اللي وده يلعب طاروق يسجل حضوره الان

[فهد الحصيني]

السلام عليكم ورحمة الله

[منبر اعلامي]

السلام عليكم ورحمة الله وبركاته

بدون قلطه عليكم اطلب منكم الإذن


ياسلام الله على اهل الوفا وهل الوجوب

الرجال اللي وفا للعرب مكيالها

يالعتيبي لو تصلي لغفار الذنوب

خبر من ضلعان صلا ومن مسيالها

[فهد الحصيني]

حياك الله واذنك معك يالقرم


مرحبا وأنا عن أهل الوفا حاضر وانوب=والرجال أهل الكرم ماجهلنا أفعالها

تشتهر بالذكر ضلعان صلا والجنوب=ويشهد الها رجل كلامته دوبه قالها

[فهد الحصيني]

الليل يالقرم

[منبر اعلامي]

امس كان الشيخ في مجلسه ناره شبوب =كيف عود صاحب البشكه أودلالها

يوم جاب الطيبه سار في ربعه كذوب=مير اضنه حض بقعا وحض اعيالها[/align]

[فهد الحصيني]

لاتزل النار في مجلسه وهو محبوب=والمشاكل عارف ن عمها من خالها

ومن يجيب الطيبه فعل يمناه (ا)محسوب=ونال فعل الخير راع المكارم نالها

[منبر اعلامي]

يالعتيبي مالك أومال عسرات الدروب=كل عقده يالعتيبي يجي حلالها
لاتجي مزبن ولاينذري فيها حبوب=البقا فالحله اللي تدور إدلالها

[فهد الحصيني]

انت رديت والا بعد

[فهد الحصيني]

ماعلينا عسر كنا نسقي بالغروب=قبل لا الدنيا تغير بدنيا ابدالها

ولاتزال أنحبها والها حب ن القلوب=لأهلها طابت وهي طيب ن منزالها

[عثمان الثبيتي]

صحت السنتكم

[فهد الحصيني]

صح بدنك وقلبك يا عثمان الثبيتي

[ربيع الرشيدي]

صحة الالسن والقلوب

[منبر اعلامي]

انت تبغا الشاه مضرع وتبغاها حلوب=ما تخاف الله تشرب حليب إطفالها
طيع شوري ونتبه للمفلي والركوب=والرجوله راعي المحقره مانالها

[فهد الحصيني]

نالها سرت يالقرم

[منبر اعلامي]

يالحصيني انت رفيقي وبن عمي ولا ودي يطول البيت

انا هذه اول محاوله لي وناى لست بشاعر لاكني متذوق للشعر اما انت فلاشك انك شاعر متمكن

ونا جازفت معك على قول المثل حسبنا السيل ينقطع لقيناه سيل الوادي الفحل

[منبر اعلامي]

الختام ابي اتركه عندك الليل سرى

[ماجد العصيمي]

الله الله



لاهنتوا

[فهد الحصيني]

خوفي الله يعلمه وهو علام الغيوب=وانت وش كبرك غير النعاج (ا) وفالها

ماجهلنا في كلام الحقيقه والشعوب =والقيامه قربت وانتظر دجالها

[فهد الحصيني]

مع السلامه ياولد عمي وفرصه سعيده يوم قابلتك وتصبح على خير