ياسليل الي يفكون الزحامي

[فيصل مطر]

السلام عليكم
اخواني الافاضل اعضاء وزوار منتدى الهيلا عتيبه الشامخ بوجودكم اهديكم هاذي الابيات من آخر الانتاج آمل انتحوز على رظاكم ودمتم طيبين
(القصيده في العقيد: ثامر بن ظيدان الثبيتي العتيبي)

بيض الله وجه ابوزيد وخويه=البياض الي يسجل للحشامي
زال ابن ظيدان حولي ماعليه=الكريم الي نضدبه اليامي
والثبيتي من عصور الجاهليه=محزمن طيب ليا اشتد الحزامي
قلت ابن ظيدان يازبن الونيه=ان حدانا الوقت فطرنا الصيامي
مار يابوزيد لد العين فيه=انت ماودك توحى في كلامي
ولتفت لي شوق عين الوحوحيه=القطامي الطليع ابن القطامي
صيرمين من حرارن صيرميه=كلها تفعل وتذكر بالاسامي
قال يافيصل مطر ويش القضيه=قلت قصتنا مع عيال الحرامي
قال روح واترك الباقي عليه=وانت الك يابومطر قدر ومقامي
والله ان تمشي كذا والاكذيه=في غبا والابيانن مع عدامي
قلت ماخلى عزوتك بالمزحميه=ياسليل الي يفكون الزحامي
وانت ابوزيد الله يخليك ليه=عشت يا ثامر وعاشن الاسامي
والختام افضل صلاتي والتحيه=ل النبي المصطفى سيد الا نامي
سيد خلق الله جنه وآنسيه=ياصلاة الله عليه وياسلامي

مع تحيات اخوكم
(فيصل مطر)

[قاسي العتيبي]

صح لسانك ماقصرت لكن عندك مشكلة في الوزن وفي المضمون
الكريم اللي نضدبه اليامي
واليامي هذا من وش سالفته يوم تضدونه وماذا عمل ؟؟؟

وأنت لك يابو بدر قدر ومكاني
مكاني ليست على القافية ليش ماقلت مقامي

تقديري وعرفاني

[فيصل مطر]

صح لسانك ماقصرت لكن عندك مشكلة في الوزن وفي المضمون
الكريم اللي نضدبه اليامي
واليامي هذا من وش سالفته يوم تضدونه وماذا عمل ؟؟؟

وأنت لك يابو بدر قدر ومكاني
مكاني ليست على القافية ليش ماقلت مقامي

تقديري وعرفاني

لاياشيخ خطا تقراه الظبعه لايراود اسوى قاري ادنى شك ان فيه غلط مطبعي والمقصود مقامي بالتاكيد

والمظامين والاوزان الي تجهلك خلها لاهلها مالله بعاسرك عليها ولاتشهر بسؤ فهمك يمال الشحم

[قاسي العتيبي]

لاياشيخ خطا تقراه الظبعه لايراود اسوى قاري ادنى شك ان فيه غلط مطبعي والمقصود مقامي بالتاكيد

والمظامين والاوزان الي تجهلك خلها لاهلها مالله بعاسرك عليها ولاتشهر بسؤ فهمك يمال الشحم

ياشيخ أنا أتكلم بالصحيح اللي أشوفه ويشوفه غيري
أوكيه مكاني خطأ مطبعي
بس

الكريم اللي نضدبه اليامي

مكسووووور

[فيصل مطر]

[quote=قاسي العتيبي;1288203]ياشيخ أنا أتكلم بالصحيح اللي أشوفه ويشوفه غيري
أوكيه مكاني خطأ مطبعي
بس

الكريم اللي نضدبه اليامي

مكسووووور[/quote

يآدمي بلاقلة أدب أنت لوتستحي على وجهك ماتكلمة بشي ماتفهمه استح على وجهك

مريض انت تونس شي ياخي خل عندك ذوق وبعدين مايشرفنامرورك تفهم

[قاسي العتيبي]

[quote=قاسي العتيبي;1288203]ياشيخ أنا أتكلم بالصحيح اللي أشوفه ويشوفه غيري
أوكيه مكاني خطأ مطبعي
بس

