قصيدة من بقعاء إلى وادي الرشاء (مغايره غاروا على الطيب لابه)

[بدر محمد الاسعدي]

(مغايره غاروا على الطيب لابه )
قصيدة من الأساعدة في بقعاء إلى ربعنا المغايره في وادي الرشاء عموماً
وبالتديد الأستاذ : حمزه بن عبيد المغيري ( أبو صلاح )وجماعته
للشاعر/ عبدالهادي المنيع الأسعدي

ــــــــــ
أسباب ماهيض ظميري وجابه=طيبٍ ماهو حب الغنادير يارجال
علم الفرح نشتاق له ياشبابه =ماهي علوم ملمع الثوب وعقال
الطيب يبقى مثل علم الصحابه =يفعل من العقال وينقل للأجيال
سمعت علمن للنشاما حكابه=اولاد روق مرجحت كل ما مال
واد الرشا جتني علومه ومابه =طيب وعدم فعل الرجاجيل وجزال
نعمن بكم يا أهل الكرم واللبابه=صغيركم بالمرجله صاع وكتال
اهل الرباع انجورهم كالذيابه =لامن صفت بعواه جالٍ على جال
أهل الرفاع مدفقين العرابه =إلا ومع هذا حميا بالأبطال
وأبو صلاح ولا عدمنا جنابه =يفداه لاش مجمع المال ماطال
له مجلسن مفتوح ماصك بابه =ودلال عيبٍ كفهن عن حمى الآل
وصينيتن من كل كبشن رمابه =في رفتن كله مشاكيل ودلال
يعبالهن من كل صنفٍ زهابه =ماحسبه يشريه في غالي المال
مغايره غاروا على الطيب لابه =ياحي والله لابتن قول وأفعال
من غير نقصٍ بالقبايل حرابه=مظلم لحظي كل دارن به رجال
بس أتمجد وأفتخر بالقرابه =أهل العلوم الصامله عند الأقوال
وإلا الردي مالي بذكره طلابه =اترك علومه ما ابعده هي على البال
الطيب ماكلٍ تطوله ركابه =إلا مثل ( حمزه) وربعه بالأعمال
أجواد ساس أجواد كلن درابه=قبلي ذكرهم كل راحل ونزال
وصلاة ربي عد كتب الكتابه=على محمد عد حرف ٍ بالأنفال/


القصيدة بصوت الشاعر

صوت 010.3ga - 821.42 KB (http://arabsh.com/files/083e4c4e64/صوت-010-3ga.html)


9 ـ 6 ـ 1433هـ

[بندر سعد]

الف الف نعم بالمغايره وعلي راسهم ابوصلاح حمزه بن عبيد بن صلاح
رمز الجود والكرم والمراجل والعز
مشكور يابدر الاسعدي يارمز الوفاء

[ذعير العالي]

صح السااااااااااااااااااانه


ويستاااااااهلون المغايره ونعم

[بدر محمد الاسعدي]

بندر سعد

شكراً لك على المرور يالغالي
لاهنت لاهنت

[بدر محمد الاسعدي]

ذعير العالي

صح بدنك وتستاهل كل خير

[بدر محمد الاسعدي]

قصيدة عبدالله النافع المغيري العتيبي .
رداً على قصيدة الشاعر : عبدالهادي المنيع الأسعدي العتيبي .


حي الجواب وحي علم(ن) لفا به
نوادر(ن) سطر بها زين الأمثال
يامرحبا تعداد وبل السحابة
وإعداد ما واد(ن) من السيل قد سال
وإعداد نبت الورد في كل غابة
وغصن(ن )ليا ناشه نسيم الهوا مال
وإعداد ماساج القلم بالكتابة
وسطر على القرطاس من جزل الأقوال
خط(ن) لفا من صاحب (ن) ينتخا به
قر م(ن)تعلى المجد في كل الأحوال
ابن منيع اللي عزيز(ن) جنابه
امعرب ما بين عمان وأخوال
من لابتن يا حي واعز لابه
حطوا لهم في قمة المجد منزال
مشروبهم عدن قراحن شرابه
وان قصرت الايدي يمانيهم طوال
ربع(ن) على وقت الخطر والحرابه
مسجلين الهم تواريخ وافعال
وليا لفا وقت اللقا والمجابه
تقدموا مابين رجلي وخيال
الأسعدي وقت الجهل يندعى به
عدوهم يونس عظيمات الأهوال
وصديقهم محشوم قدر ومهابه
مع رفقت(ن) مجلاسهم يشرح البال
ودلال رسلان(ن)وعود ورحابه
وحيل(ن)تقدم للنشاما بالأموال
أساعده والطيب ماهو غرابه
متوارثينه بينهم عبر الأجيال
ابيوتهم امشرعات(ن) ابوابه.
في دار بقعا للأجاويد مدهال
الله يجنبهم دروب النشابة
ويدلهم للصالحات من الأعمال
ويرفع منازلهم ويجزل ثوابه
ويديم حب الخيرين من الأبطال
وختامها صلو على المقتدى به
الهادي اللي جا من الرب مرسال

[بندر سعد]

مشكور اخوي بدران وعادتك تجيب العلم الغانم لك ولربعك
وقصيدة جدآ جزله من اهل وادي الرشاء وعلي راسهم ابوصلاح حمزه راعي الناموس

[اسعد جنوب]

والنعم بالجميع اساعدة بقعاء ومغايرة وادي الرشاء