أقـرب شاعر

[فهد دخيل الله العضياني]

ياسلامي عليكم ياعيال الحمايل ** السلام الموقر يبتدى فالكلام
فيه حاجه جديده والرسائل دلايل ** اسمها الببي اللي منتشر فالانام

[مخلد منصورالثبيتي]

مرحبامرحبا عدادنوالمخايل=وعدمن يكتب ويقرا وعدالاسامي
فيه حاجت واجدقول ويش انت قايل=شي تبع النظام وشي خلف النظامي

[فهد دخيل الله العضياني]

البقى يالمرحب والدعاوي هوايل ** الرجل والبنيه والطفل والغلام
كل واحد بعينه والعقل فالموبآيـل ** كل ابوها كلامن فارغن بالتمام

[مخلد منصورالثبيتي]

ماعلينا من اللي عنده العقل مايل=مايحرم حلال ولايحلل حرامي
خلك مع الرجال اهل الفخر والفعايل=واطلب العلم لانه نور يجلى الظلاميِ

[فهد دخيل الله العضياني]

قآلوا انه يجيب أخبار ضمن الوسايل ** شغتله في يدينه من قعد لين قآم
مير كثر السماجه زاد فوق الجمــآيل ** نغمته فالمساجد حاضره بالدوام

[مخلد منصورالثبيتي]

موضة الوقت تمضي بين صايل وجايل=ومن يجاري زمانه يافتى مايلامي
فرق بين الهروج وبين بدع المثايل=من يورد جماله ماتصدرضوامي

[قيس العازمي]

صحت الالسن




ولكن القافيه الاخيره فهد على ام ومخلد على امي




ياليت توحدون القافيه




متابع

[مخلد منصورالثبيتي]

صح بدنك الاخ قيس
ملاحظه في محلها ولكن الميم الساكنه هذي ماتغنى فالبيت بلحن جيد
وتقيد القاف ومتابعتك شرف ولايهمك

[فهد دخيل الله العضياني]

صنعوه اليهود وحققوا به فعايل ** وشغلوه المهبل والفوايد عدام
غزو فكري علينا والدعاوي محايل ** في ختام القوافي نختتم بالسلام


صح لسانك يامخلد الثبيتي وتشرفت باللعب ولاهنت وتصبح على خير

[مخلد منصورالثبيتي]

تصبح على خير ويعطيك العافيه

[فهد دخيل الله العضياني]

صح بدنك ياقيس متابعتك شرفتنا لاهنت