـي راس مالـي=وكنت اشوفَك فرحت العمـر وسميَّـه
لين ماركَّـزت فـي ظهـر الليالـي=خنجـرك واليـوم لاتبكـي علـيَّـه
احـرق اوراق الغـلا لاجـا مجالـي=مثل ماروحي عـن الماضـي غنيِّـه
لو كذبت وقلـت لـك مرتـاح بالـي=لاوربـك جمرتـك بالـروح حـيَّـه
ماهو من حـر المفـارق واشتعالـي=لا ولا مـن طعنـة الخايـن خويَّـه
غير لاشفتـك علـى فالـك قبالـي=تلعب المسحوب في حـوض المنيـه
كنك اللي شلت روحي فـوق صالـي=خـوف لاتاخـذ ورا مافـات كـيَّـه
غالي ٍ تبقى وتفنـى وانـت غالـي=مانبـي تفتـح ملـفـات القضـيَّـه
يرحم الله وقتك اللـي قـد مضالـي=ويرحم الله من لفاك بْ طيـب نيَّـه

[نجم السمرين]

كريه النبات
ياهشيم المبانـي أو لذيـذ المبـات=أسال الليل هالقمراء وش اللي حوت
مابها الا انا واياه وسبع إ/جْمَـرات=من على راس عيطا نحذفه لاعوت
كل كبد ٍ نما به من كريـه النبـات=لين ماالارض تنفظ سمَّها لاهـوت
ياشتات الثبات وياثبـات الشتـات=وقف هناك واسمع ضيقة ٍ بي دوت
جمَّرت في ضلوعي غيِّبت للممـات=صافنه لو بوادرها بعينـك ضـوت
الردا والمطامع والخـزا والرفـات=في دهاليس صدر وكل نفس ٍ غوت
والتقى والمكارم والنقـا والفـرات=نبع روح ٍ سقاها ربهـا وارتـوت
لين بيَّن لها بالكف فعـل وسمـات=مثل مابان في كف الـردا مانـوت
إن ذبحنا السوالف إذبح الحايمـات=وان لفنِّك ظنونك أقهـره لاستـوت
قلها استغفر الله لوقضبنا العصاة ت=ماجهمنا نـدوِّر جـرة ٍ ماانـزوت
أو وطينا بروض وبه نـدوِّر سبـات=يوم انا جيت أعدِّل نيِّتـك والتـوت
ياهشيم المباني عن لذيـذ المبـات=أسال الليل هالقمراء وش اللي حوت

[نجم السمرين]

قبل ترحل



خبِّروها قبل ترحـل والخطـى مدميَّـه=يوم فاضت من عيونه دمعة ٍ مسكوبـه
يعلم اللَّه مامشـت رجلـي دروبٍ غيَّـه=ووَاللَّه إنِّي يوم جيته جيِّتـي محسوبـه
فاتحٍ لِه باب روحي من صفـات النِّيـه=يوم قلبِي دون غيـرِه مقفـلات ٍ بوبـه
كم تثنَّـى قـدم عينـي فلَّـه وجوريَّـه=ولا تملكنـي شـذاه ولاقطفـت ذنوبـه
لوسعيت لضيقته يومـه تزيـد الكيـه=كان لاهب الهوا جيته علـى مسحوبـه
أنثر أَحـلام السِّنيـن وضيقـة ٍمكميَّـه=وارسِم البسمه ولوهي من زمن مسلوبه
وآشمٍ خمسة حروفه داخلـي مـن نيَّـه=وكل حرفٍ ماكتب له واضح ٍ عذروبـه
أدري إنِّي يوم أَشوفه كل عـرقٍ فيَّـه=يرتجف له بس قلبي ماجهـل مطلوبـه
إيه أَحِبَّه أَعشقه أهـوا شهـد طاريَّـه=لوغدت كف الوفا في مقصله مصلوبـه
إيه أحبه والسنين الماضيـه / محميـه=في ضمير ٍ ماحمل غير النقا في ثوبـه
إيه أحبـه والصحايـف كلهـا مطويـه=يوم انا ابني من زمن طوبه وتهدم طوبه
ياحروفي وقفـي حطـي وفـاك هنيـه=سامح الله خاطري والله يِحَفْـظْ دْروبـه
خبِّروها قبل ترحـل والخطـى مدميَّـه=يوم فاضت من عيونه دمعة ٍ مسكوبـه

[نجم السمرين]

الحضور السامي



توهـا عينـي تهنَّـت توهـا بالنـومـه=وتو ماارتاح الضمير وغـردن أحلامـي
يابعد نبض الخفـوق ورجفتـه وحلومـه=ويابعد روحي وعيني لا وفيـض إلهامـي
جيت أغنيهـا هيـام ونيِّتـي مرسومـه=باعذب حروف القصيد ولاجرحت صْيامي
دام ربـي يامحمـد خصِّنـي بهمـومـه=جيت أقول لعينها جيبيي سهـرك ونامـي
بس قلـي يامحمـد جعـل يومـي يومـه=لاعهـد ياجعلهـا قبلـه تـروح أيامـي
يامحمد وش عـلاج التربـه المسمومـه=كيف تنبت زهرة اللوتس بقاع ٍ ظامـي !!
ويش طبه والهبايـب حولهـا محمومـه=قشرها طش الغمام وجوف بطنـه حامـي
حالـف ٍ ياكـل ريـح ٍ دونهـا ملطومـه=لين أشوف الارض تلفظ سمَّهـا قدَّامـي
1...... 2 ...... و3 ...... و4 مختومه=في ضرير ٍ مات دون الياسمين الشامـي
مبصرٍ مير البصيـره غرِّتـه بالسومـه=أجرد ٍ عوده يلاعب كـل عُـود ٍ نامـي
ماحفظ قـدره ولاهـو حافـظ ٍ بقدومـه=حق ربه لو ينـادي بالحضـور السامـي
جعلهـا (دقـه بدقـه) تعقبـه مبرومـه=لاغفى طرفه وحافه مـن يديـن الرامـي

[نجم السمرين]

الاصايل



أنت ياللي تجول بْداخلي مـع ثـلاث=نبض روحي وتفكيري ومدَّت يـدي
الوله كان زارك مايبـي لـه حثـاث=فك سِبْقَ اليدين وتلِّنـي يابعـدي
من يدين السنين الباليـات الرثـاث=وقل لعينٍ بكتنـي آمنـي وارقـدي
يعجزن الليالي فـوق قـاع وْدمـاث=والخطى به ثوابت يوم أنا مقصـدي
كل كف ٍ تشوفـه دارجـه للعَبـاث=قلتها.. لا ..وربـك والبـلاد بْلـدي
لين تِلد الاصايل من بطون الرغاث=وكل قرط ٍ يخايل!! يـآرد الفرقـدي
حينها ماتلام وكل نبـض استغـاث=قله انَّي خذلتك لا وخنـت وْعـدي
ياعيونٍ خذاني سحرها ليـن عـاث=ياكفوف ٍحوتني بالضلـوع وْحـدي
وسط روح ٍ نقيه ماوطاهـا خَبَـاث=لاعيون الحقيـر ولاكفوف الـردي
كنها كاتبتني من سنين ابتعاث=لاجمل ايام عمري معلنه مولدي
نرجسية حضور وسوسنيـة نِفَـاث=تنفث الطيب في صدر الزمان الصدي
عطرها للخفـوق وشوكهـا للغِثَـاث=سالفة عشق غنَّت للسحاب أبجـدي

[نجم السمرين]

دمعات السقيم



زان ترديـد القصيـد وبيَّـح الخافـي بسـدَّه=جيت اغنيها على البارح وساعـات احتضـاره
عن تنهَّات الوفا اللي مـر قلبـي ليـن قـدَّه=بين دمعات السقيم وبيـن مـن ذاق المـراره
ان سلم من غارة البارح لفـت غـاره تهـدَّه=وان غفى تاره صحت عين التعب مليون تـاره
يامحمـد يقطـع الله مـن تغنـى بالـمـوده=كان مابان ال يمينـه ساعـة الهـده جسـاره
من وفا نوفـي معـه لابـارك الخالـق بِيَـدَّه=واحد ٍ ماهـو مـع الخـلان بالـلازم شـراره
ومن خذلنـا مالقانـا بالمواقـف فـي مهـدَّه=عـل يمنـاه الكفيفـه لاغـزى تاخـذ بثـاره
صرت اشوفه لا ارتخى شوقي لفى يمي يشـدَّه=في حسب ظنك يبي يصدر عن الماضي قراره ؟
اشهد انه هـو وريـث الهـم لكـن مايـردَّه=شـارب ٍ فنجـال وقتـه وارث العليـا نمـاره
علمـه لايحضـر الليلـه وانـا كافـل مـردَّه=علمه قلب الشقا كـان التـوا يعـدل مسـاره
وش خذينا من تنهـات الحنيـن اللـي يمـدَّه=والله ان العين لو تسهر على الفرقـا خسـاره
مانبي منَّه وصال وجعـل يسلـم نـور خـدَّه=أمس صلينا على الميت ومن ساعه إستخـاره
مانبي غير التجاهل ديـن وادري بـه يسـدَّه=لايحايلني علـى الماضـي ويرمينـي بنـاره
والله انه طاح من صـدر الليالـي المجرهـدَّه=من خذا وسط الحنايا الصافيه عـرش وامـاره
خلنـي أقفـل ملـف البارحـه قبـل استـردَّه=والوفا مركوز من كفـي علـى راس المنـاره

[نجم السمرين]

دم الجلاوي



منهو رقص للطار يامحـرِّم الطـار=ضلع ٍ يصيح وضلع طاح امتهاوي
اهديتني نـار الشـواوي وقيتـار=ورديت عنك داخلـي كـل عـاوي
لين اشتعل منك على ثلجهـا نـار=تبغى تداوي وانـت ودِّك مـداوي
اسقيتني دم ابرق الخلـق قنطـار=وسط الضلوع وفوق راس الندواي
حتى التوى عم الشياطين بالـزار=فوق الذبايـح واللجـج والغنـاوي
لاعادها ليله بها الشيـخ سمسـار=الطير روَّح دون فرخـه سمـاوي
منهو يحب النار يرقص على النار=دم الدخيـل بْ ثـار دم الجـلاوي
باكر يدور الوقت واقـول لـك دار=يوم التويبع جاك وامـرح خـلاوي
ماقول انا لـك ثـار او رده بثـار=ولاقول انا كم لي وانا لي رجـاوي
احذف سواليف الحجـاوي لعمـار=اسمع ولاتكثـر عليـك الفتـاوي
الطير كانه بـار فـي يـد صقـار=يطويه في عين الصقاقيـر طـاوي
لو كان شبره بينهم عشرة اشبـار=راحت ورا الهقوه كثير الهقـاوي
لايلتوى ظنك ولاتضـرب اقطـار=مافاد في طير الهويـدي نخـاوي
سمَّار قم والعب على مـود سمَّـار=عرق ٍ نمت روحه على قلب ذاوي
هذا هو اللي صار يوم الوحش طار=مافاد به قصر العلـف والدعـاوي
يموت في كبد السماء موتت احرار=يصبح على كفه ويمسي رهـاوي
أخير له من قولت الجـار للجـار=قم عش طيرك وش بلا الطير ثاوي

[نجم السمرين]

