على أآآآآر

[جمال منير]

.
.

السلام عليكم ,,,

غياب فتره
لا اجد عذر يشفع لي امامكم :)



سَـج القـدم مـره ومـره وتـكـرار=لا زارنـي هاجـوس بالـي و زرتـه
أبعد عـن اديـارٍ وأحـوّل علـى دار=ولافيـه خـطٍ ينمـشـي مامتـرّتـه
أسـج مـع كثـر الروابـع والافكـار=حتى البحر من كثـر سجّـي عبرتـه
أنـا علـيّ اهمـومٍ اصغـار وكبـار=واصغارها حشمـة عـرب مانظرتـه
ادمح لزلـة ناقـص العقـل والجـار=والعفـو عنـد المـقـدره لا قـدرتـه
مير البلا من شب فـي ظامـري نـار=حتى الصبر باح الـذي قـد صبرتـه
أحيان أصرّفها علـى يميـن وايسـار=واحيان لـو كـان اعتـذر ماعذرتـه
مخبلك ياللـي تستمـع كـل الأشـوار=اللي يجيب الـراي مـن عنـد مرتـه
اللي ليـا شطّـت وعميّـن الأبصـار=في سترهـا خلـف الستـار وسترتـه
لاسنـدت سنّـد ومعـهـا بمـحـدار=ماتفرفـه عنهـا يـالـولا غتـرتـه
غصن الشري لو هو على عيون وانهار=ياطيبـك اللـي مـن عروقـه بترتـه
ماهوب زايد غير مـرٍ علـى امـرار=بيتٍ طـرى وبوسـط قافـي ذكرتـه
أخذت مـع كثـر التجاريـب مشـوار=ودرسـت منهجهـا زمـن واختبرتـه
وبانت لي الصوره على عين منظـار=لمحـت قاصيهـا والأدنـى سبـرتـه
وعرفت مايحصل من الشـر والخـار=والغيب علمـه عنـد ربـيٍ شكرتـه
العالـم بكـل شـي والنافـع الضـار=اللـي لـه الدنيـا الزوايـل واخرتـه
هاض الضمير وقلت خافيات الاسـرار=لو بعضها وسـط الصـدر ماظهرتـه
لـولاه ماغنيّـت قافـي عـلـى أآآآر=قلنا بلاشـي مـن حروفـه وأرّتـه !





وسلامتكم ,,,

[فهيد الايدا المورقي]

جمال منير صح لسانك


تحيتي

[عايض جزاء العصيمي]

صح لسانك ياجمال

من طول الغيبات جاب الغنايم


لاهنت على هالقصيده

[مهنـا العتيبي]

جزل جزل جزل

لله درك ياجمال

[سلطان السليفي]

ياسلا م الشاعر له بصمه

وهذه بصمة جمال منير

شفعت للغياب. دمت للابداع

سلطان المقاطي

[حسين البقعاوي]

وعليكم السلام ورحمة الله وبركاته

صح لسانك يابو منير

[محمد الذيابـــي]

..


صح لسااانكـ يالجزل


والقطاعه عذرك غير مقبووول..