ابومشعل اقرب جاي

[مخلد منصورالثبيتي]

لاحت بروق الغيث في منشاه واللي صارصار=سحابة يرعدرعدها مانشوف سيولها
ياصاحبي عثمان حل النا القضيه باختصار=قدام نار الحرب من شانك تدق طبولها

[فهد الشهيب الثبيتي]

طيب طيب يامخلد

صح لسانك وصح لسان عثمان مقدما

متابعين للابداع

[مخلد منصورالثبيتي]

صح بدنك يابوعواض تشرفنامتابعتك يابن العم

[عثمان الثبيتي]

لاحت بروق الغيث في منشاه واللي صارصار=سحابة يرعدرعدها مانشوف سيولها
ياصاحبي عثمان حل النا القضيه باختصار=قدام نار الحرب من شانك تدق طبولها



جعل المطر يمطر على الديره وينزاح الغبار=لو السنه تقلب اجواها بحسب فصولها


يامخلد المنصور مضمون القضيه باختصار= خبلً يبا راس المطيه ينربط برجولعا

[عثمان الثبيتي]

طيب طيب يامخلد

صح لسانك وصح لسان عثمان مقدما

متابعين للابداع

ارحب يابو عواض شرفتنا بمرورك العطر

[عبدالمجيد الثعلي]

صحت ألسنتكم و بيض الله وجيهكم

لاهنتوا على القوة

[قيس العازمي]

صح لسانك يامخلد



وصح لسانك ياعثمان



وانا في صف عثمان ولو انكم كلكم ثبتان هههههه




متابع

[عثمان الثبيتي]

ارحب ياعبد المجيد
الله يقويك لاهنت

[عثمان الثبيتي]

صح لسانك يامخلد



وصح لسانك ياعثمان



وانا في صف عثمان ولو انكم كلكم ثبتان هههههه




متابع

مرحبا يابن عاصي والصف يزهابك طال عمر وكثر الله امثال من الرجال الطيبين

[مخلد منصورالثبيتي]

لايقرب الكهرب سلوك الماس ثم اتشب نار=خلك بعقلك ياثبيتي والعرب بعقولها

خل القضيه كلمة في ليل يمحاهاالنهار=مادام حجتك القديمه مابطل مفعولها

[مخلد منصورالثبيتي]

عبد المجيد حياك شرفتنا

[مخلد منصورالثبيتي]

قيس صح بدنك ماعندك مشكله الصف واحد

[عزام محمد]

صحت الالسن


هههههههههههههههههه

[عثمان الثبيتي]

لايقرب الكهرب سلوك الماس ثم اتشب نار=خلك بعقلك ياثبيتي والعرب بعقولها

خل القضيه كلمة في ليل يمحاهاالنهار=مادام حجتك القديمه مابطل مفعولها






اللي زعل يابو فهد يضرب براسه فالجدار= وانت تعرفني لا نويت اقولها واطولها



اما وقفتوا وقفتً يشهدبها رحتوا دمار=لام الحثول اللي تبا تكفتك وسط حثولها

[مخلد منصورالثبيتي]

عزام صح بدنك

[مخلد منصورالثبيتي]

تبا توثق يالعتيبي باليمين وباليسار=ون قلت لك هرجه نبا ننشدك ليش اتقولها
مافيه داعي تعرض الددسن على درب القطار=اللي من اول ماهي بحوله ولاهو حولها

[عزام محمد]

مافيه داعي تعرض الددسن على درب القطار=اللي من اول ماهي بحوله ولاهو حولها



الله الله عز الله صادق

[عثمان الثبيتي]

تبا توثق يالعتيبي باليمين وباليسار=ون قلت هرجه نبا ننشدك ليش اتقولها
مافيه داعي تعرض الددسن على درب القطار=اللي من اول ماهي بحوله ولاهو حولها



انا خطاي اطوال بالممشاء وخطواتك قصار= ان ضاعت ارسالتك شرهتها على مرسولها


الصيد رميه بالبخت والا الهدف رميه قرار=وانا رميت الرميه اللي واضحً مفعولها

[مخلد منصورالثبيتي]

عزام اسلم لاهنت

[مخلد منصورالثبيتي]

