من بيوت الشعر وبنود القصيد انتجنا

[عبدالله العايضي]

السلام عليكم ورحمة الله مساااكم الله بالخير هذي اول مشاركه لي في هذا المنتدى ولا استغني عن نقدكم وتحليلكم وتوجيهكم


ياسلام الله عليكم من عريب المجنا=ياعتيبه ياخوال محمد العدناني
من بيوت الشعر وبنود القصيد انتجنا=درة حروف القصايد من عصر جداني

[عبدالله العايضي]

عسى ربي يجيب الشاااعر

[فهيد الايدا المورقي]

عبدالله العايضي صح لسانك


ياعبدالله بدايه طيبه بس لو خليت قافية الصدر على حرفين كان يسهل الطاروق ويسري


انت جبتها على ثلاث حروف(جنا) الجيم والنون والالف لوكان حرفين (نا) النون والالف


كان اسهل


تحيتي

[عبدالله العايضي]

حيااااك الله يافهد اللي تبي يصبر بس دور لي شاااعر هههههه

[ابراهيم الحيسوني الحربي]

صح لسااااانك
بدايه طيبه ومبدا كايف

[عبدالله العايضي]

صح بدنك ولازلنا ننتظر شعاار عتيبه

[عبدالله العايضي]

استغرب من شعااركم تواجدهم بالصفحه ولاردووو
ع العمووم انتظرت بمااا فيه الكفاايه تصبحوون على خير

[مجول بن جلال المقاطي]

مرحبا بالشاعر اللي سلم وهرجنا = عايضي والعايضي من اية العرباني
كان ماتقدر تناحي بالشعر منهجنا = استرح خل العنا ومصادم الفرساني

[عبدالله العايضي]

مرحبا بالشاعر اللي سلم وهرجنا = عايضي والعايضي من اية العرباني
كان ماتقدر تناحي بالشعر منهجنا = استرح خل العنا ومصادم الفرساني

البقاا لو لا غلاكم ياعرب مادجنا=من مضارب عبس سقت الرجل للعتباني
من رصيدك يالمقاطي صاحبي محتجنا=لو اباخذ من رصيدك شفتني عطشاني

[حمدان يوسف الصبيحي]

الله الله
صحت الالسن والقلوووووووووووووووووووووب

[فلاح الواهبي الشهراني]

مجول انت تلعب طاروقين في وقت واحد وش ذا

[مجول بن جلال المقاطي]

البقاا لو لا غلاكم ياعرب مادجنا=من مضارب عبس سقت الرجل للعتباني
من رصيدك يالمقاطي صاحبي محتجنا=لو اباخذ من رصيدك شفتني عطشاني





جيتنا ياضيف واللي بجيتك حوجنا = النصيب اللي يحد فلان عند افلاني


عن مواقيع الفلس حنا ترا عرجنا = نترك علوم الفلس لقصير الجنحاني