قالو توادع قلت ياصعب الوداع

[عزوتي روق]

قالو توادع قلت ياصعب الوداع

وشلون أوادع من معه قلبي وديع

قلبي معه والسر من فرقاه ضاع

صحيح من يفقد زمام امره يضيع

اليا ذكرت الخد والسود الوساع

تسابقت غارات عبراتي جميع

اصبر على الهجران قدر المستطاع

أحمل همومي للخلا وأشري وأبيع

أبيع شي بالجواهر ما يباع

بعته رخيص وضاق أمامي كل ريع

بين الرجا والياس يشتد النزاع

بعده دهر ومشاهده مثل ربيع

تستدرج الأيام مفتول الذراع

من حيث لا يعلم وترمي بالسريع .

[فيصل المسعودي]

القصيدة للشاعر خلف بن هذال حسب معرفتي

أتمنى منك ذكر اسم شاعرها أخي الكريم

أو ذكر كلمة منقول

حتى لا تحسب لك وهي لغيرك

لا هنت على النقل

تحياتي

[عزوتي روق]

القصيدة للشاعر خلف بن هذال حسب معرفتي

أتمنى منك ذكر اسم شاعرها أخي الكريم

أو ذكر كلمة منقول

حتى لا تحسب لك وهي لغيرك

لا هنت على النقل

تحياتي



هههههه اكيييييييييييييييييد ان ان القصيده للشاعر خلف هذال

وانا ما ذكرت ان القصيده لي


ومن ؟؟؟؟؟؟؟ اللي بيصدق ان هالقصيده لي


ع العمووووم تشرف بمرووورك