ربعي آلاد سليف

[عبدالله جبارالعتيبي]

بسم الله الرحمن الرحيم
أعضاء وزوار منتدى عتيبه الهيلا
السلام عليكم ورحمة الله وبركاته

(مساء/صباح)الخير::


ياناشدٍ عني ترى طيرهداد=وقت الهدديعجبك لشهرسلاحه
راسي عـن الهيبـات ماهـو بمعتـاد=ونشد هل الوقفـات فـي كـل ساحـه
ربعي آلاد سليف من ماض الأجداد=أهل الكرم والطيـب وهـل السماحـه
تاريخهم نـارٍ علـى روس الأشهـاد=لاعــدو العتـبـان فاصـبـع وراحــه
وفزعاتهم تشفـي وتحرقلهـا أكبـاد=لاثارت الهيجـاء وسمعـت بصاحـه
وعدوهـم يُحـرم مـن النـوم والـزاد=ماهوبكيفـه كـان تبـغـى الصـراحـه
لنـه يعـرف سليـف فـي كـل معيـاد=والله ليبـطـي دوم مـــاذاق راحـــه
نـرجـع لــلآد مـقـاط ومـقـاط رواد=فرض المعارك من زمـان القماحـه
ياعـزوة الأمجـاد مـن أمـة الـضـاد=يامنبـع التـاريـخ وهــل الفصـاحـه
فيكم صفات الطيب عن كل الأعباد=وفيكم دهاة الحـرب وهـل الجراحـه
وفيكم رجال العرف والناس شهـاد=وفيكـم رجـال الشعـر زيـنٍ قـراحـه
ياويـش أبـا عـدد ولوكنـت قـصـاد=تعبت حروف الشعر مابـه مساحـه
بالمخـتـصـر .والله. والله .يـجــواد=ماهمـنـا الحـسـاد وهـــل النـيـاحـه
هـذا كـلام الصـدق وآنـا أبـو بجـاد=حنـا هـل الوقفـات فـي كـل سـاحـه

عبدالله المقاطي

[فهد العازمي العتيبي]

،،


والله ونعم بالسلفه والمقطه كلهم

وصح لسانك يا ابن جبار على هذه الرائعه .

[عزارم]

،،


والله ونعم بالسلفه والمقطه كلهم

وصح لسانك يا ابن جبار على هذه الرائعه .

[عبدالله جبارالعتيبي]

،،


والله ونعم بالسلفه والمقطه كلهم

وصح لسانك يا ابن جبار على هذه الرائعه .




ماعليك زود يافهد


وصح الله بدنك

شرفت ونورت

[سعد بن مطلق المقاطي]

ماهـمـنـا الـحـسـاد وهـــل الـنـيـاحـه



ونعم والله فيك وفي ربعك وافي ياعبد الله وفيت وكفيت


صح لساااااااانك وعلا شااااااااااااانك

[فيصل مطر]

طيرن على الهيبات ماهوب معتاد

ونعم

وصح لسانك ياعبدالله

[عزام العصيمي]

طيرن على الهيبات ماهوب معتاد

ونعم

وصح لسانك ياعبدالله




هههههههههههههههههههههههههههه

[فيصل مطر]

طيرن على الهيبات ماهوب معتاد

ونعم

وصح لسانك ياعبدالله


صح لسانك مرتن اخرى يابوجبار

كلمة(طيرن بدل راسي)غلط عفوي قصدي

راسي على الهيبات ماهوب معتاد

وتقبل مروري

مع التحيه

[عبدالله جبارالعتيبي]

،،


والله ونعم بالسلفه والمقطه كلهم

وصح لسانك يا ابن جبار على هذه الرائعه .




ماعليك زود

ياعزام

صح الله بدنك

[عايض جزاء العصيمي]

والله ومليون نعم ابك وبالسلفه وبالمقطه كافه

صح لسانك يابو جبار


تقبل مروري مع خالص تحياتي

[عبدالله جبارالعتيبي]

ماهـمـنـا الـحـسـاد وهـــل الـنـيـاحـه



ونعم والله فيك وفي ربعك وافي ياعبد الله وفيت وكفيت


صح لساااااااانك وعلا شااااااااااااانك


ماعليك زود يبن مطلق


وصح الله بدنك


شرفت ونورت

[مرزوق حمدان العتيبي]

..

