تسجيل الدخول

مشاهدة النسخة كاملة : ترقبوا حفل قبيلة السوطه لتكريم الشاعر فيصل السواط على قناة الساحه والمرقاب


سهيل 1
04-May-2012, 05:57 AM
بسم الله الرحمن الرحيم


قريبا .. قريبا .. قريبا .. إن شاء الله ...

وعلى قناتي : الساحة والمرقاب ...


الحفل الكبير الذي أقامه شيوخ واعيان وابناءقبيلة ( السوطة ) من عتيبة في مدينة الطائف " ليلة الجمعة 12 - 6 - 1433 لتكريم شاعر الملك /

الشاعر / فيصل بن حامد السواط العتيبي .. والذي حصل على المركز الثاني في مسابقة شاعر الملك

والذي أقيم على قناة المرقاب الفضائية مؤخرا ...


حفل بهيج جدا .. جدا .. ورائع أقيم ( بقصر البساتين )بالطائف حضره شاعر الملك / الشاعر وصل العصيمي .. وحضور الشيخ مسعد سمار العتيبي .. وشيوخ واعيان القبائل ..

وقد كان الحفل على النحو التالي :

* القرآن الكريم

* نبذة عن الشاعر ..

* عدة قصائد لشعراء القبيلة والضيوف المشاركين .. ( صويلح السواط ، محمد المشروع ، عواض السواط مستور الذويبي .. وغيرهم ...لا تحضرني اسماؤهم الآن ...

* قصيدة رائعة للشاعر / الدكتور وصل العصيمي .. مطلعها ( اليوم بنت البدو ما مرت بانت سُعاد .. )

قصة جميلة ورائعة جدا .. جدا ..

* ( أوبريت ) من كلمات وألحان الشاعر والأستاذ المشرف التربوي بالطائف /

سليمان سالم السواط العتيبي .. وأداء شعراء القبيلة الشباب يتقدمهم / الشاعر : صويلح السواط .. والشاعر :

أحمد سالم .. وعبدالله حميد .. وبعض شباب القبيلة .. وقد نجحت هذه الفقرة نجاحل باهرا جدا جدا .. وكانت

من أفضل وأنجح وأحسن فقرات الحفل وصفق لها الجمهور طويلا .. طويلا .. ولا يفوتكم !!!

* كلمة للمحتفى به الشاعر / فيصل السواط ..

* التكريم وتوزيع الهدايا ..

* تناول طعام العشاء ..

* المحاورات الشعرية بحضور نجوم المحاورة ...

ابن عتقان ، مرزوق المقاطي ، محمد العازمي ، تركي السواط ، فواز السواط ، المجيريشي ، فالح الغنامي

وغيرهم من نجوم المحاورة .. وقد استمرت المحاورات إلى الساعة الثانية صباحا تقريبا .. ومن أفضل

المحاورات ( طاروق ) رائع بلحن جميل جدا بين الشاعرين : مرزوق المقاطي .. وزميله الشاعر : محمد

العازمي .. أعجبني جدا ..واعتذر عن إدراج الصور حتى لا أقتل عنصر المفاجأة وأحرق عليكم الموضوع ...

ترقبوا هذا الحفل الكبير .. في الأيام القادمة .. إن شاء الله ...

من أرض الحدث / أخوكم المحب سهيل العتيبي

عيضه الثبيتي
04-May-2012, 07:36 AM
بالتوفيق


يستاهل فيصل السواط


شاعر مبدع يفتخربه الشعر وقبيلة عتيبه عموما


وقبيلة السوطه تشكر على تكريمهم



بانتظار الحفل


واكيد بيكون شيق

سهيل 1
04-May-2012, 03:28 PM
بالتوفيق


يستاهل فيصل السواط


شاعر مبدع يفتخربه الشعر وقبيلة عتيبه عموما


وقبيلة السوطه تشكر على تكريمهم



بانتظار الحفل


واكيد بيكون شيق


شكرا أخي الشاعر / عيضه الثبيتي على مرورك وإطرائك ..

وما عليك زود أيها الشاعر المبدع ...

والحفل يستحق هذا الإعلان .. وشيّق جدا جدا ... وبه فقرة ( أوبريت ) ستكون هذه الققرة حديث الساعة في

الأيام القادمة .. فقرة ستبقى كثيرا كثيرا كثيرا .. في الذاكرة ..

فقط انتظرونا على قناتي الساحة والمرقاب !

ذخر برقا
04-May-2012, 04:08 PM
الفاضل سهيل العتيبي لك مني جزيل الشكر على التنويه و التذكير


نسأل الله عز وجل أن يوفق الجميع,,



أخوك ذخر برقا العصيمي

سهيل 1
04-May-2012, 10:48 PM
الفاضل سهيل العتيبي لك مني جزيل الشكر على التنويه و التذكير


نسأل الله عز وجل أن يوفق الجميع,,



أخوك ذخر برقا العصيمي


العفو أخي الفاضل / ذخر برقا ..

والحفل يستحق المشاهدة ..