المعنى الميسَّر



ياهلا بالفارس اللـي مارمانـي مـن جـوادي=مادرى انـي للعبيـه جاسـر ٍ مانـي مجسَّـر
مرحبابـه والنوايـا ماضربـنـا فـيـه وادي=والمعاني الصافيه في صـدر اهلهـا ماتغسَّـر
جيت لك جيَّت هذاك اللي عهد ماهوب غـادي=لاطلع كاشف وحش مطلـق عمـد لاماتوسَّـر
ماعرف غير النوايف وان هوى فوق الثنـادي=تشبعه يمناه من جدع اللحـم قبـل يْ تبسَّـر
ماخذ ٍ كف العقـاب وكـن ريشـه يالمنـادي=من ظهر دهم النسور الساطيه ساعـة تنسّـر
كيف لو وزنه بوزن الطير قلي هـو يفـادي؟=اعتقد ان المعانـي واضحـه لـو ماتفسَّـر!!
لكن اسمع لاعدمتك والقوافـي مـن زنـادي=جالبه لـك والكفالـه مـن يمينـي ماتعسّـر
ان كتبنا نفرق الصافي بياض امـن السـوادي=في وسط سوق القوافي نجلب المعنـي ميسَّـر
وان عزفنا نعزف المعني كما ريشـة عبـادي=لين يسري كل حرف بْ ثومة القلـب وْيفسَّـر
مانحيد عْنَ المبادي وانـت تـدري بالمبـادي=راسخه في قلب منهو له زمانيـن يْ تحسّـر
من غياب اللي خذت عرش الحنايا هي مرادي=ضلع صاح وضلع طاح وضلع بيديهـا تكسَّـر
لاطرت لي كل عرق بْ وسط قلبي له ينـادي=يرتجف له لين احسَّه من لظى الشوق يْ تمسَّر

[نجم السمرين]

حاضر بحاضر

موجهه للشاعر الغالي علي الصبري



ياهلا بك ياعلي عز الخـوي يالصبـري=ماجهلت بْ طيب نفسك والله اللي خابـر
بس كلمه واستمعها واسبره من سبـري=وانت مثلك والله انـه للمعانـي سابـر
الشعر ساعة كتبتـه ماخذلنـي شبـري=لا ولاحتى كسرني فـي بحـوره شابـر
ماخذيته من خيـال المنطـوي المبـري=اكتبه حاضر بحاضر مااسهـره واثابـر
يرحم الله ياعلي منهو فتح بـه قبـري=بعد موته فـي محـط العابـره والعابـر
ذاك لوخالط غرامه من عرفتـه حبـري=ماحرمني نوم عيني يوم انـا لـه قابـر
لاحرام اني دفنته قبل يَرْخِـص تَبْـرِي=في وسط سوق الرويبض لوعليه يْكابـر
ياعساه اكبر غنيمه في عيون العبـري=مابقى له شيء واحـد يستحـق اكابـر
علها بعض الطـواري علهـا ماتبـري=من على سبع الجوارح والزمان الغابـر
لاجل تِشْرَبْه المحاني لانفذ بي صبـري=واحلف الخاين يموت ولايموت الصابـر
من خذا حبل الوتين ومن سكن به جبري=لو يجي حد الكرامه لااقطعه من الدابـر
كيف اجل باللي خذا دور التقي واللبري=حولّوا به مافرق بيـن النِّبـر والنابـر
لوعرف سر الحَبِير امداه عِرف الحبري=ضايع ٍ حبَّار ماها مـع طـروق الحابـر
ياعيون المقبله نامي قريـره / وابـري=ياجروحه جعل ماله فـي زمانـه ثابـر
ياعلي جتْك المعاني واسبره من سبـري=دام مثلـك والله انـه للمعانـي سابـر

[نجم السمرين]

بلحيل يلحيل


ياكبرهـا لاطـاح مِنْـك احتمـالـك=يطيح من بعده من عزومـك الحيـل
وياشينهـا لاصـار حتـى خيالـك=لاارتحت ساعه راح يسحب لك الويل
تطرد سـراب ٍ راح عنـك ولا لـك=غير التوجِّـد والسهـر والمواويـل
ياكم سهرته من لظى الضيق هالـك=وياكم بكاه الجدي وابكيت انا سهيـل
ارثيه حسـره لـو بقـول امتمالـك=وانعيه في وجـه الليالـي تراتيـل
ضاقت بعد ماغـاب كـل المسالـك=اسال عليه الليـل واجـاوب الليـل
ياليل!! لاغـاب القمـر مالفالـك!!=هو فيه احد غيره يسامِـرْك قنديـل
عليـه دمـام الحنـايـا امتهـالـك=لاتنشد اهل النيل وش يعنـي النيـل
الشوق مايعـرف حبيـس ٍ ومالـك=راحوا من اسبابه زحول الرجاجيـل
ياطول خيـط الليـل ليمـن طرالـك=فرقا تسوق الروح للضيـق تنكيـل
عليك ياللـي مـن عنـاه اشتكالـك=قلب ٍ يسريني على اربع محاصيـل
الطيب والنيَّـه وظـرف ارتحالـك=والرابعه جمره بْ صـدر المقابيـل
الله يبيـح الشـوق لاجـا مجالـك=والله يبيحـك ياعساهـا تساهـيـل
دام البقالـك والـوفـا والغـلالـك=ماهمني يوم ازفر الضيـق وآكيـل
ايوالله افـدى بسمتـك مـع دلالـك=وافدى دلع روحك ودمع المضاليـل
كلمه طرت لي يـوم قلبـي حكالـك=زيدي عذاب القلب (بلحيل بلحيـل)

[نجم السمرين]

الحس النقي



(ياصاحب الحس النقي) الله ولا سَمَّ الملام=أقرب وخذ ماطاح به صدري وردَّه لِجْمِلَـه
ياضيق صدر البارحه أواه من صمت الكلام=وانا معك ماغيـر دثـر خافقـي وْ زمِّلـه
لحظه عساني مااعدمك لاهنت قبل إنك تنام=دام الغلا لك والبقا لـك والتوجـد والولـه
ماني ببياع الهوا لاهـل الهـوا لابالحـرام=قلب ٍ نزلت بداخلـه مـاوالله أحـد بْينزلـه
لكن بمان الله وخذها واضحه مسك وختـام=حرف ٍ نشا في داخلي مرالخفـوق وحَمَّلـه
سلام ياطهر الحروف البيض والنيه سـلام=والا الهروج الناقصه عن كل حرف مجمَّلـه
ماجيت ادور من ورا عذري ابي منك اهتمام=أخطيت ؟ لاوالله فلاني مخطي بْ ربع أنمله
حبيت ؟ ادري كنت اشوفك بس من بد الانام=كرهت ؟ لاوالله ولا ظني لك بْ يوم أحملـه
تدري وش اللي ردني عنك؟ لانك قبل عـام=تاخذ ولاتعطي عسى لاحـن قلبـك تسألـه
كم ليلة ٍ جيتك وانا مابين شوقي والهيـام؟=كم ليلة ٍ تعبيرك الصادق عجـزت اتأملـه؟
يمكن لأنك ماعرفت تحب واخلفـت النظـام=حتى اختلف بي كل حس وكل نبض مْهملـه
الله معـك لاتلتفـت والنيـه النيـه ظـلام=ماطحت قبلـك لا ولابعـدك ودربـك كملـه
(ياصاحب الحس النقي)الله ولادرب الغرام=طالت تناهيد الشعـور اللـي تعبـت آأمِّلـه

[نجم السمرين]

عقد الذهب


نفتـح البـاب والا نغلقـه يالرتيـق=لاجديـد ونضيفـه او قديـم ويـقـال
شي واحد واظنـك تعرفـه يالعريـق=مكمنه وسط روحي ياعسـاه الـزوال
نوب يلفي بشوق ونوب يلفي بضيـق=يوم جمر المفارق له بروحي اشتعـال
ليت حلم ٍ غفى ياليت لو هـو يفيـق=كم لعب بالحنايـا كـم تربَّـع وجـال
طفلة وكن ربي خالقـه مـن رحيـق=جل منهو خلقهـا بيـن حسـن ودلال
كنهـا يـوم قالـت يالغـلا لاتضيـق=تلت القلب مني غصب بنـت الحـلال
راحت ايام عمري في يديهـا حريـق=ليتها يوم غابت غـاب معهـا سـؤال
ويش ذنب الخفوق اللي غدت له شقيق=ويش ذنب الرجل لاحب بنت الرجـال
حالف ٍ في غلاها حالف ٍ لَ استريـق=اعـذب الشعـر واصبـه لعينـه زلال
مانصـوغ المعانـي لالفظنـاه زيـق=يايجي نقد صافي . او ذبحت الخيـال
باطن الصوغ نار وظاهره لـه بريـق=مثل صوغ الذهب مابين حال ٍ وحـال
نار تلفظ زفير ونـار تلفـظ شهيـق=لين عقد الذهب يزهى بعيـن الجمـال
لوتشوف الصخر يحمل معالـم طويـق=اعرف انه يشيل اللي عهـد مايشـال
اترك الحرف خله في دموعه غريـق=لو يهمهم غيـاب ولويتمتـم وصـال
عل ضيق المحاني لو يـروِّح طليـق=نطرق القاف بسمه في جحيـم الليـال

[نجم السمرين]

يامسلم


سلَّم الله قلـب مـن صبَّـح وسلَّـم=يامسلَّـم جعـل كـفـك للسـلامـه
شاعـر وْ وقـت المنـازل ماتثـلَّـم=كفك اللي تشرب المـوت بْ حسامـه
لك وسام الحرف وابداعه / يَ إنْ لَمْ=يصدق الهاجـس وظنـي واحتدامـه
هو صحيـح العلـم قلِّـي او تحلَّـم=لاتجاوب !! واعتبـر ردي غرامـه
وآلـم ولـو مازهمتـوا لـي تولَّـم=جيـت ادرجهـا وللمعنـى ارتسامـه
مانزلـت بْ طور حـار وِمْتِبَـلَّـم=كل صـوت ولـه معاويـل وعلامـه
مـن بنـات الفكـر لاقـام إ/يْتكلَّـم=يسرق المنطوق من بطـن الغمامـه
لاجل اقـول ان المعانـي لـو تألـم=ماشكت من ضيق!! تدري وش مرامه
خبـروا مضنـون عينـي يامسلَّـم=بان من شوقي على القلب انقسامـه

[نجم السمرين]

سيدة عرشه



أنت ياللي ماخذ ٍ دون البشـر تفكيـري=قل لطيفك يافديـت دموعـك المنهلَّـه
لايجي صوب الضلوع الباليه ياطيـري=مايكفي مر قلبـي مـن شهـور وتلـه
آتجلد لين ماطاح الرشـا فـي بيـري=وين قولك لاحرمـت بْجيِّتـك هالطلَّـه؟
ول ياقلب ٍ حفظتـه ماحفـظ تقديـري=كيف طاعك ؟ ليه عيني ماغفت معتلَّه!!
يعني البارح لفيت ومختلـف تعبيـري=وش حداني ليه جيتك ويش انا ساع ٍله؟
غير قلب ٍ محترق ليته رضا تخييـري=لاجل أقول أن السكوت بْذِمتي أحسن له
ضايق ٍ صدري عليك وتشتكي تقصيري=أسالك بالله قلِّي وش تبي توصـل لـه؟
كان قصدك به دلع هذا الخفوق وصيري=سيدة عرشه وحقك تآمري فـي حِلَّـه
بس اذا قصدك تغلي في حسب تصويري=كل باب ٍ لك فتحته في يدي بـاب ٍ لـه
باح سدي يوم قلَّت حيلتـي وتدبيـري=وش بقا ماغير أنااطلب خالقـي ياعلَّـه
ياتجيني ليـن ينبـت بالوفـا نوِّيـري=أوعساه يزيل ذكرك مـن حياتـي كلـه
لو رضيت بكل كف ٍ ودها تصقيري=كان سوام الضحى مبطي وانا طير ٍ له