.

كفو وصح لسانك يابن جبار ...
...

[(مہودع دنہيأهہ)]

والله ونعم مليون ببني عمنا السلفه والمقطه جميع ولا تسدهم وصح لساانك ملايين ياعبدالله


تقبل مروري:وننتضر جديدك


اخووووك

[عبدالله جبارالعتيبي]

طيرن على الهيبات ماهوب معتاد

ونعم

وصح لسانك ياعبدالله


ماعلاك زود يافيصل

وصح الله بدنك

وصحيح على بدل عن

سلمت

[وصل الشهيب]

صح لسانك وسلم بنانك

ونعم ومليون نعم بربعنا السلفه وبجميع المقطه

الله الله يازمان كان

كنت في بداية العشرينات من العمر. أخاوي شاعرنا الكبير المرحوم /محمد بن تويم الثبيتي رحمه الله


للإستفاده من محاوراته مع كبار الشعراء لا للمشاركه

وكان له محاورات قويه جداً مع الشيخ الشاعر / قبلان بن ريف رحمه الله

كان شيخ حكيم وشاعر كبير في شعر المحاوره

ونعم الشيخ الله يرحمه ونعم القبيله السلفه . بدون قصور في كل القبايل

تحياتي

[عبدالله جبارالعتيبي]

والله ومليون نعم ابك وبالسلفه وبالمقطه كافه

صح لسانك يابو جبار


تقبل مروري مع خالص تحياتي



ماعلاك زود يابو جزاء


وصح الله بدنك


ومرورك شرف ياعايض

[عايش دحيم العتيبي]

صح لساااااااانك وعلا شااااااااااااانك

تقبل مروري
يبو بجاد

[عبدالله جبارالعتيبي]

..

.

كفو وصح لسانك يابن جبار ...
...



ماعلاك زود

وصح بدنك

يابو حمدان

[عبدالله جبارالعتيبي]

والله ونعم مليون ببني عمنا السلفه والمقطه جميع ولا تسدهم وصح لساانك ملايين ياعبدالله


تقبل مروري:وننتضر جديدك


اخووووك


مودع دنياهه


ماعليك زود يابن العم


وصح الله بدنك


ولاهنت

[عبدالله جبارالعتيبي]

صح لسانك وسلم بنانك

ونعم ومليون نعم بربعنا السلفه وبجميع المقطه

الله الله يازمان كان

كنت في بداية العشرينات من العمر. أخاوي شاعرنا الكبير المرحوم /محمد بن تويم الثبيتي رحمه الله


للإستفاده من محاوراته مع كبار الشعراء لا للمشاركه

وكان له محاورات قويه جداً مع الشيخ الشاعر / قبلان بن ريف رحمه الله

كان شيخ حكيم وشاعر كبير في شعر المحاوره

ونعم الشيخ الله يرحمه ونعم القبيله السلفه . بدون قصور في كل القبايل

تحياتي

الشاعرالكبير/وصل الشهيب

ماعليك زود يبن ثبيت وصح الله بدنك ولاهنت

ومرورك شرفنا

والله يرحمهم برحمته راحو ولازال ذكرهم باقي

وهذه أحدى محاوراتهم المشهوره::