بشقيه الخطابي والمحاورة ..

شكرا على مرورك ولا هنت .

سرور السريح العتيبي
04-May-2012, 10:58 PM
اخوي سهيل لاهنت على اتنوية وتذكير
وعلى القوة انشالله ونسىل الله ان يوفق الجميع
لك مني الاحترام والتقدير

العصيمي خالد
05-May-2012, 01:10 AM
سهيل1





الله يعطيك العافيه على التنويه


والشاعر كفو ويستأهل التكريم والحفاوه


والقبيله بيض الله وجيهم على تكريم شاعرهم ولا هوب غريب عليهم الكرم والطيب,


كل علمٍ غانم يقدرونه


ننتظر الأعلان عن موعد بث الحفل وهذه مهمتك ياسهيل لا تقول ما قالو لي ههههههههه




تحياتي

فهد العازمي العتيبي
05-May-2012, 11:15 AM
بيض الله وجيهكم يالسوطه

وغير مستغرب عليكم الوفاء والتقدير تجاه أبناء القبيله

ولاهنت أخوي سهيل على التنويه للحفل

ومشاهده ممتعه للجميع في عرضه على القنوات .

سهيل 1
06-May-2012, 12:02 AM
وهذه قصيدة شاعر الملك / وصل العطياني في هذا الحفل :


بـنـت الـبـدو مــا مــرت الـبـارح عـلـى بـانـت سـعــاد
مــرت عـلـى الـسـر وتشربـهـا الـزهـر عـطــر وعـبـيـر
واستنشقتـهـا الـريـح حـتــى ذاب نـسـنـاس الـبــراد
فــــي لـيـلــة الـجـمـعـه 12/ غــــرة جــمـــاد الاخــيـــر
غـيــدا تجـاذبـهـا سـنـيـن الــغــي وسـنـيــن الــرشــاد
استلهـمـت عـقـل الحكـيـم وحكـمـة الـعـقـل البـصـيـر
فيهـا بيـاض الصبـح لا خيطـه قـطـع خـيـط الـسـواد
وفيهـا صهيـل الريـح لا هـبـت عـلـى البـحـر الغـزيـر
اخذت من النخلـة شمـوخ العـذق فـي يـوم الحصـاد
واخذت من اوصاف السيوف الخمسة الشي الكثير
فـي ثغرهـا لـون اشتـعـال الـنـار مــن خـشـم الـزنـاد
وعروقـهـا مـثــل الـعـلـم خـضــرا وخطـوتـهـا حـريــر
فــي طــول ذات الـعـرش بلقـيـس وتـعـدت شـهــرزاد
بنـت السمـا واخـت النـجـوم السـبـع والـبـدر المنـيـر
وعـيـونـهـا تـحـكــي تــواريــخ ومـنـاويــخ وجــهـــاد
وقصة بدو جـو مـن بيـوت الشعـر وجـلال الحصيـر
اهدتهـم الصـحـرا تـعـب واهــدوا لـهـا خـيـل وطــراد
واستعـذبـوا هـجـر الـظـلال وعانـقـوا ظــل الهـجـيـر
وانـتـم اهـلـهـا متعـبـيـن الـجـيـش وظـهــور الـجـيـاد
لبـاسـة الـجــوخ الـحـمـر لا صـــاح لـلـحـرب الـنـذيـر
نوختوا لها اطيب جمل واخترتوا لهـا اطيـب شـداد
هـاتـوا لـهـا الـهـودج وزفـوهـا عـلـى ظـهــر البـعـيـر
مــا عشـقـت الا الشـاعـر الـلـي مـــا يـهـيـم بـكــل واد
الـشـعـر والـشـعـار فـــي وادي وهـــو واديــــه غــيــر
تعشـب علـى جـالـه حــروف الشـعـر ويسـيـل الـمـداد
بـطــحــاه بــكـــر ولا وطــاهـــا لا نـــــزار ولا جـــريـــر
لـف الـورق مضمـار واركـض يـا قلـم ركـض الـجـواد
مـرخـي عنـانـك مــع بـنـات الـريــح فـالـيـوم الكـبـيـر
فيصـل ولــد حـامـد سـمـي ادهــى مـلـك قــاد الـبـلاد
اسـمـه جـمـع بـيـن المـلـوك وسـلـة السـيـف الشـطـيـر
صـوتـه تـعـدا حــس الانـسـان وبـلـغ حــس الـجـمـاد
كنـه يـقـول اسـمـع يـاصـم الاذن وابـصـر يــا ضـريـر
يـا فيصـل ابسـط يـدك بيـن الارض والسبـع الـشـداد
ان كــــان لـلـشـعـار امــــارة شــعــر بـايـعـنـاك امــيــر
حـتـى اذا بـنـت الـبــدو مـــرت عـلــى بـانــت سـعــاد
تــاخــذ قـلادتـهــا وحــنـــا نـلـبـســك بـــــردة زهــيـــر