[نجم السمرين]

صوت المبدع خالد البقمي



مطـار هيثـرو . جـاك طـيـراً مهـاجـر=مــن نـجـد لــو دقـقـت نقـشـة جنـاحـه
خـجـول بالفـطـره . رقـيـق المحـاجـر=حرصٍ علي الاخلاق بارض السياحه
ماانغـر واصـبـح فــي جمـالـه يتـاجـر=كان الحـلا نعمـه . تـرا العقـل راحـه
يشـيـل لــه لـيـلٍ مــن الـغـرب داجـــر=يضـوي عـلـي شـرقـاً تـجـلا صبـاحـه
تنطـق عيونـه وقـت صمـت الحنـاجـر=والكحـل برموشـه . دليـل الصـراحـه
حـلـمـت بالشـبـكـه وطـقــم الـبـنـاجـر=وصحـانـي الـفـارس بـزرقـه رمـاحـه
اجـري ورى الاوهـام والوقـت فـاجـر=ذقـت الضمـاء قبـل الغـديـر وقـراحـه
وعــوّدت فــي قلـبـي ثـلاثــه خـنـاجـر=ولـو صـابـه الـرابـع يـزيـده سمـاحـه
مفـتـون مـالـه عــن منـاجـاك زاجــر=لا تـعـب فـيـك اكـثـر تـحـقـق نـجـاحـه
لـو اقطعـه قـطـع الخـشـب فالمنـاجـر=وارميـه مـن صـدري نبـت فالبـراحـه
دونــه بـحـر ياقـلـب . تبغـيـه هـاجــر=حوّل عن المركـب . واخذهـا سباحـه



صدى نجم الـسمرين


الـلَّـه عـلـى نــو ٍ مِــن الغـيـم سـاجـر=سحابـة ٍ فـي وســطْ روحــي مِطـاحـه
مــرَّتْ وقَــرَّت بالضـلُـوع المـشـاجـر=ياكِـنـهـا طــــبَّ الــهــوا وانـشـراحــه
أرويـت بـه قلـب ٍ مـن الضيـق بـاجـر=أقــرأ وابسـمـل وازفــر الـهـم راحــه
زفـرة وهـم لـو صـدر الايــام ضـاجـر=لو نرسم البسمـه هـوت مِـنْ جراحـه
عاميـن أَمِـسَّ الوصـل ويـعـود داجــر=عـجـزت أَمـيِّـز حرمـتـه مــن بـواحه
واقلبـي اللـي مـن طنـا البـعـد عـاجـر=أَربــع ليـالـي / نـافـر ٍ مــن مْـراحــه
طفـلـه تـمـر الــروح مــرَّ الـشـواجـر=تلـعـب طــرب وانـــا آتِـلـقـى رمـاحــه
أعطيتها / كف / وضمير / ومحاجـر=واعـطــت لـطــرَّاد الـفـرِايِـد صـبـاحـه
لـو جيـت لـه ناصـح فـلا جيـت حاجـر=راحـت !! ولكـن سهَّـل الـلَّـه رُواحــه
روحـة وفـا / ماهـي بْروحـة مْهَاجـر=لعيـون مـن مـرَّ الحـشَـى واستبـاحـه
وآدعـتـهـا مــيــر إنَّــهــا يالـمـسـاجـر=تـلـت معاليـقـي مـعـه مـــن صـيـاحـه

[نجم السمرين]

فكي لي الضيقه


مشتاق!! لا قولي عهد ميِّـتٍ شـوق=مخنوق!! أَدري وش ورا الهَّم ؟ضيقه
هذا وانا لي عنك يومين!! محـروق=أمسي بهمِّك واصطبح فـي شقيقـه
فكِّي لِي الضِّيقه أَبا أسمعـك وآروق=دام الزَّهـر ماحـرَّم اللَّـه رحيـقـه
والْكِلمة اللِّي وقفـت دونهـا حلـوق=بآقولهـا بس إمهلينـي دقيـقـه
مِن َشان لامرَّت مسامع هـل البُـوق=اللي جهـل يعـرف يميِّـز طريقـه
مانيب لاطرقـي ولاجيـت مطفـوق=ولاارقبت آخايل بالسَّحـاب وعليقـه
جيتك سما قلبٍ من الفقـد /مفتـوق=وجيتي دوا لجروحي المستفيقـه !!!
يعني على ماقيل شرهـات وحقـوق=ظامي وصالك جـرَّح الوجـد ريقـه
قولي أَحِبَّك بارتـوي منـك منطـوق=أَقِدِّ لِِك صدرك عشـان استريقـه ؟
تدرين !! خلِّيها مع الصِّبح بِرفـوق=لاطاحت غصون العشيق إل/عشيقـه
وإلا تعالي بـودع الصـدر مشلـوق=وردي علـي قلبـي وهاتـي بريقـه
بعده بمـان الله وان عـاد مسـروق=امَّا نزيـد الوصـل / وإلا نعيقـه !!

[نجم السمرين]

من سجن القوافي


الشيخ زيد بن راجح


ياالربع يوم الهواوي جتنـي ابياتـه=فتحـت قلبـي لهـن حتـى يخشنـي
عساه يلقـي رفيقـه عنـد هقواتـه=وان ظن فيه الوفاء ماخاب لـه ظنـي
راعـي ضريـه بعيـدات مسافـاتـه=لكن نفحـات جـود الشيـخ مرنـي
مع كل ربعـه ركـز للطيـب راياتـه=مكرم ضيوفه حليـف الهيـل والبنـي
وجهه عليه الرضى في كـل حزاتـه=يضحك ويرشد ويكتب شعـر ويغنـي
يا طالبين المراجـل سـووا اسواتـه=اللي عن الواجبه مـا هـوب متونـي



الشاعر ناصر عبيد الهواوي


الله على اللي تشـوق القلـب فزاتـه=منوة غريبٍ طـرت لـه داره وحنـي
عامين بالسجن ليل الناس مـا باتـه=يقضي جزاء ما اقترف بالقيد متثنـي
واجهـد بحفـظ الكتـاب وردد آياتـه=وعليه اعانه عظيم الفضـل والمنـي
وحفظ وطاحت عنه باقـي عقوباتـه=واخلوا سبيله وهو من قبـل ماظنـي
عدا يبا النقـل لكـن باصهـم فاتـه=وبيض الليموزين من قدمـه يمرنـي
والاجر غالي وهو عدمـت امكاناتـه=ولا عاد ينظر بهن راحن ولـو جنـي
خمسـة وعشريـن باقيـةٍ بمخباتـه=ولايعرفـه بالبلـد هنـة ولا هـنـي
وفطن له اللي ذرا المضهود فزعاتـه=شروى شيـوخٍ جمايلهـم يشوقنـي
ويانجم قافٍ شعت هجسـي عباراتـه=(يضحك ويرشد ويكتب شعر ويغنـي)
يضحك لشوف الرفاقة من حسن ذاته=ولو كشّرت شفتـي لأوطيتهـا سنـي
ويرشد يبي رحمة المولى ومرضاتـه=وله قدوةٍ في نذيـر الأنـس والجنـي
ويكتب شعر لو طـرا للقلـب مافاتـه=ويهيضنـه قوافـي زيـد ويغـنـي
يا نجم هجسي خذلني فـي مجاراتـه=ان كان هجسك يطيعك جاوبـه عنـي



الشاعر نجم السمرين


حي الله اللي يسـوق العلـم باثباتـه=لوكان ماهو مـع الطـاروق متعنـي
عريب جد وعلـى الجـزلات هَدَّاتـه=هذاك لنَّه / ولـو ماقلـت أنـا لنَّـي
من فوق صلب الصخر جا ينحت إبياته=ياكـم وياكـم وياكـم فوقهـن دنـي
كن البحـر منهلـه والغيـم يقتاتـه=ماهو على قولت الـرَّوَّاي ليـت إنـي
أما أنت يامسنـدي فالـروح موَّاتـه=دونك ودون الخـوي والديـن لكنـي
من يوم طاحت عيوني قل على ايَّاته؟=طاحت على قولتك (لاوطيتها سنـي)
أخلفت علمي معـه واخلفـت مَدَّاتـه=كف ٍ يالـو قصـرت قصيتهـا منـي
لكـن يالقـرم رد العلـم أو هـاتـه=لوجيت أحث القلم ماجيت أبـا اثنـي
إلا اني اطرد هـوا بالـي ومشهاتـه=وآسج معك القدم مـن ويـن ودنـي
شيخ ٍ تضيع المكـارم فـي مداراتـه=مدَّات كفك علـى النمـرود والسنـي

[نجم السمرين]

الشاعر خالـد البقمـي


بطلق اسـر القلـب والحقـه العنـان=وِان لقيـت القلـب قلـه ويـن كنـت
مابقـي للـحـزن فــي قلـبـي مـكـان=شايـل ٍ هـمَّ الفـراق وهـمـك إنــت
إن كتمت الحزنَ سبَّـب لـي جنـان=وان شكيت الحزن قالوا لجل بنـت
إنتظرك إمن السَّفر لي فيـك شـان=وبعد جيتوا زانـت علومـك وزنـت
تــل شـعـرة شـاربـي تـلَّـة هــوان=كـان لـديـت العـيـون وكــان لـنـت
قلبِـي اللِّـي كـان مطـرق خـيـزران=مـن حجـر ببنيـه والا مـن سمنـت
الضمـاء عنـدِي ولانـهـر الحـنـان=كان لرويت العطش من مـاه خنـت
وانـت أبـد مثـلَ الامانـه فالـزَّمـان=يـاوديـع العاطـفـه مـايــوم هـنــت
وش لقـيـت بعالـمـي غـيـرالامـان=يالوحيـد اللِّـي علـي الخفَّـاق منـت


الشاعر نجم السمرين


الجزال / النِّدَّرْ / البيض / السِّمان=مرحـبـا بــه كــل مابـانـن وبـنــت
مايـوفـي حقـهـن صـــح الـلـسـان=يعلـم الله يانـدي الكـف / كـنـت !!
ماعـرف وش كنـت لكـنَّـك مــدان=جبـت عذبـات النُّـوادر وامتحـنـت
خـافـق لــه قطـعـة أَيَّـــام وثـمــان=بين زفرات الوهن والضيق عنـت
أَشهد إنَّـه ماعلـى روحـي ضمـان=إِن كتمـت الحـزن بـعـده أَوعلـنـت
إن ضحك لي ضحكت الدِّنيا عـلان=وان حــزن يالعنبـوحـيَّـه حـزنــت
كـن قلـبـي فــي يديـنـه صولـجـان=وفي غيابه غير همِّي وش ضمنت
ليت لـو خـان العهـد / اقـول خـان=لَاجـل أَقـول إنِّـي لحبَّـه قـد دفـنـت
البـلا والمـوت مِـن سحـر البـيـان=ساكن ٍ قلبي وانا أدري به سكنـت

