.. تعتبر البدايه لي ... !! ( العـــجـــيـــبـــه ) !!

[حسين الغنامي]

.. بـسم اللــُه ..



اخواني تعتبر الاولى لي في عالم الشعر
وانا اعتبرها الاولى في رصيدي
وهآ انا ادلي بها بين ايديكم
واتمنى المصادقه في الكلام
ولا آتمنى المديح والاطراء


بـ صريح العباره

آتمنى النـقـد والتوضيح إذا كان هناك كسور فيها
واتمنى يكون نقد بنآ وواضح


لكم جلَ إحتراماتي




لك خفوقي والمشاعر ومابقى لك من حناني = وانتهت رحلة شعوري في غيابك يالحبيبه
ماتت احلام الطفوله وانقطع حبل الاماني = وصاحت جروحي علامك تنبش جروحٍ عطيبه
آه ياحـزن العتيبي .. آه يادمعة زماني = صبروني ياخوالي عزوتي جبر المصيبه
اصفق اكفوني واعاتب ضايعٍ وحدي بمكاني = ماهقيت الراس يكشف من خفايا السود شيبه
عودي الاخضر يباسه انكسر بي ثم طواني = صفحة الذكرى الاليمه نارها تحرق لهيبه
طاحت نجوم الليالي وانصهر كوني يعاني = والقمر نوره تلاشى اندثر واعلن مغيبه
الدقايق تسجن بضيقة عقاربها الثواني = والزمن وقف يناظر روحي بظلمه نهيبه
مابقى للحرف مخرج يعجز بنطقه لساني =الشلل بفصح هروجي يشنق اللهجه العريبه
اعتزل مني وجودي وانهمر يشطب محاني = راجعٍ ياطول ذيله جرجر الحسره بخيبه
والفرح حرك جيوشه خارج حدوده نفاني = وانطلق خوفي وجفافه بالصحاري يمتطيبه
حظي الاعمى عماني وظرفي القاسي حداني = الله الشاهد من لجاله هو حسيبه
حسبي الله هو حبيبي الله اكبر وش بلاني = ترجف الخطوه وعزمي لو تركني ما اسيبه
النهايه بالبدايه تنسج بثوبٍ رمـاني = تنهمر عين الحقيقه وبأسفل الوادي تهويبه
وتتركه عاري حريره شوكها بأرضي وطاني = حايرٍ سوق المزاد بايعٍ مايشتريبه
الوفا طبعي تباها شيد قصور ومباني = والكرم حرٍ ملكته واجبره يدفع ضريبه
والصدق ساسٍ يلفه سيف حرفي بالمعاني = ومن شكالي كنت عونه مداويٍ جرحه طبيبه
ثابتٍ مثل الجبال الشامخه وعدي هواني = والعهد يضمن مخافه طمن شكوكه وريبه
تشهد لباعي مدارس له ترابيع بكياني =يسمع الكلمه كريمه تعتليبه ../.. تنتشيبه
سيلها / مزنها / سماها قاللي اقرب دعاني = بروضها الشلال يطرب مسمعك رنة صبيبه
كم عطيت الدرب من وصل الحنايا ماعطاني = ليه انا فزعة كسير الشوق عز ما ينتخيبه ؟
مانسيت الحب يذكرني ترى هو مانساني = يعرف إني في بحوره ارسل امواج تعتيبه
ولتجاره في احاسيس السفن مرسى ومواني = خيرها عم النعيم اللي نصاها للجليبه
يا (فلانه) النور من غيرك شعوره احتواني = ترسمي بسمة حياتي وتملكي اوصافٍ عجيبه
كل مافيني يحبك ويعشقك عشق المفاني = حبك بدميتجارا والمذابيح تحييبه
يابعد عمري ونبض القلب الاخضر في جناني = لاتروحي وتتركيني خلك بجنبي قريبه
خلك بقربي تعالي قلبك الطيب حماني = من عواصيفٍ خطيره ريحها تجرف ../.. كئيبه
نور هالدنيا فقتدتك صار الاول دون ثاني = حايرٍ وقف ينادي من شظايا ترتجيبه
مايطيق البعد قلبي مايحبه مايداني = احدٍ يطيق المسافه من تباعدها تعديبه
صامدٍ صمتي وصبري ماشكيته لو شكاني = تشكس الدنيا تدور مالقت شيٍ يعيبه
والامل فب عين مرقابي صعوده مانخاني = ماعطيت الياس فرصه كيف يدينيه ويجيبه ؟
المحبه تكره الفرقا وبختي كم عصاني = الوكاد اني بنزل راسي اسفل وانثنيبه
هذي القسمه تجينا وسرها الخافي يباني = كل واحد في حياته لازم يحصل نصيبه
ليتني طفلٍ صغيرٍ بالمهد وسط الحضاني = راس ماله في حياته يبكي لشربة حليبه
مايعرف من الشقى لوعة ظروف الامتحاني = ولاتضارب في ضنونه صدمة الدمعه السكيبه
كل من يمشي عليها راحلٍ ميت وفاني = والله الجامع جموع الخلق في حضرة مهيبه
وينضرب حكم العداله بينهن قاصي وداني = وينصف المظلوم ربٍ ياخذ بحقه ينيبه
في امان الله وبحفظه تهني لك تراني = رافع الدعوه بيديني واجرها ربي يثيبه
زفت حروفي تبارك من تباشير وتهاني = راحت لغيري خطبها كل خطيبٍ له خطيبه
ناغمت ضحكت عيونك وعانفت عيني ولاني = انكر الصحبه الجميله كلها قدرٍ وطيبه
ولايهمك كيف انا بقضي حياتي لو ضناني = عمري اللي بالالم مشقوقٍ ردانه وجيبه
النتيجه بالحصيله كلها دمعٍ بكاني = ماردٍ لا مايهمه وش جنا من هالصليبه
الرماد اللي طفى جمره بقلبي كم كساني = واخر الصرخه صداها ينعكس بأقصى الغريبه



وسلامتكم ..