ان كان وانك فالبلدياصاحبي تاجرعقار=ابتاع واشتر والجمال محمله بحمولها
المشكله فالرميه اللي جات من خلف الستار=من واحد(ن)ماهو مميز عرضها من طولها

[عثمان الثبيتي]

ان كان وانك فالبلدياصاحبي تاجرعقار=ابتاع واشتر والجمال محمله بحمولها
المشكله فالرميه اللي جات من خلف الستار=من واحد(ن)ماهو مميز عرضا من طولها




انا قدحت الزند بالبارود والبارود ثار=اوصولها يابو فهد ردد معاي وصولها


ماهي غريبه يوم تحذف شجرةً فيها الثمار=الناس نعرف فعل طيبها ونقص انذولها

[مشعل الشيباني.]

مخلد وعثمان

صحت السنتكم

واااصلو وحنا متابعين


تقديري لكم

[عثمان الثبيتي]

مخلد وعثمان

صحت السنتكم

واااصلو وحنا متابعين


تقديري لكم

ارحب يابن مشيب متابعتك شرف لنا طال عمرك

[مخلد منصورالثبيتي]

راعي مصرنعطيه حق الضيف وحقوق الجوار=قدام يفطرويتغدى ويتعشى فولها
بعض العرب دايم على الرحله بحجز الانتظار=ويقول انا ريس مطار القاهره واسطولها

[مخلد منصورالثبيتي]

ابومشعل عندك التغطيه وتصبحون على خير

[مخلد منصورالثبيتي]

مشعل هلاحياك الله متابعتك شرف لنا يالغالي

[عثمان الثبيتي]

راعي مصرنعطيه حق الضيف وحقوق الجوار=قدام يفطرويتغدى ويتعشى فولها
بعض العرب دايم على الرحله بحجز الانتظار=ويقول انا ريس مطار القاهره واسطولها


نوبً تبارييني ونوب اشوفك اتعكس المسار=مير انثر الدله بعد بان الخلل في دولها

ياصاحبي خلك سواتي عايش بعز وقار= وادعس على روس الحيايا الرقط قيل اذيولها


صح السانك وتصبح على خير

[سعد حميد الثبيتي]

محاورة عمالقه لله دركم فعلا فتل ونقض على مستوى وهذا هو الشعر والا بلاش لكم تقديري

[الغضنفر]

صحت الاسن والقلوب ياالاد ثبيت من اجمل ماقريت في المحاورت وهذا الشعر الحقيقي ولااخفي اعجابي بشعر المبدع عثمان ولاهان ابن عمه

[ربيع الرشيدي]

روعة المحاورة تكمن في المعنى

مخلد الثبيتي
عثمان الثبيتي
عينان في راس واحد
صحة الالسن وتمنيت المتابعة

[مخلد منصورالثبيتي]

الاستاذ سعد سلمت يالغالي شرفنا مرورك
الغضنفرلاهنت
الاخ ربيع سلمت وصح بدنك

[عبدالاله المقاطي]

أبا منصور ، أبا مشعل لله درّكم يا مبدعين


لا تحرمونا من جديد ابداعاتكم.

[سعيد مرزوق العبد]

طاروق يستحق الرفع

صحة السنتكم يالربع

[مخلد منصورالثبيتي]

صحت الاسن والقلوب ياالاد ثبيت من اجمل ماقريت في المحاورت وهذا الشعر الحقيقي ولااخفي اعجابي بشعر المبدع عثمان ولاهان ابن عمه

لاهنت يالغضنفر وابومشعل غني عن التعريف

[مخلد منصورالثبيتي]

روعة المحاورة تكمن في المعنى

مخلد الثبيتي
عثمان الثبيتي
عينان في راس واحد
صحة الالسن وتمنيت المتابعة

ربيع تسلم عيونك يالطيب
ومرورك شرفنا

[مخلد منصورالثبيتي]

أبا منصور ، أبا مشعل لله درّكم يا مبدعين


لا تحرمونا من جديد ابداعاتكم.

عبد الاله سلمت
والله لايحرمك الجنه

[مخلد منصورالثبيتي]

طاروق يستحق الرفع

صحة السنتكم يالربع

سعيد يعطيك العافيه
وصح بدنك