الشاعر : وصل العصيمي

عبدالمجيد النفيعي
06-May-2012, 01:12 AM
صـوتـه تـعـدا حــس الانـسـان وبـلـغ حــس الـجـمـاد=كنـه يـقـول اسـمـع يـاصـم الاذن وابـصـر يــا ضـريـر
يـا فيصـل ابسـط يـدك بيـن الارض والسبـع الـشـداد=ان كــــان لـلـشـعـار امــــارة شــعــر بـايـعـنـاك امــيــر

الله الله

يستاهل امير الشعر كل خير ، وماهي غريبة على الآد سواط إنجاز ابنهم وحفاوتهم فيه

سهيل 1
06-May-2012, 01:44 AM
اخوي سهيل لاهنت على اتنوية وتذكير
وعلى القوة انشالله ونسىل الله ان يوفق الجميع
لك مني الاحترام والتقدير


شكرا على مرورك ولا هنت يا أخي أبو بدر ...

فايز بن سرحان الثبيتي
06-May-2012, 02:10 AM
في الانتظار والسوطه اهل وفا وفيصل لا شك انه بيض وجيه عتيبه كلها "

وللتعديل فقط القصيده للدكتور حمد بن وصل العصيمي " شاعر الملك "

سهيل 1
06-May-2012, 02:46 AM
في الانتظار والسوطه اهل وفا وفيصل لا شك انه بيض وجيه عتيبه كلها "

وللتعديل فقط القصيده للدكتور حمد بن وصل العصيمي " شاعر الملك "

أشكرك على التعديل .. والتوضيح

وأعتذر من شاعرنا حمد بن وصل جميع أعضاء المنتدى ..

على الخطأ المطبعي الغير مقصود .. وياليت يتعدل من بداية الموضوع ولا هنت

أخي فائز الثبيتي .

عثمان الثبيتي
06-May-2012, 03:52 AM
فيصل شاعر كبير ومبدع وشرف عتيبه ويستاهل التكريم

وقبيلة السوطه كفو ولاهي غريبه عليهم فهم اهل الوفاء

الله يبيض وجيهم وبيض وجه فيصل نعتز ونفتخر بالشاعر والقبيله

مرزوق الصواط
06-May-2012, 04:53 AM
يستاهل أبو عبدالله هذا التكريم وهذه الحفاوة
وهذا أقل ما يمكن تقديمه له ...
شكراً أبو أحمد على هذا التنويه ... عوفيت يالغااالي
تقديري لشخصك الكريم ,,,

سهيل 1
06-May-2012, 02:22 PM
سهيل1





الله يعطيك العافيه على التنويه


والشاعر كفو ويستأهل التكريم والحفاوه


والقبيله بيض الله وجيهم على تكريم شاعرهم ولا هوب غريب عليهم الكرم والطيب,


كل علمٍ غانم يقدرونه


ننتظر الأعلان عن موعد بث الحفل وهذه مهمتك ياسهيل لا تقول ما قالو لي ههههههههه




تحياتي


ابشروا بالسعد إن شاء الله ..

سنوافيكم بالموعد ساعة إعلانه من قبل القنوات ..

شكرا لمرورك الطيب ولا هنت يا ابن العم .

سهيل 1
07-May-2012, 12:21 AM
بيض الله وجيهكم يالسوطه

وغير مستغرب عليكم الوفاء والتقدير تجاه أبناء القبيله

ولاهنت أخوي سهيل على التنويه للحفل

ومشاهده ممتعه للجميع في عرضه على القنوات .

وجهك أبيض أخي فهد ..

نشكر مرورك العطر ويعطيك العافية

قيس العازمي
07-May-2012, 02:48 AM
بيض الله وجيه السوطه على تكريم شاعرهم



ونتمنى التوفيق للشاعر وللجميع



ولاهنت ياسهيل على ايراد الخبر




تقبل مروري

سعد بن مطلق المقاطي
07-May-2012, 12:33 PM
الله يوفقه ويوفق الجميع

سهيل 1
08-May-2012, 12:25 AM
بيض الله وجيه السوطه على تكريم شاعرهم



ونتمنى التوفيق للشاعر وللجميع



ولاهنت ياسهيل على ايراد الخبر




تقبل مروري


وجهك أبيض أخي قيس ولا هنت ...

سهيل 1
08-May-2012, 02:35 AM
الله يوفقه ويوفق الجميع

ومن يقول يا أخي سعد ..

شكرا على مرورك .

سهيل 1
10-May-2012, 03:12 AM
يستاهل أبو عبدالله هذا التكريم وهذه الحفاوة
وهذا أقل ما يمكن تقديمه له ...
شكراً أبو أحمد على هذا التنويه ... عوفيت يالغااالي
تقديري لشخصك الكريم ,,,


..شكرا لمرورك أخي أبو نايف والموضوع يهمنا جميعا ...

والشاعر فيصل السواط شرف الجميع من أبناء قبيلة عتيبة

سهيل 1
10-May-2012, 03:29 PM
شكرا لأخي الشاعر : عثمان الثبيتي على مروره وإطرائه ..