واكرر اتمنى النقد الصريح لاني في بداياتي
لكم آطيب التحايا والاحترامات
اخوكم / حسين بن عزام الغنامي

[الــوآفــي]

الله الله يا حسين

رااااااااائعه لا يعلى عليها

ولي ملاحظه عليها واعتقد انها غلطه مطبعيه او اني لم اقرأها بشكل صحيح كما كتبتها انت :



حظي الاعمى عماني وظرفي القاسي حدانـي
الله الشاهـد مـن لجـالـه هــو حسيـبـه


صح لساااااانك ملايين

ذيبان

[فيصل المسعودي]

حــســيـن الــغــنــامــي


رائعه عندي رائعه بكل ما تعنيه كلمة رائعه


احاسيس رقيقه مشاعر صادقه كلمات عذبه


هذا رأيي كمتذوق لأنني لست شاعر ولاكن


أحببت أن أبديه لك أخي الكريم ويبقى الحكم


لشعار منتدانا الكرام لتعم الفائده لنا ولك ولجميع


الاخوان تحيات صادقه وسلام معطر لك أخي الكريم.


أخوك

[ماجد الدغيلبي]

الشلل بفصح هروجي يشنق اللهجـه العريبـه
هنا اعتقد مافيه كسر بس (بفصح) (اتوقع انها (يفضح) كما قراتها هناك

وانا
سبق ان قلت لك رايي فيها يا حسين واشيد بجراتك وطلبك لنقد لنك من القلال اللذين لا يخشون الحقيقه
وهذي هي صفات الشعراء القدامى في سوق عكاظ فهم معترفون كما انت بخطاهم وينقد لهم النابغه الذبياني حتى الحرف الواحد


وان شاء الله تجد ناس اخير مني في النقد هنا ويوضحون لك اكثر من ما وضحت
وشكراٍ لقلبك فقد اعجبني كثيراٍ من الابيات هنا

لك باقه من الشكر

[ماجد الهذلي]

حسين رأيي جاك

وأنت شاعر بدايتك تبشر

بقدوم موهبه وهنا أنا لا أجامل بل أقول الحقيقه

نرجوا أن ترى النقد الذي تريده من منهم أخبر مني في الشعر

تقبل تحيااتي

[((الدلبحي))]

القصيده تعتبر جزله

لا ازيد تعليق على الاخوان الا امل التامل والاطلاع على الشعر واقول صح السانك

تحيااااااااااااااتي

[@المورقي@]

حسبن الغنامي
ماعندي تعليق بس ابي أقول صح السانك ولاهنت

تحياتي

[المهنّــــد]

قصيده ماعليها كلام
وصح لسانك ياحسين الغنامي.

[مرزوق حمدان العتيبي]

....
.
الاخ العزيز حسين الغنامي
انت شاعر مافيها نشدة قاضي
وقصيدتك طيبه من وجه ٍ
ولكن بكل صراحه ارى انها
تحتاج الى مراجعه من ناحية الوزن
حيث ان هناك ابيات اما ان يكون بها حرف زائد
اوانها تحتاج الى اضافة حرف
كان غير موجود..
اتمنى ان تغني جميع الابيات
على لحن واحد دون تكلف
من اجل ان ينكشف لك
ماذكرته واورد لك هنا مثال:

لك خفوقي والمشاعر ومابقى لك مـن حنانـي
وانتهت رحلة شعوري فـي غيابـك يالحبيبـه
الواو التي باللون الاحمر هنا كانت غير موجوده
وكان لوجودها ضرورته من اجل استقمة الوزن .

...
آه ياحـزن العتيبـي . و. آه يادمعـة زمـانـي
صبروني ياخوالي عزوتـي جبـر المصيبـه
الواو بالخط الحمر تم اضافتها لتعديل الوزن.
...
اصفق اكفوني واعاتب ضايعٍ وحـدي بمكانـي
اصفق اكفوفي واعاتب ضعت وحدي بالمكاني
ماهقيت الراس يكشف من خفايا السـود شيبـه
.....
طاحت نجوم الليالي وانصهـر كونـي يعانـي
والقمر نوره تلاشـى واندثـر واعلـن مغيبـه

....
والامثله كثيره
ومن وجهة نظري القاصره
فأن القصيده كلها تحتاج الى مراجعه
وتعديل ماينبغي تعديله..
واتمنى لك التوفيق يارائع..
وشكرا لك على شجاعتك.
تحياتي

[غازي الذيابي]

صح الساانك وقلبك ونبضك

وبيض الله وجهك على نثر هذه الدرر الرائعه

ننتظر جديدك وتحياتي لك ,