من يبى يلعب من الشعار مفتوح المجالي

[ربيع الرشيدي]

سلام واللي يبى يلعب يحضر هنا ---- في ليلة الجمعة الشعار ياقلها
بعض الدعاوي تهم القوم وتهمنا ----- الله وكبر وعقدة حبل وش حلها

[بندر المقاطي العتيبي]

الله الله


صح لسانك يا ربيع


و صح لسان قبيلك مقدماً


و الصف صفك ولا يهون قبيلك

[ربيع الرشيدي]

صح بدنك يابندر
والصف يزهابك

[محمد بن سمار الحنان]

صح السانك والصف عبسي

[عبدالمجيد الثعلي]

يامرحبا ياهلا . ماغيرك أنته . وأنا =لكن فرض الصلاه الواجبه . صلها
اللي بنا ماهدم واللي هدم مابنا=وألا صعاب الدروب إن طالت ندلها

[ربيع الرشيدي]

صح بدنك يامحمد الحنان وعادتك الطيب

[ربيع الرشيدي]

يامرحبا ياهلا . ماغيرك أنته . وأنا =لكن فرض الصلاه الواجبه . صلها
اللي بنا ماهدم واللي هدم مابنا=وألا صعاب الدروب إن طالت ندلها

بعض العرب يطلب الراحة يجيه العنا ----- والا الرشيدي لاطب الدار يحتلها
عليك نور اعرف اللي ليك واللي لنا-----------يقطعك يالشجرة اللي قاصرٍِن ضلها

[عبدالمجيد الثعلي]

عشانك تقول . أبونا آدم. وحوى أمنا=من رحمة الله رحمنا أحوالكم كلها
عليك كل النجوم تشع من يمنـّـا=حجتك لاتشربّ الماء ألا عقب بلهـا

[ربيع الرشيدي]

عشانك تقول . أبونا آدم. وحوى أمنا=من رحمة الله رحمنا أحوالكم كلها
عليك كل النجوم تشع من يمنـّـا=حجتك لاتشربّ الماء ألا عقب بلهـا

هدمتم البيت ياللي معتني فالبنا -------- تبغى النجوم المطلة كيف تاصلها

عبدالمجيد اجودي لكن يومه دنا ----- واللي لياليه طافت ويش يعملها

[عبدالمجيد الثعلي]

ضيف ٍ تعشى العشاء بالعافيه والهناء=النار حيـّـه وأنا الضيفان حيّ ٍ لها
بتنا المساء بعرفه والصبح نرم ّ بمنـى=والناس ما أفتي ولا أحرّم وأحللها

[الغضنفر]

صحة الاسن والقلوب وصف صفك ياالثعلى ولاهان ربيع الرشيدي

[عبدالمجيد الثعلي]

صحة الاسن والقلوب وصف صفك ياالثعلى ولاهان ربيع الرشيدي


حياك الله وصح بدنك

والصف يفخر بوجودك فيه


ألف شكر

[ربيع الرشيدي]

ضيف ٍ تعشى العشاء بالعافيه والهناء=النار حيـّـه وأنا الضيفان حيّ ٍ لها
بتنا المساء بعرفه والصبح نرم ّ بمنـى=والناس ما أفتي ولا أحرّم وأحللها


اللي يعشي ضيوفه ماجحد له ثنا------ خلك ولد ياولد ثعلي وصاخلها


هذي وانا اخوك مشيها على غيرنا ------- ماودي اسحب سيوف الهند واسلها

[ربيع الرشيدي]

تصبحون على خير اخواني
وصح لسانك اخي الشاعر عبد المجيد والدعوى كلها مزوح وتسلية فقط

[عبدالمجيد الثعلي]

سبحانه اللي مايفنى وماخلقّ . للفناء=مايمهل الخلق . سبحانه لو أمهلهـا
مفضوح وجه الفقر من شوف وجه الغنى=من دون ما أشوف . يظهر دقها وجلها

[عبدالمجيد الثعلي]

صح بدنك وتشرفنا بك لاهنت يالرشيدي

ونسعد بتواجدك في محلك الثاني

[مشهور الحربي]

عبدالمجيد وربيع صحت الالسن والقلوب

[عثمان الثبيتي]

صحت السنكم مبدعين