تسجيل الدخول

مشاهدة النسخة كاملة : ذكريات والم


ابن سلوم الهيلوم
30-Mar-2012, 03:17 AM
يابيت مرت سنه وشهور قلبي حزين
0000000عقب السنين الجميله عودت ذكريات

من اول اذكر بشوفك ما مضى من سنين
0000000واليوم شوفك يزيد جروحي الغايرات

اقضي نهاري وليلي للمواجع رهين
0000000وابواب صدري على ماصابني مغلقات

اغلقت بابك عصير وجيت اجر الونين
0000000عسى عيوني تجوز من الدموع وتبات

عقب الونس صرت موحش كل مافيك شين
0000000والحزن يكتب على ابوابك حروف الشتات

اصد واجحد صوابي والحقايق تبين
0000000واحن وابكي على وقتن تعدى وفات

صابر وصبري تعدى طاقة الصابرين
0000000وايام عمر الحزين المقبله مقفيات

البعد فجر شظايا الشوق حب وحنين
0000000يوم القدر جا يسل سيوفه المرهفات

وامسيت كني على كل الجرايم سجين
0000000وش حيلتي في القدر واحكامه الجايرات

اشوف مقلع طميه كل حزه وحين
0000000وشوفي لها ماتحقق والامل فيه مات

واليوم حالي يسر ويسعد الحاسدين
0000000اللي يحسدون الارض من المطر والنبات

عايض جزاء العصيمي
30-Mar-2012, 03:27 AM
اللي يحسدون الارض من المطر والنبات

مبدع كعادتك دائما

صح لسانك

تحياتي

محمد الذيابـــي
30-Mar-2012, 04:53 AM
الهيلوم شاعر مبدع كعادته



ودي وتقديري يالهيلوووم

ابن سلوم الهيلوم
03-Apr-2012, 04:24 PM
صح بدنك وشكرا لمرورك

ابن سلوم الهيلوم
03-Apr-2012, 04:25 PM
تسلم يامحمد وصح بدنك