الغريب أن البخيل يموت قبل تموت شاته

[متذوق الشعر]

طاروق فايف ستار اعجبني وحبيت انقله لكم

وعفاكم


زبن القاضي:

ياسليم اهل الكرم واهل اللوازم والحميه
البدايه بالسلام ورحمة الله وبركاته
ياصقر عندي سوال يدور من حوله قضيه
الخوي عند الرجال اهل الوفاء وش واجباته

صقرسليم:

ياعتيبه ماعليكم زود والدنيا مديه
مرحبابك عد من هلل وكبر في صلاته
يازبن عندي جواب يسد في كلمتك ذيه
الخوي تدمح خطياته ويجزاء بحسناته

زبن القاضي:

الحياه دروس والدنيا دوايرها قويه
كل واحد قدم وجهه مايقدم في حياته
والله اني ضد من يقصد خويي بالخطيه
مير صقرسليم من طيبه ياكثر مجاملاته

صقرسليم:

التجارب ماتعلم فاقدين المعنويه
والغريب انك تسوي طيب ويعود شماته
والمجامل كان ماتدري سياسه عالميه
العرب تضحك مع الرجال لو تبغاء ذكاته

زبن القاضي:

مقبلن عيد رمضان ومقبلن عيد الضحيه
والغريب أن البخيل يموت قبل تموت شاته
الشجاعه طبع فينا من عصور الجاهليه
من يخاوينا نبيها فيه ميزه من صفاته

صقرسليم:

كان عينك فالشداد اللي على ظهر المطيه
لاتقول أن البخيل يشح وتسوي سواته
الشجيع اللي بليا عرف يضوي للمنيه
وانت خابر جدك المرحوم وش سبة وفاته

زبن القاضي:

الشداد شداد جداني مقدين السريه
والغني خاوه وتغناء يالبقيلي من غناته
جدكم فردان فالسلمان مايوجد حليه
وجدكم بنات جاب عياله اكثر من بناته

صقرسليم:

مانبا ندخل عليكم فالامور الداخليه
البقيلي في غناة الله ويعطيكم زكاته
البلا في جدك اللي كان راعي لرعيه
ثم راحت ف يدين القوم والحقهم عباته

زبن القاضي:

انت مالك موهبه ماجاك موروث اوصيه
الموصي بعد ماوصى تراجع عن وصاته
ليتكم جيتو مع الجمعين في وقت ضحويه
ماتوخرتو ورحتو حب مدرجه رحاته

[عثمان الثبيتي]

الله
ابونهار
وابو تركي
عمالقه مبدعين دايما


طاروق عالمي وممتع

شكرا لك يامتذوق الشعر

[صارم عتيبه]

متذوق الشعر لاهنت يالغلا

نقل مميز تشكر عليه

ولاهنت

ودي واحترامي

[ابو فايح]

طاروق ابداااااع

ونقض وفتل جميل جدا


صحت السنتكم

ولاهنت على النقل

[متذوق الشعر]

عثمان الثبيتي

صارم عتيبه

ابوفايح


اسعدني مروركم وتشريفكم متصفحي

والله لاهينكم

[طلب الشيباني]

طارؤق عالمي بصرآحه ..



والقآضي ابدع بعنف ؤصقر شهآدتي فيه مجرؤحه ..



تحيآتي

[رائد الكيرعاني القحطاني]

البيت ذا يالرّبع غريب جدّا ما تحسّووون









البخيل آخر من يموت ههههههه







كيف يموت قبل شاته ؟!

[متذوق الشعر]

طارؤق عالمي بصرآحه ..



والقآضي ابدع بعنف ؤصقر شهآدتي فيه مجرؤحه ..



تحيآتي


العالمي مرورك وتشريفك متصفحي

شكراً لك

[متذوق الشعر]

البيت ذا يالرّبع غريب جدّا ما تحسّووون









البخيل آخر من يموت ههههههه







كيف يموت قبل شاته ؟!


الغريب انك تفتي بما لاتعلم ياكيرعاني

[رائد الكيرعاني القحطاني]

البركة فيك يا المتذوّق ×_,




نورنا الله يفتح عليك

[ابو عاتق]

ياكرعاني

اغلب المتصفحين متذوقين لكن ماتعرف كثير في الشعر

ونبغاك توضح لنا وجهة نظرك في البيت بما أنك شاعر ومعروف

ارجو التوضيح لا التلميح

[فهد علي العازمي]

البيت ذا يالرّبع غريب جدّا ما تحسّووون









البخيل آخر من يموت ههههههه







كيف يموت قبل شاته ؟!

هذا مثل دارج عندنا وهو : (( راعي شاه ما أكلها ))
يعني إنه مات عنها ما أكلها

[عبدالمجيد النفيعي]

أبيات جزلة حكيمة من الطرفين ، صح الله السنتهم ، ولاهنت أخوي متذوق

[متذوق الشعر]

ياكرعاني

اغلب المتصفحين متذوقين لكن ماتعرف كثير في الشعر

ونبغاك توضح لنا وجهة نظرك في البيت بما أنك شاعر ومعروف

ارجو التوضيح لا التلميح


ابو عاتق

تشرفت بتشريفك متصفحي

اما الكيرعاني أن كان شاعر معروف مثل ماتقول وهذا كلامه غريبه مع العلم اني اول مره اسمع به أنه شاعر معروف.واعتقد أن ماعنده اي توضيح الا على ماقايل لغرض ً في نفس يعقوب.

[متذوق الشعر]

هذا مثل دارج عندنا وهو : (( راعي شاه ما أكلها ))
يعني إنه مات عنها ما أكلها


مرحبا فهد

فعلاً العارف لايعرف

تشرفت بمرورك الكريم

[متذوق الشعر]

أبيات جزلة حكيمة من الطرفين ، صح الله السنتهم ، ولاهنت أخوي متذوق


الله لايهينك ياعبدالمجيد