محمد الثبيتي :
ســـلام رديـــة معانـيـهـا كـمــا سـكــر نـبــات من شاعر اشواته جمل والنار من شبابها
يـالابـة الـلـى تعـرفـون الـــوارده والـصــادرات خيـال مـا يـدحـم جـبـل والـنـار مــن شبابـهـا
قبلان المقاطي :
يامرحبـا باللـى لفونـا بالسـبـول المقـدمـات والليلـة المعـنـى دبــل والـنـار مــن شبابـهـا
ياابن تويم الجـم مايصفـى وفيـه ادغيلبـات مار اذكروا بعض المثل والنار من شبابها
محمد :
لـيـلـى ولـيـلــك يـعـلــم الله مـاتـهـنـا بـالـمـبـات عطنى صبـر وألا عسـل والنـار مـن شبابهـا
تقول تركت الشعر ياناس لى خمس سنواتوالليـلـة نشـوفـك فـحـل والـنـار مــن شبـابـهـا
قبلان :
وابوك أنا معرف علومك مير فيك مصوقعات والفـار عانـه فـي الدحـل والـنـار مــن شبابـهـا
دار الفحـل بيـن النحـل لوكـان رؤس النائفـات وأنــا بعـيـد عــن الجـهـل والـنـار مــن شبـابـهـا
محمد:
طويت بشت المطوعة وتقول لي هاكم وهاتوات مـس فـي رأس الحبـل والنـار مـن شبابـهـا.
وأنـا أتشـرف يـوم أصـادف لـي رياجيـل ثـقـات كــب الضعـيـف والهـبـل والـنــار مـــن شبـابـهـا
قبلان:
ظلمتـنـى ماجيـتـنـى ينـشـلـك رب الحـائـمـات تبـا المهـج مـع السهـل والنـار مـن شبابهـا
أما اعتدل مثل العرب وألا علاك الموجفات عطني من القنعة عدل والنار من شبابها.
محمد :
تمزح وتضحك من عجب بين الجموع الحاضرات وأنــا طفـشـت مــن الـزعـل والـنـار مـــن شبـابـهـا.
ماازينـك يازيـن الشمـس تشـدى لنقـل المثمـنـات واصـحـى برجـلـك والـوحـل والـنـار مـــن شبـابـهـا.
قبلان:
ترى السوالف مرسية مثل الجبال المرسيات مـا ينهبـل غيـر الخبـل والنـار مـن شبابـهـا.
يالله ياللـى مطـلـع فــوق الأمــور الخافـيـات أنـك تطـول فـي المهـل والـنـار مــن شبابـهـا
محمد :
يا شيخ من شيخاننا عاقل وفيك معدلات تصغى موازين العدل والنار من شبابها .
مير أرتجى فيك رغم أن المعاني قاسيـات ما خاب ظنى والأمل والنار من شبابها .
قبلان :
أنته ترجى في وأنته مثل ملك الموت ماتكـــل يـواتـيـه الـعـمـل والـنــار مـــن شبـابـهـا
وا ونتي ونيـت مـن وقـت يضيـم المرزمـات والحـق ماغيـره عــدل والـنـار مــن شبابـهـا
محمد :
خمس ليالي جت عليه ياقبلان كيف جات كـــلام يـنـفـاه الـعـقـل والـنــار مـــن شبـابـهـا
عقدتـهـا تعقـيـد يـاراعـي الـحـبـال المثـقـبـات أبـراردى ماأنتـه عــزل والـنـار مــن شبابـهـا
قبلان :
وأبوك أنا مانى سوات اللى يحب المجهمات رقاى في علـط النخـل والنـار مـن شبابهـا .
أبك أنت ماتدرى بعيد عن العلوم الحاصلات لكـن توعيـك الحـجـل والـنـار مــن شبابـهـا .
محمد :
هذا عقالي يا عتابه يا السيوف المرهفات يا قيل من قال وفعل والنار من شبابهـا .
لا واحليـلـك ياالعـلـوم الـلـى تجيـنـا طـيـبـات شبابـكـم عــود كـهـل والـنـار مـــن شبـابـهـا
قبلان :
ترى الوعد بكره ضحى مضمون واللى فـات فـات اهــرج وأبــا اعطـيـك الـبـدل والـنـار مـــن شبـابـهـا
بعض العرب يسعى مع المسعى وكب الموجبات مـن يعتـرض دون الهمـل والـنـار مــن شبابـهـا .
محمد :
تقول عديـت الجبـل وتقـول هديـت الصفـات قـضـيـة فـيـهـا خـلــل والـنــار مـــن شـبـابـهـا
واللى تعرض في العلوم الواضحات البينات قلبك عنه وشبه جفل والنـار مـن شبابهـا.
قبلان:
الوسم فـي جنـب الجمـل عيـت تغطيـه العبـات احرص نخلك من الجعل والنـار مـن شبابهـا.
أنا على سلم العرب ماأعطى طريق البائهات ياللى عـن الطرقـة عـدل والنـار مـن شبابهـا.
محمد :
ياربـعـنـا مـــا طــائــرات ألا وهــــن مـوقـعــات فتـحـت بــاب وانقـفـل والـنــار مـــن شبـابـهـا
ودى علوم سبيع والمطران جات مجاملات لا يسمعون بها الدول والنار من شبابهـا.
قبلان :
ناديتنـى جـوف العـرب وأنـا مـاأرد المقبـلات صريـت ديسـك وانبهـل والنـار مــن شبابـهـا
ماعاد أفوتك لو تطير مع الطيور الطائرات يكـون صـائـدك الـرقـل والـنـار مــن شبابـهـا
محمد :
نوخ لحملك ياجمل شيل الحمول المثقلات لو كان صايبك الشلل والنـار مـن شبابهـا
أنا كما قال المثل ماشى على عز وثبـات وأنتـه محالفـك الكسـل والنـار مـن شبابهـا
قبلان :
أخذت من دمك ذواقة في السنين السابقات من بعدها جسمك نحل والنار من شبابهـا.
حالف لأصيبـك فـي ذنوبـك لـو تعدالمزبنـات أمسك في وقت الأجـل والنـار مـن شبابهـا.
محمد :
قلبك على أسود ويظهر لي عيونك خائنات ياعمنـا علـى المهـل والنـار مــن شبابـهـا .
يوم الثلاث البيض تنشـر والسوائـر سائـرات مـاراح لـي حقلـة بصـل والنـار مـن شبابـهـا
قبلان :
أنتـه بعيـد عـن الطـرد يــم الفـنـون السابـحـات يـدرى بهـا قـلـب العـجـل والـنـار مــن شبابـهـا.
حاذور من دين العرب ترى المتوع امسمحات عطنـى ذهـب خـل الهلـل والـنـار مــن شبابـهـا
محمد :
الــرأى واجــد والــدروب مرتـبـة بمـوصـلات يا شاعـر فيـك الملـل والنـار مـن شبابهـا
ياأبو مثائل في معانيها صحون محذقات كب العجائب والهول والنار من شبابها .

