من يرغب اللعب علي من جميع الشعراء المتواجدين يتفضل

[رايد المهلكي]

يا سلام الله بقافن يتعب انقاده مثل ابن شلاح يوم يلاعب المسعودي=قاف مثل السكر اللي ماتغير طعمه واثقل اثقل من طويق ومن جبل برزاني

علمو ريسكم اللي نسق الوراده قولو ان المهلكي فالمنتدى موجودي=شاعرن لو البحر تسعين قامه قامه غاص فيه وجاب لول البحر والمرجاني

[محمد الذيابـــي]

..


صح لساااااااااااانك



وصح لساااااااااااان قيبلك



....

[محمد ناصر الأكلبي]

مرحبا ولطيب ماينقص صبيه زاده، لو يروح العمر لاجله مابها منقودي=ردة ماتنقص الرجال لا جا قسمه، واثقل من جبال ديرة ربعنا السلماني

ريس العالم يشوف العالم النشاده ،يعرف لبيض الليال ولاجهل بالسودي=كل طالب لايغره في الدفاتر رسمه،يمكن إنه في الحقيقه لخبط الالواني

[محمد الذيابـــي]

..


صح لسااااااااااااانكـ يابو ناصر



والصف صفك بدون قصور بالمهلكي...

[محمد ناصر الأكلبي]

..


صح لسااااااااااااانكـ يابو ناصر



والصف صفك بدون قصور بالمهلكي...



يامرحبا ملاييين

يابوعساف

والحقيقة الصف يزها بك
...

[محمد ناصر الأكلبي]

الليل يالمهلكي

الصلاة قربت

والنو على الديرة نبي نتمشى في ذا الجو الي مبطين منه

....

[رايد المهلكي]

البقا واطيب لك عاده يراع العاده مانبا دربن يجيب الملح والبارودي=اكرب احزامك وابا اشيلك معي فالقمه ثم اوريك الدروب اللي لها برهاني

من سكن بغداد ماهو جاهلن بغداده مار جعلك ماتشوف اشر يا بغدادي=ومن لقا بابن يجيب الخير يذهب يمه مثل قول مفرح الضمني وابن جدلاني

[حمد العجمي]

يا سلام صحت اللسن والقلوب
متاااااااااابع
والصف صف الاكلبي ولا يهون قبيله

[محمد ناصر الأكلبي]

عادتي تطيير نوم العالم الرقادة،وعادتك دربك مع دور الزمن مسدودي=وانت بادي يالسنافي فوق راس الحمة،مالك ومالي تراني مبكي الطرباني

الزمن ذعذع لك بصافي الفرح واسعاده،وانت خلف الهم ساقك حافي(ن) منقادي=وانا بحبال طويلة واردن للجمة،ياعساه ياعساها تروي الظمياني

[محمد ناصر الأكلبي]

يا سلام صحت اللسن والقلوب
متاااااااااابع
والصف صف الاكلبي ولا يهون قبيله


يامرحبا ملايين

باصحابنا العجمان

كلكم غالين والصف يزهابك
..

[محمد ناصر الأكلبي]

المعذرة يالمهلكي

أنت تأخر في الرد
وأنا مشغووول بعد العصر

وتونست باللعب معك ولنا لقاء آخر إن شاء الله

واعذرني على القصور
...

[رايد المهلكي]

انت مثل اللي يقوم ويفرش السجاده مار مايعرف يصلي والله المعبودي=ليت ابن ناصر يعلم في حروفي عمه وان تغيب عمه الاول يدور ثاني

ياعسى ناصر ياصفه مايفك اولاده اكبر اولاده سنينه من صغار اولادي=مار قولوله ياصفه لو يزيد الهمه المطيري متكل بالله من الشيطاني

[رايد المهلكي]

معذور ولاكن انا ذهبت الى المسجد اصلي وتوني جيت

[محمد ناصر الأكلبي]

ترني افرشها لك ومعها فرشت وساده،وانت مثل الموتر الي في الخلا مكدودي=يالذبيح الي غدى بين الخلايق دمه،انشب العربان وانشب ربعه المطراني
جعل ابو رايد يفكه وليده من قياده،وانا مالومه يخاف يجيه شخص غادي=خايف من اهل الحشيسش وشاربين الشمة،لاتضيع رايد الي صايبه طغياني

[رايد المهلكي]

الى اللقا يا محمد واعذرني اذا حصل تقصير مني