دمـعـة قـهــر !!

[منصور نايف الرويلي]

رشفة وهم . فحة ظمأ . نفحة هيام=أحساس مدري بالشعر كيـف أقولـه
الله وكيلـك أمتـلأ صــدري الالآم=من موتي الـ..آخر سنيـن الطفولـه
دمعه أمل جفت على أرض الاوهـام=جفت قبـل كـف الثـرى لا تطولـه
دمعة ندم وآقفت على رمش الاحـلام=صمله شجاعه بخوف نفـسٍ جفولـه
دمعة قهر سالت علـى خـد منظـام=أصدق من اللـي مايكـذب رسولـه
سالت بقلب من الظمأ صاير عظام = من حسرته سال الظمأ دم حوله
جمرة سهر ترمد واذا جيـت أبى آنـام=شبـت تقـول الويـل نـوّخ ذلولـه
قلت أنطفي ماني على خبـرك العـام؟=أصعب من اللـي مستحيلـه حلولـه
واللى على خلقه فرض دين الاسـلام=أن الحزن في داخلـي صـار دولـه
من يوم ماتت .. كن ماقبلـي أيتـام=أشوف حلمي لكـن أزريـت أطولـه
أخطتني أسهـامٍ وصابتنـي أسهـام=قـولٍ يترجـم ماتمنـيـت قـولـه
ليثٍ ولد ليـثٍ ولـد حـر ضرغـام=والقول تلقـى شاهـده قبـل أقولـه
والله يالـولا حلـم بعيـون الايتـام=والوقت الاقشـر درهمت بي ذلوله
جيتك مثل ماصخر الشعـر الالهـام=أحساس شاعـر مايجـي بالسهولـه
أن جيت أعاني من صواديف الايـام=ماجيت أبوصف طرف (نجلا وخوله)
وأن أصّـور بالقصايـد 100 عـام=ماجيـت أدوّر بالقصايـد عمـولـه
هذا أنا ميـت ظمـأ وأنـزف هيـام=أرقـى بحلمـي ويتّعثـر حصولـه
هذا أنا رغم أحتظاري مـن أعـوام=مازلـت حـيٍٍ يستثيـرك مثـولـه



"
"

http://www.halaq8.com/sh3r/audio/poem.php?P=71

دمعة قهر ( صوتيه )


"
"

[منصور نايف الرويلي]

الشعر من رأسي تقادح شراره = ترثي أفراقه معجزات القصايد

.



وين أنـت ياحلـمٍ تـوارى عـن العيـن=وين أنت ياصوتٍ وحشنـي سماعـه
وين انت غايب عن سما دنيتي وين=خليـتـنـي وهـمــوم قـلـبـي جـمـاعـه
وين انت غايب صار لك عدة سنيـن=هـذا جفـا وابـشـع انــواع القطـاعـه
حطيت في قلبي مـن الحـب جرحيـن=ومليت من ممشى الطريق وضياعه
عيّشتـنـي بالحـلـم دنـيــا المحـبـيـن=وأشعلتنـي شمـعـة افــراق بـوداعـه
رحلـت ماودعتـنـي يـا أريـش العـيـن=وحسيـت فـرقـا مـاوراهـا اجتمـاعـه
خليتـنـي ياصـاحـبـي بـيــن نـاريــن=وانـا تـركـت القـلـب عـنـدك وداعــه
خنـت الـوداعـه ماتـعـرف القوانـيـن=وعرضـت قلـبـي للـعـواذل بضـاعـه
شمّت بي الاقصيـن والربـع الادنيـن=خــلاص مـالـي بالمحـبـه اطـمـاعـه
انـتـي مــن اول فــي لقـايـه تمنـيـن=يـامـا لعيـنـك قـلـت سـمـعٍ وطـاعــه
واليوم صرتي من حسـاب المعاديـن=ماعـاد فــي قلـبـك حنـيـن وشفـاعـه
مـن لوعـة الحرمـان ذقـت الامـريـن=والـجـرح مــن فـرقـاك زاد اتسـاعـه
ولــو كــل دربٍ ينتـهـي بالعـنـاويـن=مـاطــاح نـجــمٍ عـالـيــاً بـأرتـفـاعـه

.

على شاطي أمل حرمان توقف وانتظر شوفي=يجيك الطيف يحكيلك شقى عامين في صدك
رجيتك بالوصال سنين وياسي يعتري خوفي=رجيتك بالوصل ايام وكان وصالي بيدك
رجاك الدمع بعيوني .. رجاك الدمع بحروفي=طلبتك لين مليتك وعفت الود من ودك

.
.
.
.