[نجم السمرين]

السيف والسيَّاف


طوينا ثلاث سنين طي الرشا بِخْـلاف=ومن غاب عن عيني فلا والله آخيلـه
سقينا الوفا لكن حسافه يروح عْجـاف=عطينـا الأمـان وصيَّرونـا مقاتيلـه
عرفنا عفاف الحب يوم إستباح أجواف=ولكن معاني الحب هو ويش تعني لـه؟
فلا أقسى من الواقع مَعَ لعبة العـرَّاف=سوا طيحة الواثق إذا طاح مـن حيلـه
عزانا عن الماضي رفعنا اليدين نْظاف=تمادى بطعناته وانـا اسرفـت تدليلـه
هذا واناادري به يالو في خيالي طـاف=تسابق علـى فقـده لعينـي هماليلـه
حلوم وتراودنـي لهـا ايـام يـاورَّاف=متى ماغفت عيني تجرعت مـن ويلـه
أقول إفترقنا واشكي السيف والسيـاف=وانا بيـن شيطـان المنـام ومحابيلـه
أحبه ومن حبه كرهت الرقـاد أخـاف=أفتِّح عيونـي والقـدر شايـل ٍ شيلـه
عسى ليلة البارح وحلم ٍلفى بأضعـاف=يمر الصباح ويخطـي الوقـت تأويلـه
طوينا الوصل (لكن طويناه طي أشراف)=وانا اعرف بجو الشمع وبجـو قنديلـه
لفينا نقا واشراف وغبنا على مشراف=عسى يرقص الصامل لدقـة خلاخيلـه

[نجم السمرين]

الشاعر الرائع معلا الاسعدي


انقـل تحيـاتـي مــن الــذات لــذات=لـلــي مكاسـبـهـم كـبــار الـغـنـايـم
ياربعنـا بالجـوف ياهـل الكـرامـات=ياهل الكرم والطيـب واهـل العزايـم
جينا واخذنا مع هل العرف جولات=علـى المجالـس والقصـور القدايـم
شـي ٍ جمـيـل نشـاهـده بالـزيـارات=يثلـج اصـدور النـاس والحـظ قايـم
الكم في بذل الطيب منهج وعـادات=وصحونكـم تـزهـا بـجـزل الـولأيـم
ربعي لهم في قمـة المجـد بصمـات=اهـل الوفـا والطـيـب والـعـز دايــم
الاسعـدي طبعـه يـروم الصعيـبـات=دايـم فـي عينـه يصغـرن العضايـم


الشاعر نجم السمرين


يامرحبـا تعـلا بهـا كـل الاصــوات=فـوق الثريـا عـن بطـون الخـرايـم
للـي لفـونـا مــن بعـيـد المسـافـات=حلَّوا بجـوف الخيـر والخيـر غايـم
كن الفرح مـن غيمـة العـز يقتـات=وقـلـوب أهلـهـا طيـروهـا حـمـايـم
يستاهلـون الطيـب والـعـز مـامـات=أساعـده يـوم أبـرق الوقـت حـايـم
قـوم ٍ لهـم وقفـه وفـزعـه وهــدَّات=قَسْـمَ النشامـا مـن كـبـار القسـايـم
عدوهم يحسب من حساب الاموات=وقصيرهـم مـن دونـه الضيـم نايـم
هذي حقيقه ماهي بْ حاجـة إثبـات=فـي هامـة التـاريـخ مـثـل العمـايـم

[نجم السمرين]

نواقيس الفرح



البارحه عقب الغياب بْ حين توديـع الغـروب=والشمس مع قرص الشفق من قبل ساعه غاربه
أرقبت في روس الطوال اللي بها القلب مْغَلـوب=في ساعة(ن) دقَّـت نواقيـس الفـرح عقاربـه
واركيت راسي للورق واطلقت فكـري للهبـوب=أطـرد ورا هجـس القصيـد آحايلـه واقاربـه
إلين ماطاح الـذي كنـه مـن الغيـم مْحَلُـوب=في وسط صندوق الضلـوع الصافيـه مشاربـه
حرف القصيد اللي على قيمة جلاليبه مْحَسُـوب=إمـا يجمـل صاحبـه والا يوطي شـاربـه
وانا يمين الله فلا تحسب علـى مثلـي بنـوب=أبـا ارتقـي بـه للنجـوم الفاهقـه المتقاربـه
في ذكر ربعي هم حزامي يوم صيحات الجنـوب=اللي يمانيهـم مـن حْيـاض المنيـه ضاربـه
آلاد روق أحفاد راشد مرويـة بطـن الجـروب=لاثارمن عج الدخـن واخـلاق ربعـي خاربـه
هم لابتي وافخر به في كل حدب وكل صوب=الـورع منهـم ساعـة الهـدة يمينـه داربـه
أهل العطا واهل السطى واهل المنايح والحروب=واهل الكفوف الساقيه مـن جودهـا والشاربه
لولاي اخاف الحق الساني من ورا قولي ذنـوب=قلت المكـارم حالـف(ن) حنَّـا بَحَـرْه وقاربـه
مع عزوة(ن) نفخر بهم ربعي مقابيس الدروب=اللـي عـروق جْدودنـا وعروقهـم متقاربه
قوم القعيد وابن وابل وابن دربـاس وجنـوب=لنا مع ال شجاع والدلبـه عـروق(ن) ساربه
كلمة وفـا مانـي بنفَّـاخ الشواكـل والـذروب=ماميَّـز المستعربـه واجحـد فعـول العـاربـه
في ليلة(ن) يشهد لها الصادق على عين الكذوب=يـوم اليديـن القاصـره نياتـهـا متضـاربـه
بقيادة الشيخ الذي من حكمـة الـرب مْحَبُـوب=ياسعود ياسعد الحروف اللـي لمدحـك طاربـه
ياصاحب الراس السِّطي ياصاحب الصدر الرحوب=يامـن ينابيـع المكـارم فـي يمينـك شاربـه
محبتك ماهي حكي غيـر انهـا وسـط القلـوب=آقولها وانـا الـذي لاقلـت قـول(ن) عاربـه
يوم انها تصعب على من لاوطى غير الخبـوب=انت الذي راس الجدي مبطي وواطـي غاربـه
ويوم انها تقصر على من همهم كرب الجيـوب=انت الـذي وجهـك بمـدات الكريمـه كاربـه
عهد(ن) علي لو للصخاء والنايفه والجود ثـوب=مافيه متن(ن) في حضورك قبـل متنـك قاربـه
لادام كف(ن) مايحوش من الزمن غير العيـوب=ولاعاش راس(ن) مايشوش لعزوتـه واقاربـه

[نجم السمرين]

ياقاضي



عليك الله وامـان الله وتاقـف للمعانـي سْطـور=ابالحقها لاجل عينـك بقايـا زفـرة ألفاظـي ض
يميـن الله ياعـذب اللمـا ماخطـت المحـظـور=يميني لا ولا خطه شعوري بـك علـى الفاضـي
أتلِّه من لظى ويـل الزمـان وصـدري التنـور=تغنوا به / وجريته وجع مـن وسـط الانقاضـي
عساني معدمـك لاقـل عساهـا غيبـة المجبـور=عن عيونك قبل مفرش جمـر كفـي ومقراضـي
هويتك إنت يانبض الـورق والخاطـر المكسـور=اجي وتغيب واشوفـك تجـي واروح متغاضـي
تعاتبني ولاتدري بطيفـك قبـل خمـس شهـور=لك الله مارحم حالي معي فـي حـزة إغماضـي
تعاتبنـي ولاكنـي غديـت الطايـع المـامـور=نقشت اسمك على صدري وقلت اجلس هنا راضي
خطاي اني عجزت آقف عجزت وضامري ممطـور=سحابـة طهـر مرَّتنـي بعـد مابرقهـا ناضـي
امانه ياسحايب عمـري ونبـت الخفـوق البـور=ترفق بي عهـد كنـك تتـل الـروح متقاضـي
ترفق يابعـد كـل القصايـد وافتنـي مشكـور=ياوين القى علاجي عن سحر هـاروت ياقاضـي

[نجم السمرين]

حنين الامس



يجظ البعد والعبـره بكـت بصدورنـا تنعيـك=وتنوحك عبرة ٍماهـي لخلـق الله مسموعـه
أَشوف الليل لآخيَّـم ظلامـه / كنَّـه يحاكيـك=وألا ياليـت مدمعنـا يـرد البعـد منفوعـه
خذتك أقدار هالدنيـا ولاباقـي بهـا تشكيـك=ولو لي حيلة ٍ فيها صروف الوقت مصفوعـه
تعال وقلِّب الماضي تعب قلب الشِّقـا يدعيـك=ودورعن سبب حزنه وشف لي شكله ونوعـه
تعال وراجع الذكرَى سنيني..حاضرك..ماضيك=وقلب صفحة أَيامي وليـل ٍ موجـع هجوعـه
لك الله وش بقا في صفحتي والليـل مايلعيـك=ولِك الله مابقا شوق ٍ على مافـاض ينبوعـه
سنين وضاعت سنيني سرت لكن عجز يسريك=وجع ذاك الفراق اللي وطا في قلبـي فروعـه
نحاول نرسم البسمه ويعود إِ/بنا الزمن تبريك=على ليل الوداع اللي سرق من وقتنا مْتوعـه
يراودني حنين الامس واقول الْ حظنا يكفيك=طفى امس الغرام اللي ضوى من دمي شموعه
تمنينـا مسـرات الحيـاه الفانيـه وتحـيـك=خيوطه !!! لين جلاد العمار وهمهمة جوعـه

[نجم السمرين]

بيض النوايا



باعترف وإن كانها بيض النُّوايا طاوعنِّـي=باعذب حرف القصِيد اللي دنى وازريت أَكنَّه
باعترِف لك بس لحظه إيه لامن جيت كنِّـي=شاعر ٍ حارت حروفـه بالحنايـا وازهقنَّـه
طاولنِّي لين ماساقـن غثاهـن وارهقنِّـي=في وسط غبة مشاريه العتب يـوم إزفرنَّـه
بين كتمان الحنين وبين تصديقـي وظنِّـي=وش يفيد ال بُوح حتَّى لو زفرة الضِّيق ونَّه
آه من همَّ الفراق اللِّي خذا هالـروح منِّـي=طال موَّال الغياب وزفرة الشُّـوق ومحنَّـه
واللَّه إنِّي يامساوي للنَّظـر إيواللَّـه إنِّـي=لو تقلدني جحيم الحرف جاك الحرف جنَّـه
أَستقيها من ينابيع الوفـا بـي ليـه لانِّـي=ماعرفت آرد هماج ووارث العـز ومجنَّـه
الوفا بي بِنْك دم ووارده من صغـر سنِّـي=بس لاعاد الوصال وساعته لو فيـه منَّـه
ماشغل بالي غيابك كثر ماالهجس اشغلني=يوم اشوفك بين سكين اجرد الوقت ومسنه

[نجم السمرين]

