رح لدارك وملفي عايش ٍ في دياره // ملفي وتركي

[قاسي العتيبي]

تركي 2000

ياسلامي على اللي معرفتهم تجارة
من سلايل بني قحطان سقم الأعادي
ملفي المورقي قرر وغير قراره
والله أعلم يجوز الوضع ماهوب عادي




ملفي المورقي
مرحبا فالمحل اللي رفيع ٍ شعاره
عد من جاء بدعوتهم ونادى المنادي
ملفي المورقي للمرجلة شب ناره
يوم بعض الأوادم ينفخون الرمادي

تركي 2000
أحسب إنك منول ماتكب الصدارة
لين شفتك عن الدرب الصحيح متحادي
يابن الأجواد شب النار ماهو شطارة
الفتيلة تولع من قديح الزنادي



ملفي المورقي
رح لدارك وملفي عايش ٍ في دياره
أنت ما أنت بخشير ٍ لي بملحي وزادي
احفظ الرمي يالرماي واحفظ عياره
مايفك الحلوق ألا طوال الأيادي

تركي 2000
أدري إني ما أحصل منك غير الخسارة
وإن بغيت الحقيقة ما أنت غاية مرادي
ماجبرناك لأجل توقع الأستمارة
اعتمدناك وأنته ماعليك اعتمادي



ملفي المورقي
ودي أسقيك ياتركوه كأس المرارة
كيف ما أجرح فؤادك وأنت تجرح فؤادي
تحسب إني جديد ٍ في فنون الصقارة
مادريت إني أقدم منك فوق الشدادي


تركي 2000
أنت رجل ٍ تحب العولمة والحضارة
ما أنت راعي صباح ولا أنت راعي هجادي
لو ألبسك يابن روق بشت الأمارة
والله إني لا أجيك الصبح والبشت غادي


ملفي المورقي
لو لزمناك في يوم ٍ يثور غباره
رحت بين المشوك والسيوف الحدادي
طبعنا طبعنا ما نأخذ اللبس اعارة
لابسين الثياب الطاهرات الجدادي

[عبدالمجيد النفيعي]

محاورات ملفي ممتعه بما فيها من حكم ، صح الله السنتهم ولاهنت

[الحسيب]

تركي 2000
أدري إني ما أحصل منك غير الخسارة
وإن بغيت الحقيقة ما أنت غاية مرادي
ماجبرناك لأجل توقع الأستمارة
اعتمدناك وأنته ماعليك اعتمادي

محاوره رائعه
مبدع تركي كعادته

[ابو بدر المحياوي الجهني]

تركي 2000
أنت رجل ٍ تحب العولمة والحضارة
ما أنت راعي صباح ولا أنت راعي هجادي
لو ألبسك يابن روق بشت الأمارة
والله إني لا أجيك الصبح والبشت غادي


...

محاورة جدا رائعه

الله يعطيك العافية ياقاسي

[صريح وجريح]

محاوره جميله

ارى ان تركي تفوق فيها

[بدر بن ثعلي]

^
^

الكثير من الناس يميل الى البيوت المكشوفه ويحبذونها ..

ولكن هذا خطا في فن المحاورة

المحاورة قائمة على الرمزية ومن يتفوق في دفن المعنى وايصاله بالشكل المطلوب هو من يتفوق ,,

وهنا ارى ان ملفي وهو لا يحتاج لتعريف هو من اجاد في ذلك ,,


وعلى العموم هذا لا ينقص من حق تركي بل شاعر واله مستقبل زاهر ولكن فارق الخبرة يتضح وفارق السن

وجهة نظر قابلة للخطا والصواب ,,

[عزارم]

محاوره عاديه


وشكرا لك على النقل

[رائد الكيرعاني القحطاني]

تركي عزّ الله انه يتسلطن على ملفي في محاورتهم










ملفي لا لعب مع تركي جاه بلا هذا الصحيح







ولا لعب مع غيره تنشنش هه

[مهوجس]

الشعر والمعنا راح مع الثبيتي وشليويح اما الباقين ماغار حبيب العازمي فقط حتى مستور تغير ماهو مثل سابقاً
اما المحاورة هاذي مثل هواش الوراعين مع احترامي لكم