الكريم اللي نضدبه اليامي

مكسووووور[/quote

يآدمي بلاقلة أدب أنت لوتستحي على وجهك ماتكلمة بشي ماتفهمه استح على وجهك

مريض انت تونس شي ياخي خل عندك ذوق وبعدين مايشرفنامرورك تفهم

ههههههههههههه



ياخي أنا ما أسبك شخصياً

من حقي كعضو في المنتدى أن أبدي وجهة نظري

أرجع وأقوووووووووول بيتك مكسووووووووور

ومن حقك تزعل لأنك مو مقتنع بقصيدك المكسور

[أبن حشيان]

الشاعر القدير فيصل مطر



صح لسانك والممدوح يستاهل المدح والنعم ابه

اما الغلط في الكتابه فهو واضح واطلب تعديله من المشرف لصيبح على الوجه الصحيح


كماهو عندى في منتدايات المراشده

الصح/ قال روح واترك الباقي عليه ***وانت الك يابومطر قدر ومقامي

قـال روح واتـرك الباقـي علـيـه ***وانت الك يابومطر قدر ومكانـي

اما اخينا والتي ينقد فله نضرته واله رايه ولانقول في حريت رايه شي

[عايض جزاء العصيمي]

صح لسانك يابو مطر

ونعم فيك /في ثامر الثبيتي


وانت شاعر كبير وقدير يابو مطر

وسع صدرك يابو مطر والسالفه تراها بسيطه

وكل قاري متذوق ل الشعر يدرك انها اخطاء مطبعيه واملائيه ،،،،،،،،،وليست اخطاء شعريه

ويجب علينا /ان نبدي راينا/ونتقبل الراي الاخر ،،مهما كان،،،،،،،واختلاف الراي لايفسد للود قضيه

وسمحلي يابو مطر لاعدمتك /اوضح لاخونا قاسي،،،،،الاول خطاء مطبعي مثل ماوضح لك ابو مطر

واما بالنسبه لملاحظتك الثانيه(اليامي) انا اعتقد انه خطاء املائي(اللئامي) اي جمع ،،لئم

(الكريم اللي نضد به اللئامي) وعلى هذا،،،فالشطر غير مكسور

هذا ما اردت ايضاحه

صح لسانك يابو مطر وتقبل مروري وخالص تحياتي

[عناد الشيباني]

ابو مطر صح السسانك

والدعوى بسيطه


الاخ قاسي يستفسر وهذا مايزعل

وانت شاعر مبدع ولا نشكك فيك


بيض الله وجهك

وفي انتظار جديدك

//

[فيصل مطر]

اخواني الاعضاء الكرام

العفو ياخواني

لاحد يفهمني غلط ماحصل ليس لكون النقد ضدي ولايهمني من يشيد بشاعريتي من عدمه كلا له ذوق ونظر ولولا اختلاف الانضار بارت السلع وهاذا شي مسلم به
ولاكني ازعل بقوه من النقد الغيرهادف والغير مستفاد منه فضلا عن كونه غلط اصلا ويضهر من اسلوب صاحبه عدم احترام المقال وعدم احترام اطرافه اولا ثمايتجنى بشي يتعلق بغلط مطبعي معروف ومالوف في اي كتابه ولايتعدى كلمه اوحرف اصلا لوماكتبة عرفتها وعرفت انها صقطة سهوا ايذاكنت صاحب نظر فمابالك واحد يتعدى الموجود والمحتمل يجيب من راسه شي لاحدقاله ولايدخل في المنظومه ولايواكب النص ولايحتمله احد تعتقد انك قادرتآصل معه نتيجه مثل اليامي؟؟وش ذنبه؟واي يامي من قال هاذا ووالخ ثمايعيد باسوى من الاسلوب الغير مقبول الاول,عموما سامح الله اخوناواعذروني وزعلي على الفوضى ضدالكاتب النقد ليس فوضه بس من طرت عليه قالها لو ما جافيها طاري ولاتجي ولاتركب لاحالاولااحتمالا
ثانيا ياخوان
انابانسبه للي ينتقد شعري مسموح وتنشرله البيضاء على طول لانه ان صح نقده استفدت منه وان لم يصح لايظرني
وعدم قبول الغلط لايعني وجود الزعل انالاحض اخواني الاعضاءاخذوعلى اني زعلان ابدالست زعلان في مايخصني. ولاراضي عن ان تعم الفوضى كذالك ..
وان خاني التعبير بشي مني العذر ومنكم السموحه
السلام