حفظتها له



الله يرحم كبيري يوم وصاني=حفظتهاله وطفت وشفت مصروفه
(يقول اسمع) ولبى عنده الساني=حبيت راسه ويده..قال من جوفه
(يقول رافق) وقلت القاصي الداني=نوفي مع اللي وفا لاشانت ظروفه
(يقول وقِّر) وقلت لساني حصاني=نحفظ حقوق العرب ونرد معروفه
(يقول شاور) وقلت الموت لاجاني=من يضرب الخلق كله من ورا شوفه
(يقول اصبر) وقلت ان شفت ماارداني=رفعت كفي عسى النيات مخلوفه
(يقول تسلم) وضقت وقام ناداني=قلت البقا بك فداك العمر وصروفه
انشهد انه هذاك العود رباني=صقرت طيري مثل ماتصقر كْفوفه
قل الحديث او كثر ماقل ميزاني=العلم وافي وكف العز مخطوفه
رقيت يوم الولي من فضله ابقاني=فوق الثريا وراس الجدي واكتوفه
الله يرحم كبيري يوم وصاني=حفظتهاله وطفت وشفت مصروفه

[نجم السمرين]

وبل القريحه



دن من وبل القريحه يـوم مـادن إ/ بنِذِيـر=وجاد به فيض المِشاعر يوم سمَّى واستلاذ
في وسط عوج الحنايا يوم مالاذه خشيـر=غير من زانت مرابيعـه وَعَجَّـل بالجذاذ
يابورامي وَآعذاب القلب لاهبَّت عصيـر=وارتسم لي من خيالي ماتسلـل بـي ولاذ
الغِياب اللِّي طواني ماطوى حالـي بخيـر=كل شوقٍ في غيابه له وسِط روحي نفـاذ
اللَّه اللِّي ساقني لـه بيـن نـار وزمهرِيـر=لاانتثر حزنه هجير/ ولاابتسم ثغـرَه رذاذ
كن قلبِي لاذكرْته من على حـدَّ الشِّطيـر=جذ روحِي من معاليقه من البعد إجتـذاذ
يانديم الحرف وانفاس القصايِـد والعبيـر=عن بقايا الامس والحاضر وشوقي والمـلاذ
ماعرفت إنَّ الحنِين أَقسى من أَحضان السِّعِير=لين ملعون الصَّلايِب داخل أَعماقي إِستحاذ
سامح اللَّه غيبته كانـه تسـاوى بالنِّظيـر=طلبت اللِّي كل ماضاقت من الهم إستعـاذ
دن من وبل القريحه يـوم مـادن إ/ بنِذِيـر=وجاد به فيض المِشاعر يوم سمَّى واستلاذ

[نجم السمرين]

العاهل معمَّر



سالفة عشَّاق ماهي بالخفا قامـت تنظَّـم=من على وضح النقا ماداست الرفه تنمَّـر
يامحمد لونوصِّف ساحة البيـت المعظَّـم=قالوا أقصر وش لقيت بمدحك العاهل معمَّر
مالقينا خير في وقت ٍ به العاقـل تقظَّـم=وسط غيظه يوم غيره ماشغلنـا لوتذمَّـر
كل مطعوم ٍ يجيبه طارف القوم إيتهضَّم ظ=البلا في موس والد لاعرض وابليس زمَّر
جعلها ياجعلها مني مـن المتن إتَّرظَّـم=للوطى لوقصَّرت كفي عن الطيب وتسمَّر
إن شربنا ماقربنا بير (نـوح) ولا (جِرَظَّـم)=غير نبع ٍمن ثلاث أعوام كفي له تِشمَّـر
جف واحيته اليدين الطاهرات اللي تعظَّـم=قدرها / يوم إدمعت لي عينها والقلب جمَّـر
حايره ماتدري إني من لظى الشوق آتكظَّم=أبعد شويه وقرِّب خطوتي واهمس تأمَّـر
طاهره وانا لها طاهر فلا جيت آتوضَّم ظ=لوتصير قْلوبنا في صفحة العشاق ضُمَّر
غير ياقوت المعاني واليمانـي ماتلظَّـم=أحبس أنفاس القصايد لو خيالي فيه ثمَّـر
سالفة عشَّاق ماهي بالخفا قامـت تنظَّـم=من على وضح النقا ماداست الرفه تنمَّـر

[نجم السمرين]

طفلة المرجوحه



وش على هم الصدور وضيقته وجروحه=ووش على ليل ٍسريته في مغبِّ جْراحه
نبتدي صفحه ونطوي صفحة مشروحه=والجروح اللِّي مـن أَوَّل باقيـه نيَّاحـه
وش خذيت وْوِش بقا ياطفلة المرجوحه=غير همٍ بالضلـوع وغيبتـك ورماحـه
كم وانا لي كم يانبض الغـلا ياروحـه=واعذب حروف الْقصيد بغصنكم صدَّاحه
الدُّموع اللَّي تخالط عبرتك مـع نوحـه=وين أَبا القى له دوا يادنيتي والرَّاحـه
ليتها بي / بس تعتق ناظرك مسموحـه=لو خذت من وسط عيني يالغلا مصباحه
فدوة ٍ لك هي وروحي لو غدت مذبوحه=بس أَشوفك في حياتك بعدهـا مرتاحـه
أذكر إني قلتها يوم الخفوق وسوحـه!!=مودعه بين / اليدين / الناعيه / الذبَّاحه
والا انا ماعاد تفرق جيتـك والروحـه=أقصد أنه قد تساوت جيتـه بْمرواحـه
أشربي فنجان وصله...لاعدمتي بوحـه=واحد ٍ من كثر حبـك بسمتـه نزَّاحـه
وافتحِي له باب قلبك يرتمي بصروحـه=وارسمي حلم السِّنين الموجعه وافراحه
بارك الله في سما البارح وبارق ضوحه=يوم طوَّح في مهب الملهمـه مسباحـه

[نجم السمرين]

أحلام السنين



ماتت أَحلام السِّنيـن وباقـي أَيَّامـه تشابـه=وآعذابي لاذكرتـه واستـدارت لـي هبوبـه
أَحبس الدَّمعه وهلِّـي وابتسـم لاقـال يابـه=أبتسم لـه واكتـم العبـره/ وردِّد ياغروبـه
ياغروب أَجمل تعابير الصِّغيرإليا حكـى بـهْ=تاهت أَقدامه وماتت بسمتـه بـأوَّل دروبـه
ماعرف معنى الغياب وجور وقت وجرح نابه=ولاذرف ليل الموادع دمعته ساعة سروا بـه
جيت له !!! ماجيته إلا جور وقته هو لفى به=محتسيه الواقع اللـي مكتسيـه الفقـد ثوبـه
أَجمع أَحزانه والملم بعثـرَة ذنـب ومصابـه=وارسم البسمه وهدهد عبرته لاجات صوبـه
لين نادى بالفراق وشال من روحـي ثوابـه=صار لي أَكبر ذنوبـي لاغفـر ربِّـي ذنوبـه
كنت أَحسب إِنَّ الشُّعور اللي تلبسني سرابـه=أَصدق أْحلامه !! وانا اللي أَرسِم بْزيفه عذوبه
مادريت إِنَّ الظلام اللي غشـى ليلـه نشابـه=ولادريت بْنِيِّتِينـه يـوم ماخـاف الْعقوبـه ؟
سوَّد اللَّه وجه ليله من حضوره لـي غيابـه=وبَيَّض اللَّه وجه ليلي كـل مابانـت عيوبـه
آه من بعض الحقايق وآه من جوفـي ومابـه=وآه من ليل المفارق كـل ماشبـت شبوبـه

[نجم السمرين]

حزم الظمأ



لابارك اللَّه باليِّدين الجِرَّد=القاصرات عْن اللِّقَا الهداده
يومن نعَّاق الرِّدى مافرَّد=للِّطير لفَّاحـه ولـه صيَّـاده
واللَّه يالولا مكرميـن المِرَّد=السَّابقات الظَّافره الوراده
السَّابحات الضَّامرات الفِرَّد=اللِّي مواريد النِّقا ميراده
إنِّي لورِّدها المِتـون العرَّد=يومَ الحِدا بالرَّاغيه وشـداده
مير إنَّها بعض السُّوالِف حـرَّد=وحشَّمةِ نباح العرب ٍلاسيـاده
واليوم ياَحزم الظُّما وان غـرَّد=فوقك مْجاذبت الهوا نشَّـاده
بالجامرات الصَّادرات الـورَّد=اللَّي على كبد الزِّمن لهَّـاده
قلَّه عهد في ذمِّتي لـو ثـرَّد=قلبِه تنهَّات الحنيـن وْبـاَده
ماعاد له لو كان كبر الخـرَّد=إلا بقايـا غيها وعنـاده
مع كلمتين ٍ بالضُّلوع الهـرَّد=تلبسْ على متن الوصال حداده

[نجم السمرين]

مقتطفات (1)



وين انت ياطير الخفوق اللي على عرشه تهاد=الله حسيبك كن مالك في سما قلـبي دْوجـه
ياخي اذا ماكان لك به من زمن شف وْمـراد=وش لك بنكث جْروحه اللي غافيه وسط أدرجه
يومين وجلاب السهر بالعين محرمني الرقـاد=مامر طيف الا وتـلَّ الـروح يمَّـك وفلجـه
شفني لفيت وحالفٍ لاغيب عن عين العبـاد=لوكمَّل الثالث مـن ايـام الغيـاب المزعجـه



.



تعال واتهجنـي يالقـاري الكايـف=من أول طعون حرف ال اخر الخامس
1...2...و3...واربعه...وْفـايـف=قلي هن الفجر والا ليلي الدامـس؟
ياما على شانهن كم لافنـي لايـف=كم طاولني وطالن صوتي الهامـس
بس اعترف لك وربك عالم وشايف=خمسة حروفك فلا يطمسهن الطامس



.



عتَّم الحالك وانـا بآخـر ثباتـي=وارتمى شوق المحاني وارتكالـه
عاتي ٍ جمر المحاني حيل عاتـي=من كواه الشوق يرتاح ؟ استحاله
ياحروف اللي خذاني عن مباتـي=اسهري عيني عسى عيني فداله
واكتبيني وانثري عطرك وباتـي=داخل الخافق وعيشي في دلالـه
من غرامك اوسمي قلبي وهاتـي=صاحبي برويـه لا حـد الثمالـه
أدري البارح معه لكن وصاتـي=وصِّليها كـان طـوِّل بانشغالـه
حسنه اللي كان هو سبة شتاتـي=جيت اباحكي له وضيَّعني جمالـه
يامحط العمـر يآخـر أمنياتـي=ياعمر من عمر وقته ماصفالـه
الألـم والا الأمـل وإلا سباتـي=علمينـي يابعـد جيلـك وآلـه



.



( غديت في حبك مثل سالم الزير=عقب المعزه يذبحونه عبيده )
طرقي خلا صارت حياة المغيبير=جلد الغنم عقب السياده رصيده
تلو عنان ام العيون المخادير=قدام عينه مثل تلَّت وريده
واقفت قهر بمكافخ ٍ له كما الطير=بالعين راحت شبه عنق الفريده
ماكنها الا روحتك والمقادير=ابكت عليك النايحه في جريده
قلتي نغيب بْخير قلنا على خير=ومات الوفا في قلب ساعي بريده



.



صباحي ماهو بأية صبـاح اليـوم ياسلطـان=غفيت البارحه لكن غفى طرفي على الفاضي
تقلبني الهجوس ويصطفق همي متى مابـان=حنيني يم ذاك اللي خذا الحاضر مع الماضـي
أضيع بغيبته واحيا معه والمـوت لا حيَّـان=تخالف بي وقوفي ليت مابيَّن علـى ألفاظـي
احبه لا وابا احبه وقدره لـو رحـل ماهـان=اغني له متى غنى واغض الطرف متغاضـي
احبه لا وابا احبه ولو ساق العتـب سيَّـان=كفاني لين اشوف ان الغرام بْ داخله يآضي
احبه لا وابا احبـه واذا ماشفـت قلبـه لان=هذاك الوقت اقول اني تعبت بْ سبة اعراضي



.



