الى من يهمه الامر (جديد)

[ضاوي العصيمي]

ياللي على شاني تسوق المناجيب=اسمع كلامي زين قبل المواجه
العرف وهبه والقصايد مناديب=رسايل العراف في كل حاجه
خصٍ ليا كانت من اهل التجاريب=يلقى فطين القلب فيها علاجه
وانا ابذل المجهود واحاول اصيب=عين الهدف والا تجي في حجاجه
وان كان ماصابت هدفها على الطيب=علقتها مالي ومال اللجاجه
يعذرني الطيب وراع العذاريب=جعله يولع في غيابي سراجه
صدي عن النمام حكمه وتاديب=اليا سفهت اللاش زاد انزعاجه
اللي تربى فوق شذب العراقيب=ومايشذب العرقوب غير الحلاجه
لو طال ريشه ماتطول المخاليب=وش عاد لو يطّول جناح الدجاجه
ماهو مطيرها لروس المراقيب=لافوزتبه صار فيه انعواجه
قولوا لبو وجهين شين الهناديب=اللي يبا الدنيا تصير بمزاجه
بعض الهقاوي ماوراها مكاسيب=وبعض الحلوم المستحيله سماجه
عممتها على نظام المكاتيب=واللي يحس ابها يدوّر خراجه
ومحشوم منها اللي يعرف المواجيب=ذخر القروم اللي بعيدٍ رواجه
اللي كسب من منهج الدين تهذيب=ومن اعتصم بالله تعلت دراجه
ماهو على ربعه قريّب محاضيب=ولاهوب على الدبكه يثّور عجاجه
ولايلتفت لمروجين الاكاذيب=ولاكل سوقٍ يشتري من حراجه
وختامها الظن الردي فى الاصاحيب=يكسر غلاهم مثل كسر الزجاجه
مع تحيات =ضاوي العصيمي

[سعد بن مطلق المقاطي]

صـــدي عـــن الـنـمـام حـكـمـه وتــاديــب =الــيـــا سـفــهــت الـــــلاش زاد انــزعــاجــه


الله الله


صح لسااااااااانك والله يصلح شان ها النمونه

والله لايكثرهم رغم انهم ماجودين وبكثره

[سلطان السليفي]

الله الله. من لا يعرف.
ضاوي. العصيمي.

هًكذا الشعر والابداع.


وختامها*الظن*الردي*فى*الاصاحيب يكـسـر*غـلاهـم*مـثـل*كـسـر*الزجـاجـه

وكلها ذهب. يا ضاوي

[قـنـاص الـقـوافي]

الـعـرف وهـبـه والقـصـايـد مـنـاديـب رسـايـل الـعــراف فـــي كـــل حـاجــه
خـصٍ ليـا كانـت مــن اهــل التجـاريـب يلـقـى فطـيـن القـلـب فـيـهـا عـلاجــه

الله الله

صح لسانك ولاهنت ياضاوي
عزالله انك ارويتني شعر

تحيتي لك

[نهاب العتيبي]

لله درك على هذه الدره الراقيه
التي من اول بيت الى اخر بيت

كل بيت افضل من الثاني

حاولت اختار بيت واعلق عليه

ما قدرت كل بيت اعذب من الثاني

ما فيك حيله فالك المليون

واكيد الناس المقصوديبن يعرفون انفسهم واللي طلعته يستاهل

وكل اناء بما فيه ينضح وهل الدين يستاهلون التقدير

[الغضنفر]

صح لسسسانك وبيض الله وجهك ياجزل

[غالب ابو كتيفه]

مبطين عن ابداعك يابو زياد
صح صح لسااااااااانك مليار ولايكفي
عز الله انا بلشانين في ها النوعيه الله لايكثرهم 0
تقديري

[حمود بن خيشوم العصيمي]

وان كان ماصابت هدفها على الطيـب =علـقـتـهـا مــالــي ومــــال الـلـجـاجــه

صح لسانك يابو زياد خليفة كديميس

لشعرك حضور لايشابهه أي حضور

تحيتي

[صارم عتيبه]

عزالله انك صرفت درر ثمينه

كلمه شاعر قليله بحقك

صح لسانك يالسان الشعر

ودي. واحترامي

[ضاوي العصيمي]

سعد المقاطي

هلابك وصح بدنك يالغالي

والف شكر على الاشادة

[وصل الشهيب]

هلا بالشعر وراعيه
صح لسانك
شاعر كبير ومعروف بجزالت قصايده
تحياتي

[اللواء]

صح لسانك ياضاوي وابداعك غير مستغرب
التقييم تستاهل5نجوم

[عجاب الدغيلبي]

صح لسانك على هذه الدرر الثمينة

[ضاوي العصيمي]

سلطان السليقي اشادتك افخر بها

هلابك يالغالي

[ضاوي العصيمي]

قناص القوافي

الف شكر على الاطراء واعجابك وسام فخر

لاعدمتك

[ضاوي العصيمي]

نهاب هلابك وباعجابك

ومافيه احد مقصود بعينه هذه قصيدة عامه تستهدف فئة من المجتمع
وليست موجهة لشخص محدد

[ضاوي العصيمي]

الغضنفر

صح بدنك ويامليون هلابك يالغالي

[ضاوي العصيمي]

مبطين عن ابداعك يابو زياد
صح صح لسااااااااانك مليار ولايكفي
عز الله انا بلشانين في ها النوعيه الله لايكثرهم 0
تقديري

ابو مشعل اشادتك فخر وتاج على الراس

يامليون هلابك

[ضاوي العصيمي]

وان كان ماصابت هدفها على الطيـب =علـقـتـهـا مــالــي ومــــال الـلـجـاجــه

صح لسانك يابو زياد خليفة كديميس

لشعرك حضور لايشابهه أي حضور

تحيتي


هلا يابو فهد

اشادتك بقصيدتي اضافة وتشجيع لي على الاستمرار ومضاعفة الجهود

[ضاوي العصيمي]

صارم عتيبة

اشادتك وسام فخر لاعدمتك

[فهد السدر]

الله الله الله
صح لسانك يابو زياد
رائعة ولاتستغرب لأنها من شاعر رائع
تقبل تحياتي,,,

[ضاوي العصيمي]

شاعرنا وصل الشهيب حضورك واشادتك اضافه لاعدمتك يالغالي

[عايض جزاء العصيمي]

صح السانك ياضاوي

[ضاوي العصيمي]

الغالي (( اللواء ))

هلابك واشادتك وسام طال عمرك ولك تقديري

[أبو جميل العتيبي]

قصيدة جزلة من شاعر جزل صح لسانه

[ضاوي العصيمي]

اشكركم جميعا على الاشادة ويامليون هلابكم

[ضاوي العصيمي]

اشكركم جميعا ويامليون هلابكم

[فهيد مقعد الرويس]

لله درك شاعرنا الرائع

ضاوي لاتاتي دائما الابالمميز والمفيد

والله لايكثر هالنوعيات اللي تكلمت عنها وفعلن الصد عنهم تاديب ويزيد انزعاجهم

تقبل اطيب تحيه

[أبوضاري]

صدي عن النمـام حكمـه وتاديـب:::::::: اليا سفهت الـلاش زاد انزعاجـه
صح لسااااانك وسلم منطوقك .

[هذال ضاوي الشيباني]

صح لسانك مبدع