[شاعر الدرع العربي]

صح لسانك ابو مطر
تقبل مروري

[فيصل مطر]

الشاعر القدير فيصل مطر



صح لسانك والممدوح يستاهل المدح والنعم ابه

اما الغلط في الكتابه فهو واضح واطلب تعديله من المشرف لصيبح على الوجه الصحيح


كماهو عندى في منتدايات المراشده

الصح/ قال روح واترك الباقي عليه ***وانت الك يابومطر قدر ومقامي

قـال روح واتـرك الباقـي علـيـه ***وانت الك يابومطر قدر ومكانـي

اما اخينا والتي ينقد فله نضرته واله رايه ولانقول في حريت رايه شي


شاعرناالقديروالفاضل/ ابن حشيان

صح بدنك ولاعليك زود بالانابه عن ابوزيد فهورجل قليل ماقيل في حقه يستاهل اكثر كماتفضلت وانت كذالك ومن حصل النعم استاهله
اما عن الغط المطبعي فهو كما تفضلت لاغير ذالك
وحرية الراي يابوخالد من حق الجميع مالم يكون فيها خروج عن النص المعلوم
شكرلك يابوخالد ع مرورك العطر ونقدك الي في محله
تحياتي

[فيصل مطر]

صح لسانك يابو مطر

ونعم فيك /في ثامر الثبيتي


وانت شاعر كبير وقدير يابو مطر

وسع صدرك يابو مطر والسالفه تراها بسيطه

وكل قاري متذوق ل الشعر يدرك انها اخطاء مطبعيه واملائيه ،،،،،،،،،وليست اخطاء شعريه

ويجب علينا /ان نبدي راينا/ونتقبل الراي الاخر ،،مهما كان،،،،،،،واختلاف الراي لايفسد للود قضيه

وسمحلي يابو مطر لاعدمتك /اوضح لاخونا قاسي،،،،،الاول خطاء مطبعي مثل ماوضح لك ابو مطر

واما بالنسبه لملاحظتك الثانيه(اليامي) انا اعتقد انه خطاء املائي(اللئامي) اي جمع ،،لئم

(الكريم اللي نضد به اللئامي) وعلى هذا،،،فالشطر غير مكسور

هذا ما اردت ايضاحه

صح لسانك يابو مطر وتقبل مروري وخالص تحياتي

صح بدنك يابوجزاء

ولاعليك زوطال عمرك

وسعت الصدر مطلوبه و نعمه ونقصها نقمه ولاكن الملاحضة على مايقال اما على مالم يقال ملاحضه بحدذاتها اولى بان تلاحض ولايعني ملاحضتها زعل
ثانيا
اشكرك جزيل الشكريابو جزاء على ملاحضتك انت بالذات والي هي عين الصواب بالفعل
لاعدمتك
تحياتي

[فايز بن سرحان الثبيتي]

زال ابن ظيدان حولي ماعليـه
الكريم الـي نضدبـه اليامـي
والثبيتي من عصور الجاهليـه
محزمن طيب ليا اشتد الحزامي



رااائع يابو مطر رائع صح لسانك "

والمعذره على التاخير في الرد لكن الاتصال يخربها معنا احيانا ً


وماعليك زود في كل ماذكرت والوكاد ان العقيد ثامر بن ضيدان يستاهل الطيب "

قصيده استمتعب بقراءتها للأمانه "

[فيصل مطر]

زال ابن ظيدان حولي ماعليـه
الكريم الـي نضدبـه اليامـي
والثبيتي من عصور الجاهليـه
محزمن طيب ليا اشتد الحزامي



رااائع يابو مطر رائع صح لسانك "

والمعذره على التاخير في الرد لكن الاتصال يخربها معنا احيانا ً


وماعليك زود في كل ماذكرت والوكاد ان العقيد ثامر بن ضيدان يستاهل الطيب "

قصيده استمتعب بقراءتها للأمانه "

مشرفنا القدير/فايزبن سرحان
صح بدنك
ولاعليك زود وتستاهل الخير يابن سرحان
والراااايع مرورك
طال عمرك
تحياتي

[خالد بن تركي المقاطي]

ابن مطر صح لسانك يا مبدع

[فيصل مطر]

ابن مطر صح لسانك يا مبدع

صح بدنك

وشكرا لمرورك يالطيب

تحياتي