يوم إِنبلج صدق الشعور وحكالـي=وارخى علىَّ إ/من التَّناهيت سيُّـور
قامت تلاعج وارزمت واعتلـى لـي=مزن الخيال ووابل الفكـر بسطـور
أَركيتها صدر الوفـا وارتكالـي=مَدَّات كف ٍ واقفه وسـط حنجـور
من ضامري لاساعد اللَّـه خيالي=يوم إرتمى حبر القلم وانبت البـور
آرد على الجزله واكـبُّ الهزالي=وآهيل من نبع الوفا وابدي شعـور
مبطي وِجوَّ الملعبـه شـف بالـي=نارد نقا يوم العمر عشر وشهـور
واليوم انا والعمـر واللِّـي بقالـي=فدوة عيونه لو بقا داخـل الـزُّور
همساته البيض النقيه بْ حالـي=دستور لكن يالظى الشوق دستور



.



فاقت تواصِيف الغلا ماادري غلاها فاقـه=ماأدري المهم أنِّي معاها حايِر ٍ لـي مـدَّهْ
متغطرسه بنْت الحلال وعيبَهـا / سراقَـه=تسرِي بقلب الآدمي خلسه وتنهب ودَّهْ
لكنَّ أَنا / واقول أَنا / واقول أَنا / من ساقه=تشرِف على ضلع الهوَا / ترقا تبيِّح سـدَّهْ
ماتدرِي إِنِّي من زمن ميّت ولَـه لعناقـه!!=يوم الخفوق بداخلي يكفخ لَهـا / وآرِدَّه



.



صباح البـوح يابحـر الغـلا ياجـزره ومـدَّه=صباح البسمة اللي فارقت من دمعـة الغِيَّـاب
أناظر دمعة عيونـه وامـدَّ الشـوق وآشـده=أتمتم له وانا منـه شبيـه الواثـق المرتـاب
سقانـي ليـن مانبـت الحنايـا المجدبـه ردَّه=بعد مامات من فاس الليالي فـي يـد الحطـاب
أمانه ياحمـام الشـوق إ/خـذ مكتوبـي وْوَدَّ=وقله ياعسى عمـري فـدا دمعاتـه السِّيَّـاب
يفوح الشوق بانفاس الغـرام ويرتـوي خـده=من دموع الحنين ويختلط مع كحلتـه منسـاب



.



أحسن المولى عزى قلبك بصـدِّي=وعظُّم الله أجر قلبي فـي غيابـك
بادفنك واكفن احساسـي وهـدَّي=قلب حبك من ردى الحظ انتهى بك
امسحيني واقفلـي صفحات ودَّي=من على موطن وجودك ل ِاغترابك
واذكريني يوم انا بيِّحـت سـدِّي=والسؤال اللي يبي يسمع جوابك
وسط حسرات الامل قومي وعدِّي=كم حسره حوَّلت بي من جنابـك؟
إفتحي صفحة كتابـك واستـردِّي=ضحكتك في كل عابر عنـد بابـك
كنـت أعديهـا وعيَّت لاتعـدِّي=يوم خابت هقوتي هي والرجا بـك
باكتبك كان ارتوى بالدمع خدِّي=في سرابٍ لاح كنت اطرد سرى بك



.



مدام صار الحس بحساب الاموات=وشوله اشعل شمع قلبـي واشبَّـه
وانا واكررها معك بـس بالـذات=أبطيت أسوق الروح لاجلك محبَّـه
برَّكت لعيونك شموخـي ولاجـات=منك ولـو كملـة عشـان آتنبَّـه
اني بقلبك يابعد قلـب مـن مـات=في داخله بسمـات عمـره وكبَّـه
في صفحة أيام المواجـع تنهَّـات=من يوم شافك نبض روحه وطبَّـه
تعال شف حاله اذا مالفضـا بـات=يسهر عليك وْمِنْك من دون سبَّـه
يكتب لطيفك كـل ماحـوَّل ابيـات=ياعود ريحان ٍ بروحي مهبَّـه !!
كم لي معك واقول ياصاحبي هات!!=همك وخذ قلبي على ايديك ربَّـه!!



.



ياريح العود يانفح الزهر لاطالـت الخطـوه=يموت الشوق لو طير الحنين بْ خافقي شادي
تعال ادفع بخطوات الهيـام وضيقتـك اطـوه=عشان تشوف وش يعني بعينك ثالث اعيادي



.



نهيت القلـب ياخالـد وعيَّـا=وهي كوني وهي فيِّي وظِّلـي
توادعنـا وشوفـه ماتهـيَّـا=ماغير الشوق او ليت وْلعلَّـي
اذا ماطاحـت اشواقـي هنيَّـا=تمر تْشوف انا وشلون كلِّـي
من الفرقا ومن نـار الجفيـا=اناديها واذب الصـوت ياللـي
خذيت القلب شف روحي بليِّـا=على رغم ابتعـادك والتغلـي
تغني لـك واذا ماجيـت حيَّـا=وفاء هالقلب ياجعلـه يولَّـي
ترى لوقلت انا لـك ماعليـا=حروف الوجد في بعدك دواً لي
انـا يعنـي كـذا والا كذيَّـا=اسوق العمر لاجلك / بس قلي
مدام القلب مـن حبـك تريَّـا=ياكيف انساك ياروحي ومن لي
وانا تدري مع اشواقي سويَّـا=تغيب تعود ماغبت ومحلِّـي
سنام الجدي ومتون الثريَّا=وجور البعد يبطي دون ذلِّـي



.



بيض الله وجه من ساق الشِّعر واشرف به=وبيِّض اللَّه وجه ليلي وان بدى في ريَّـه
كم طوى كفي صحاصيح الشعر واهرف به=واللَّه إنـي كنـت أَخَبْـرَه وآلـم العانيَّـه
مار واللَّه ياالسبيعي هالزِّمـان أَنكـف بـه=والصَّحايِف كلَّها مـن خاطـري مطويَّـه



.



قلَّ للزمن لو عظ ضرسه ونابـه=والليل طال وحرَّم اللَّـه رقـودي
حتَّي ولو سيف المنايا تشابه!!!=والوقت ماغنى على كيف(مودي)
حنَّا على البِيدا سراحيـن غابـه=نسري معشِّين الأسد والفهودي
حنَّا كـذا ماغيـر حنَّـا ولابـه=غير التِّمجد في فعول الجـدودي
قل لَلشِّيوخ أَهلين حضرت جنابه=القدس ليه القدس بِيدَ اليهودي؟
واسلامنا وامالنـا وش جرابـه=لاوا وجودي بس لاوا وجـودي
اللَّه من همَّ الصُّـدور ومصابـه=قَامت تساعر من خزاها الكبودي



.



نادوا لي الغايب له أيام مفقود=أبيه في ركنـي يجينـي هنيَّـا
هذاك لوهو غاب بالقلب موجود=أسوق له عمري على ماتهيَّـا
لو كان لا قايد ولامرهي قيـود=نادوه لايبطي واذا كـان عيَّـا
خلوه يترك خافقي يطرد النـود=بملاعبة نجم الجـدي والثريـا



.



حي طير ٍ مآخذ ٍ من كف أبـوه الهـده=طيب جد وجود يـد وهـدة ٍ مخبـوره
ياسعود الشعر والله عايفه مـن مـده=بس ياحي القصيد اللي تجي بسطـوره
حظها كل القصايد والشعـر مـن قـده=لو يقَِلَّد في حروفك يالشبل فـي زوره
من يلومه بس قلي لـو يبيـح بْسـده=أو نطق باسمك وفاح العود من حنجوره
انت ابوه وانت خاله وانت اخوه وجده=وانت ميزان المعاني لا اختلف دستوره
ويش اقول وويش اخلي يالشبل واعده=وانت بك روح البيوت الموقفات ونوره
بك يباهي يفتخر ياقـف ويرفـع يـده=من على صدر المغني والقصيد وطوره



.



سلامي على وارد سما القلب والنزِّال=تركته قبل يومين وانقطعت أحوالـه
تركته قبل يومين مدري يجوز إهمال=عساه إ/تِدارك مابقا سبـة إهمالـه
عزاي بْغيابه لو غيابه يسم الحـال=متى غاب عن عيني تحسست منزاله
احبه وابا احبه وله بالخفوق اجـلال=الا ليت طاولني التعب بس ماطالـه
أحِبه وابا احبه ولو حال دونه حـال=فلا برت في وصله ولا بار بوصالـه
أجاذب سنا حبه وغني على الاطْلالْ=وياكم شلت موالي على دمع موالـه
فلاني بعايل لا ولاني قصير أحبـال=ترفعتِ عن عمَّ الرديه وعـن خالـه
كميت العلوم وقلت ياتي لهـا حـلال=بعد طالت القاله وسط سـوق دلالـه
عسى من يخون العهد للهم والسلال=يصبح على همه ويمسـي بسلالـه



.



وش العلم ياللي لاعبن في حشاه الداب=عرفنا عروق الارض وانْعَرفْ ضلعانه
وطينا لاجل عينك وعين الغرام ارقاب=تسوق التعب واقول شف قدرك وعانه
على الهون كنه مالبسك الهوا جلبـاب=تهادى وعلمني وش أخبار سكانـه ؟
خفوق ٍ ذبل ورده وغنى له السِيِّـاب=عسى ماطواه الوقت من غابت امزانه
دنا الليل والا مادنا يسلم اللـي غـاب=عيون ٍ جزاها النوم للنـوم شفقانـه



.



الاياسحابه وين طيري عسى شفتيـه=من سْنين ذبَّاحـه وذلحيـن مقتولـه
ذبحني عليه الوجـد يالعنبـو طاريـه=يرقِّص نجـوم الليـل لافـل مجدولـه
يرحِّب واضيع ان قال ياعزوتي لبيـه=واموت بْ تغنَّاجه وجمراتـه وْ لولـه
عليه الخفوق ان دن ذكره عوا عاويه=أحنه حنين اللي خـذوا مِنْـهِ مخلولـه
عسى من حفظ يوسف ورده على باكيه=يِحَفْظَه من صروف الزمن لاتجي حوله



.



آه من بعض الهجوس اللي تْدرِّج لافيه=والطواري محتبسها داخلي ومطيِّـره
دون جلاب الرديه والهروج الهافيـه=يوم اشوفه قام يشعب من رداه بْعَيِّره
ياصقر ماينفع الطايح كتوف المافيـه=قربوه ووهموه بْكـم شيـك يْسيِّـره
آتجلد واطوي حْبال اليديـن الوافيـه=حشمة لك لاتجي بين الهدف ومعيَّـره
يالله إني في ذرا كفك وهي لي كافيـه=كان ثارت واستدارت ياحليـم تْحيِّـره



.



يسعد اللَّه صباح الملهمه لو تكـون=وسط عرش المحاني ماانثنى لي جلد
كنت اظن الهقاوي فوق كلمة تهون=لين عيني على الميراد قَامـت تلـد
أشهد إنِّي كفرت بمخلفات الظُّنـون=دام قولت تصبَّر غير خـوذي ولـد
كيف بصبر ودمعك مستبيح العيون=وكيف عينك تنام وكيف عيني بعـد
كيف وانتي لعيني يانظرها سكـون=وكل دمعه تْطيح إ/يطيح دونه بلـد



.