[وصل الشهيب]

ياسلام ياعبدالله ياسلام
بيض الله وجهك يبو عبدالجبار

الله يرحمهم ويرحم جميع أموات المسلمين

ياخوك
محاوراتهم كثيره . إذا كان عندك منها شي . نزلها في قسم المحاورات المنقوله .
صحيح ماتوا ولكنهم أحياء في قلوبنا بالذكر الطيب .الله يرحمهم ويسكنهم الجنه

تحياتي

[عبدالله جبارالعتيبي]

ياسلام ياعبدالله ياسلام
بيض الله وجهك يبو عبدالجبار

الله يرحمهم ويرحم جميع أموات المسلمين

ياخوك
محاوراتهم كثيره . إذا كان عندك منها شي . نزلها في قسم المحاورات المنقوله .
صحيح ماتوا ولكنهم أحياء في قلوبنا بالذكر الطيب .الله يرحمهم ويسكنهم الجنه

تحياتي


وجهك أبيض ياوصل


الله آمين


الموجوده عندي نزلتها لاكني ببحث عن محاوراتهم الأخرى ون شا الله بحصلها ونزلها


لاهنت ياذيبان

[عبدالله جبارالعتيبي]

صح لساااااااانك وعلا شااااااااااااانك

تقبل مروري
يبو بجاد


أبودحيم


صح بدنك وسلمت


شرفتنا يالغالي