محتار في حق دنياه

[حمود العازمي]

محتار في حق دنياه



ماكل من دور على شي يلقاه
وماكل من ضاعت حقوقه لقاها
مسكين عايش بين همه وبلواه
محتار في دنياه لو مارضاها
اللي سكن في غربه بهم دنياه
دنيا غريبه مادرى وش وراها
الله يعين اللي على الرب مشكاه
مادور أرزاق الخلايق وجاها
ينوح طول الليل يامكثر بكاه
يسجد ودمع العين ياكثر ماها
على خدوده شفت حزنه وشكواه
يطلب بكف وكف دمعه غشاها
الله يحقق كل مطلب تمناه
ويعجل القسمه تجي من سماها
ماقد تعود شيخ ياخذ عطاياه
ولا من المنات عاش بهواها
مضن من ياقف يسوي سوياه
شال الحمول اللي طفح مستواها
له هيبته بين العرب قيمه وجاه
لو أنحرم في فرحته مالقاها
هب الهوى من كل صوب وتعداه
حن وتوجد دنيته وش رماها
مايدري من الحظ سيفه ومعناه
ولا من الحساد ذا مبتغاها
مايدري من الرمح ولا بشلفاه
أصاب بين ضلوع تشكي عناها
ياوجد قلبي وجد من تاهت خطاه
ودموع عينه عبرت عن شقاها
يحن قلبه حن من ساس مبناه
مهما تذكر ديرته مانساها
يحلم عسى حلمه محقق بدنياه
كلن يعرف حقوقه ولا غواها
اللي مشى في خير تسلم لنا يداه
أخير من دنياه يمشي عماها
يازين قول الحق ياناس زيناه
مايزعل اللي قدرها مستواها
ياحلو تفصيل الخبر كان ماحلاه
الله يعز الكلمه ومن حماها



الـشـاعـر حـمـود عـبـيـد الـعـازمـي

[مفرح ذيب العطاوي]

صح السانك وبيض الله وجهك

والله يعين اكيد هاذي القصيده من معانه

[حسين البقعاوي]

صح لسااااااااااااانك ياحمود

[محمد الذيابـــي]

صح السانك





وبيض الله وجهك

[عثمان الثبيتي]

صح السانك ياحمود قصيده بماتعنيه الكلمه مشكور يامبدع

[حمود العازمي]

مفرح ذيب صح بدنك والله يعطيك العافيه



حسين البقعاوي صح بدنك وتسلم يمينك




محمد الذيابي صح بدنك وتحياتي لك





عثمان الثبيتي صح بدنك والله يسلمك ويحفظك

[قيس العازمي]

صح لسانك ياحمود




قصيده نابعه من احساس صادق




تقبل مروري

[حمود العازمي]

قيس العازمي صح بدنك والله يعطيك العافيه

[فيصل مطر]

صـــح لسـانك

[عايض جزاء العصيمي]

صح لسانك ياحمود

تحياتي