يهيم الصبح ويحير الكلام اللي يبـي تفسيـر=بعد ذاك السؤال اللي يشب الهم وش باقي ؟
ياطيبك تهدي الضيقه وتسألني تبـي تبريـر=تقفي عاقد ٍ سحرك وتقبل كنـك الراقـي
صباح الخير وان غرَّد على ذيك السواقي طير=صباحه والظمأ والجوع يلاعب غفلة الساقي
مدامك ملهمي يسعد صباح الصد والتقصير=صباح البعد وان حرَّك حنين اعماقك اعماقي
صباح ٍ تزهر اوراقه على غصن العتب نوِّيـر=يبللها (ندى) همس القلوب وطيفـك الباقـي
تمر بخير هالضيقه من الخاطـر تمـر بْخيـر=تغيب الشمس ويغيب الحنين وتسكن اوراقي



.



سحاب صيف ومعترض براقهن بطن السما=والناس بين مهلِّلين وبين مـن يرجـي نمـو
مترادمه كن البرد يوم ارزمت فوق الجمـا=بشاير اللي من ثمان سنين عن ربعـه دمـو
تحيزموا واركوا وهدهم في ركايبهم ظمـا=ماعاد تفرق صاحب المحدود من صاحب سمو



.



لاتنحني للورد يااحلى مـن الـورد=أموت لو لآمس شذا أطراف كمـك
أخاف يلعب لعبـة الكـف بالنـرد=لامالت غصونـك تمايـل وضمـك
يميل لآمالت على سحـره الغـرد=متحايل(ن) بعثـر خفوقـك ولمـك
لاتلتفت وإلا النحل لابغى يـرد=يجني شهد ثغـرك وعنـاب فمـك
لآصدرت طرد المناحل سرى طـرد=حاير يضيع الـورد لآجـا يلمـك
عليك من ربي وصوف المها الشرد=إن دللت تلعب علـى خـف دمـك



.



المشكله ماهي ترا كيـف ابالقـاك=أقدر أجيك آبعثرك وارجع أجمَعْـكْ
المشكله لاجيت أبا احاول انسـاك=أسج مع طيفك وناجيـه واتبَعْـكْ
قلب ٍ حيابك وارتوى مِنْك وارواك=وشلون قلِّي بس من وسطه انزَعْكْ
آصـد عَنَّـك وآتذكـرك وظمـاك=واعود مادلَّـت يمينـي بمنبَعْـكْ
ايـوالله آحبـك ولاودَّي إرضـاك=يكفي عليَّ آضيق وتهـل مدمَعْـكْ
هذا مكانك في ضلوعـي ومفـلاك=وغيرك يمين الله ماهم بااصبَعْـكْ
وداعة الله طالبـك مثـل ماجـاك=لوغبت عن عينك تلحفني أضلَعْكْ



.



سهمين ياتركي عسى الثالث يْ حير=أشبر بكفـك وانت تعـرف مقاسه
من تابع السيره فلا احتاج تفسـير=ماباقي الا وسط سـوق النخاسه
يردون له جـلاب وِرْد ومصـادير=من قالـوا ان الدين يحـرم مسـاسه
ياينهـض النايم مـن النوم ونْغــير=والاقطعـنا الشـور من دون راسه



.



ياشعر لاجل عيونها طالبك فوق=ابيك في قلب الحبيبـه تسـوَّق
غديك تلقى لي وسط قلبها شوق=أسقيه للخافق عسـاه يْتـروَّق
ان طاوعت والا لو تبوقها بوق=أسرع لها بس انتبـه لاتعـوَّق
باسبابها قلبي له ايام مفتوق=يالعنبو حب ٍ على القلب طـوَّق



.



لي وله مني عهد والله شاهد=من سكن في ناظري وشلون أخونه
من مواثيق الغلا قبل انتعاهد=بان في همسه وفي عبرة شجونه
عن تباريح الهوا رادع وزاهد=غير حبه جعل تسلم لي عيونه



.



لمِّني لك عن شتات الوقت لحظه=ياربيع العمر من قبل انقراضه
واسكن الخفَّاق في طوله وعرضه=عن هذاك اللي فلا قدر بياضه
اطلق احساس الغلا لو بس ومضه=عل حس ٍ مات يرجع من حياضه



.



لو جيت اسامح رد قلبي امتهانك=وانا اموت ولارضيت امتهانـه
قلب ٍ حفظ قدرك وحبك وصانك=الين جازيـت الوفـا بالخيانـه
لاتسأل جروح الزمن عن مكانك=تعال شف قدرك بقلبـي وعانـه
صحيح احبك واعشقك بس كانك=تظـن طعناتـك لقلبـي ميانـه
الله يعز الوقـت ويعـز شانـك=علمتني كيف اطعنك للامانه !!



.



أحيان يكتبنا الحزن واحيان نكتب من حـزن=من لاوطى جمرالمفارق ماعرف حجم الطعون
الاوله حزن الوفا اللي ماعتـق كفـي زمـن=يكتب على ذيك الليالي من عبير الزيزفـون
والثانيه حزن الوداع اللـي تلبسنـي كفـن=من يوم ضاعت هقوة الهاقي وخيَّبت الظنون



.



يهمك تعرفي وينه مكانك؟=تعالي واسمعي من دون وينه
يمين الله لولا عظم شانك=بقلبي مثل ماانتي تخبرينه
تركت الشعر لكني عشانك=عشقته ياشذاه وياسمينه



.



ألف /لام /وْهاء/ نون /وواو /والفاء إرتكـاءه=منها ثلاثه هي تركَّت وسط جوفي مـن هنيَّـا
النُّون يانور العيـون وواوها وآخره فَـاءه=طفله خذت نبض الشُّعور وداخل أَعماقي تفيَّـا
ولو سألتيني لما ؟ ياشاعـرة خطِّ استِـواءه=هزِّيت كتفي لك وانا ادري وش سبب سكناه فيَّا
إيواللَّه أنقى من بياض الكون من ألفه لياءه=واعف من روح العفاف اللِّي رقا مرقا الثِّريَّـا



.



الضيقه اللي ماعرفنا لهـا اسيـاج=منها عروقي يابـو رامـي تفتَّـل
حاولت اخبيها معي وسـط الادراج=في وسط روحي لين صارت تكتَّـل
من ضيقة البارح مع الشوق لا راج=اخفيتها مار ابيـض القلـب رتَّـل
من حبها مالـي لـك الله مخـراج=وحروفها في وسط قلبـي تختَّـل



.



امممم مدري وش بغى الخاطر يقوله=بس اذا ممكن بوشوش لك بحاجه
اسمعيهـا زيـن منـي ياالخجولـه=يانقـا الالمـاس ياعقـده وتاجـه
الحشيم اللي عشق بنـت الحمولـه=وشافها في عتمة الواقـع سراجـه
هو يلام ان راح يشعب له ذلولـه!!=حامل روحه وقلبه مـع مزاجـه !!



.



ياخالد ابن حسين وش يبرد الجـاش=ومن فوق راسي كم هوجاس مفلوت
حي ٍ صلب روحي مثل صلبت ارشاش=قربه يرد الـروح ويقـرب المـوت
ماهو من الديباج والقطـن والشـاش=لاوالله الا مـن ثلـج تقـل منحـوت
بين الخدود الطاهره غرفـة انعـاش=ومن هامته لااقدامه المـوت مكتـوت



.



تقول العرب نسل الكحيله يجيب حصان=وانا من زمن كفي من العُرْبْ مغسولـه
زمان وغدى فيه الرويبض حكيم لسـان=يصلي الضحى والليل يرقص على طبوله
توهم يحَسْب انه خذى الوزن والـوزَّان=عقيم ..وْ وضيع..الفكر وايديه مشلوله
توهم ولا يدري عن العرش والسلطـان=بكف الذي...هو تاج...عبده...ومرسوله
صبرنا زمن من شان من له بعيني شان=حملنا ثقيل الحمـل والوقـت وحمولـه
ذبحنا على شانه بجوف الحكي شيطـان=من العام وافواه الحكي طيـب مقفولـه
عن الموقف اللي جر بعده ثلاث اكفان=دنى منهـا الاول بعـد بانـت فعولـه



.



ياصاحبي والوفا مع نبض روحي شريك=وسـط الليـال النقيـه يـوم مابعتهـا
حتى لو اني لموتي من غلاها وشيك=فارقتها وبْ ادب والنفـس قنعتهـا
يانفس هلِّي دموعك بس يحرم عليك=انك تجين الكرامـه كـان طالعتهـا
اللي خذتني من الدنيا بقولت ابيـك=طاوعتها صح بس اليوم طوَّعتهـا
لن الكرامه وعز النفس للروح شيك=يضيع دمعي ولافي يـوم ضيعتهـا
تستاهل الحب ياللي من عرفتك وفيـك=روح ٍ تقيِّه لـراس الغيـر مااركعتهـا



.



لاتسال اشواقي وتنشد لادمـت ليـه ولمـا=وانا وصافي همسها ليمن حكت طب وعلاج
أظما لها واظما لها واظما لها حـد الظمـا=لو قلت انا ماعاد لي في وصلها اي احتياج
لاوالله الا ذايـق ٍ همـي بَعَـدْهَـا كلـمـا=دارت بي الذكرى لصافي عشقها قبل الهماج
تسقي شجوني لاظمت وارقى بها حد السما=ياوين ابا القى عن مكامن حبهَّا قلِّي خـراج
ياجعل عين الشر لو تقرب حماهـا للعمـا=وابسط ظروف الوقت ماتنزع لبسمتها مزاج



.



(إحترامك لـلأوادم يعنـي إنـك محتـرم=وإنتقاصك للأوادم يعني ناقصك إحتـرام)
واحد ٍ يجهل بْطن الارض ويـروم الهـرم=لوتغنى بالنعايم / ماوصـل طهـر الغمـام
كنه اللي قام يلظم خيط مـع خيـط وبـرم=عقدتين مْن الرثيلا من على باب السـلام
مافرق طير الهويدي دون طيرك يالحـرم=لو تهـادى مايصـاد ولايسـاد ولايسـام
كرمـه ربـي وحطـه فـوق فالقمـه أرم=ماخذت مِنْه الهبوب اللي خذت روس النعام



.



يامصعر خدك لْصفق الهبـوب=ياذكي كم قلتها لك حس حـس
لاتذم الشمس وتعيب الغـروب=ولاتنادي بالنقا وانت الأخـس
(الذكاء لو يلِّبس لك لبس ثوب)=كان تدري الحبل ماهو لك يمس
ياذكي ماادري متى ودك تتوب=وكل لعبه بعدهـا ينقـال بـس
إلزم العزله وكفـن يالرحـوب=بهرجة صدرك وعضها بالفلس
مانفع حذف الحجاوي بالدروب=حاضرٍ لبَّس غبا الماضي دنس
هب ياذيك المظاهر والجـروب=خاويه لو ظاهر الهـده نفـس
من خذا عن ساتر عْيوبه ذنوب=طاح في كف الرديه وانتكـس



.



وش يحجب القلب لاصار الهوا طارق=واشواق قلبي تبا تلعب على طرقـه
اسمع إ/بحر الهوا كم راح به غارق=واقول ياصاحبه لاهنت وش فرقـه؟
إلين مامرني مـع رمحـه الـزارق=واشوف روحي غدت بأقصاه مغترقه
نور ٍ وسحر النقا في مقدمه شـارق=أرْقِب بْرجم الهـوا وآخايـل بْرقـه
غديت عنده أنا المحتـال والسـارق=ماكني اللي وقع في مكـره وسرقـه
نهَّاب قلب وْيَمـد إ/خطـاه ويفـارق=وانا علـى نيِّتـي والكبـد محترقـه



.



غالي وهو يدري علي حيل غالي=أشفق عليه أحيان لكني أحيـان
أكره حروف أسمه متى ماطرالي=إني عطيته قلب ياخالد وخان
يبكي من الفرقا ويبكي وصالـي=لكن غناة النفس ماهي بالاثمان



.



النور نورك والبقـا فـي نـوَّك=والروض روضي والحلوم أَحلامي
يعني إذا مـالاح بـارق ضـوَّكْ=فكيت لك صدر الحروف إلزامـي
ماجيت جيَّت من ضميره حـوَّك=بسماته اللِّي ماحضـت بِيْهامـي
لوهو عرف جو الحروف وْجوِّك=يمديه يفهم وين رمـي الرامـي
هو شاف حلم وجا بعلـم ولـوَّك=وطاحت من الخافق لراس بْهامي
كلمه وجيت آقولهـا لـو شـوَّك=قلب ٍ يدوِّج فـي هيامـه ظامـي
لو نختلـف !! لامَفْترقنـا لـوِّك=في غفوتك قلت لعيونـي نامـي
البارحه نشكـي الفـراق وتـوِّك=من همستك طاح الحطب قدامـي

[نجم السمرين]

قالوا عرب !! قلت العرب مع مواليـه=بعروقهـم عشـق المـذلـه تنـامـا
قالوا عرب !! قلت العرب وش مساعيه=تعقـد جميـع آمالهـا فـي اوبـامـا
اكبـر فزايعهـم دمـوع ومشـاريـه=وكفوفـهـم دون اليتـامـا يـتـامـا
من حيلـة العاجـز وضيعـة مباديـه=يـوم النوايـب مـن علينـا تهـامـا
اللي عمى واللي ثرى المـال عاميـه=واللي لاجـل عـرش المذلـه تعامـا
حنا عرب يوم العـرب ماشكـت ليـه=قطف المنيـه مثـل قطـف الخزامـا
حنـا عـرب يـوم العـرب يامناديـه=امواجهـم عنـد الكـرامـه تطـامـا
ياشام هاتي صـدر الامجـاد وافريـه=بارواحنـا جمـر الغبيـنـه تـرامـا
من صوتك الطاهـر وعبـرة محانيـه=ومن دمعك اللـي فـي عربنـا تحامـا
لابــارك الله بالعـروبـه وطـاريـه=والعـار ببطون الحرايـر تـزامـا
ياشـام والله مالنـا عــذر نبـديـه=ووالله مانهـنـى بــزاد ٍ ولامـــا
الا يـرد الــدم لـعـروق راعـيـه=اللـي علـى كـف العروبـه تـدامـا

[نجم السمرين]

الذنب واحد


صاحوا على درعا ونادوا لحطين=وسيف الكرامه مالقى من يسلَـه
هذي سنه والـدم بارقابنـا ديـن=وبين المحاني جمر نـار المذلَـه
نصبح على دم اليتاما المساكيـن=نمسي قهـر وكبودنـا مستعلَـه
متخاذلين ورضعونا مـن سنيـن=إن الدعا يغسل لك الذنـب كلـه
الين ماصرنا سـوات المرابيـن=بعنا ولانشعر مـع الوقـت ملَـه
حتى ولاندري عن المقبله ويـن=والعالـم الله ويـن باكـر محلَـه
منهو بكى للشام يبكـي فلسطيـن=والرافدين اللي غـدت مستحلَـه
الذنب واحد ياعروش السلاطيـن=وصمة خزي صارت بالارواح علَه
وصمة خزي ماتنمحي لو بعد حين=ولاظنتي يبرد مـع الوقـت غلَـه
الا بوسط القدس نلفـي مصليـن=بالمسجد الاقصى على ريح زلَـه
ذقنا ورى صبر السنين الأمريـن=وارواحنا تشرب من الصمت ذلَـه
مافاد بـه باكـر ولافـاد بعديـن=أو فاد به يمكن و ليـت و لعلَـه
عن دمنا تاقف رمـاح المعاديـن=واللي رسم درب العرب في سجلَه
خلَّـى كرامتنـا لحقـده نياشيـن=من عقب ماحنا مع المجـد ظلَـه

[رداد الروقي]

شاعر جزل...بيض الله وجهك

[نجم السمرين]

رداد الروقي

ياهلا والف يامرحبابك

وافي لاهنت وبيض الله وجهك

[نجم السمرين]

http://www.x88x.com/uploads/13586102221.jpg (http://www.x88x.com/)
الجـــوف


طاب ليلي طاب والمسرى طويـل=ياقصيدي لازهمتك لي تعال
حاشمك حشمة رفيقي والخليـل=عاشق ٍ شم البيوت عْن الهيال
مانبي منـك سـوى رد الجميـل=اترك الهزله وهات مـن الجزال
كل بيت ٍ مايجـي قدحـة فتيـل=من بنات الفكر والعذب الزلال
عل مالـه لامحـط ولا مقيـل=قبل اغني به على عين الرجـال
شاقني بدع المثايل يـوم آخيـل=بارق ٍ مزنه على الجوبه خْيال
فوق داري دار مروين الصقيـل=دم وجهي جوف ذربين الخصـال
مكرمين الضيف مزبان الدخيـل=مشبعين السيف واقواس النبال
شاذبين الموت في روح القبيـل=يومهـا بيـن المداحـم والنـزال
لين ياجوف السعد صرتي دليل=للكرم والجود والسحر الحلال
ماربا بك من فضل ربي بخيل=والردي في داخلك ذيب العيال
كرمك ربي ولالك من مثيل=يوم خصك من نعيمه ذو الجلال
بشجْرِتِينٍ مكرماتٍ لك حصيل=شَجْرِة الزيتون هي وام الظلال
ادري اني ماذكرت الا القليل=وادري انك فوق ماقيل ويقال
لو يطولن القصايد فيك حِيْل=والجزال النِّدر بْوصفـك هـزال
بالمفيد المختصر هاك الحصيل=والغلا ماشاور قلوب الرجال
والله انك غيـر والمقصـد نبيـل=شاربن حبك اليا حـد الثمـال
آقف وراسي على ذكرك يخيل=للثريا والجدي لاجاء مجال
دَارِي ومالي ورى مدحك سبيل=وافي ٍ لك مامدحتك لاجل مال
علميني بـس يـاام النخيـل=وجاوبينـي لاسمعتـي هالسـؤال
من ربا في داخلك والانزيل!!=وطالت الخطوه ودربه عنْك طال!!
ثم طريتي له بعد وقت الرحيـل!!=والنسيم يهب صوبه من شمال!!
علميني ليه يالظل الضليل!!=ليه حتى لاذِكَرْك الدمع سال!!

[نجم السمرين]

لحن الغروب



اه ياسلطان من طول الدروب=واه من شوقي ومن ضيق ا/نْسمي
لاطرت لي دمعة الريم اللعوب=ضعت من راسي اليا حد ا/قْدمي
روَّحت شمس احتمالي للغروب=وابتدى فجر الحنين بْ عالمي
كيف لي عن حبها كيف الهروب=وعن غلاها وين اروح واحتمي
جيتها غالب وعوَّدت ا/مْغلوب=وكل عرقٍ من عروقي له ظِمي
طفله وَّسط الحنايا بي تجوب=كنها تسري معي مسرى دمي
جعل قلبي لو يبي عنها يتـوب=كل علَّه في عروقه ترتمي
وجعل عيني لو تهيم بكل صوب=ياعساها لو سلت عنها ا/تْعمي
ماوجد بالكون عنها من ينوب=من شبيه ومن وصيف ومن سمي
قلتها عل القصايد للهبوب=بعدها يحرم علي بوح ا/قْلمي

[نجم السمرين]

ماكسبنا غير صـافين القلوب=هم بعيني تاج راس ومحزمي
ولافقدنا غير خاوين الجروب=رفقةٍ ماهي بتجهل معلمي
عشقهم بين المخازي والذنوب=عنُّهم قلت ال بيوتي إحلمي
البيوت اللي مواريد الخبوب=صنت عنها كفي وصاين فمي
لو جلاليبه قروبٍ مع قروب=راكزٍ من فوقهم راس ا/عْلمي
مانشدنا عن مجاذبت الذروب=ولابلقياهم ابد سقت ا/نْدمي
القصيد احساس ماهو لبس ثوب=والـصدور اليا خلت منه عِمي
وهبة الرحمن علام الغيوب=ماهنى به من يشوف انه رمي

[نجم السمرين]

(انا ندِّك إذا ابوي شايم)
للشاعر اسامه نجم السمرين:)

حي البيوت اللي من الروح تقتات=اللي اليا طاحت خذت كل سايم
صحيح عمري سبع لكن ليا جات=لي حزة الهده تجهمت حايم
اشهر ولي يمنى ويسرى جريات=من دون ابوي ودون ربعي كعايم
شاعر ولي فزعه وجزعه ومدَّات=يفخر بها ناسٍ بعيني غنايم
اهل القلوب الصافيات النظيفات=الطاهرات الوافيات العظايم
اللي لهم في هامة الطيب هامات=فوق الجدي ماوكروا بالقصايم
والا انت ياخاين رفيقك سلامات=جيتك وانا ندِّك إذا ابوي شايم
مترفعٍ عنك وانا الدين مامات=ملزوم اسده في بنوك الظلايم
ساعة رماك ابليس وابديت مافات=نوبٍ تحد الصوت واحيان لايم
جيتك وعندي لك عن ابياتك ابيات=مصقورة ٍ ماقرنسوها الهلايم
تَضْرم على كبدك وكم قبلك اصوات=تبي المجره وامرحت بالخرايم
لو ينطبخ راسك حماقات هيهات=ماطاح من راسك نرده ضرايم
تزرع من الفتنه ولك عشر نيَّات=ابيضهن اللي مثل سود العمايم
حاولت أدوِّر لك عذر انت بالذات=ولا لقيت الا الردى فيك زايم
الاوله كنك بروس الطويلات=تصرف ولكن مالصرفك دعايم
غير الهزال الناشفات الرديات=اللي عليهن من رداهن علايم
والثانيه كسب وغنايم وغارات=وفعل ومواقف بالسنين القدايم
وامجادنا وامجاد ربعك قبل تات=فوق الثريا والجدي والنعايم
عدوهم يحسب من حساب الاموات=وقصيرهم من دونه الضيم نايم
والثالثه عذرك حقوق وجمالات=وانا ادري انك والجمايل خصايم
ارخصت قدرك والرجل حي موَّات=لابان حقده راح قدره حطايم
هات الذي في جعبتك طالبك هات=واشره علي اللي مايسد القسايم



حسابي على التويتر متابعتكم فخر

https://twitter.com/alnagem2009

[نجم السمرين]

http://im41.gulfup.com/PO3oN.jpg (http://www.gulfup.com/?vGNzQ1)