فلاح يشاعر الطيب فلاح يشاعر الغالي

[رايد المهلكي]

فلاح يشاعر الطيب فلاح يشاعر الغالي=اقرب ابا انشدك عن حاجه والعلم كنه ولاكنه


مابين شهارني وشهري مافيه فرقن يورالي=هذا حسب ظن ابن مهلك والناس كلن على ظنه

[فلاح الواهبي الشهراني]

اللحن ذا وشو ما استدليته

[رايد المهلكي]

ارسلي رقمك عاى الخاص لجل اكلمك

[فلاح الواهبي الشهراني]

مايحتاج الرقم ولكن وشو اللحن اعطني مثال والا الابيات فيها خلل

[رايد المهلكي]

فيه وقفه عند الطيب وعند حاجه

[فلاح الواهبي الشهراني]

عطنا علومك من اولها عساك من فوق الامالي=من عقب صاحبك ماروح سمعتلك صوت(ن) ورنه
الناس تعرف باساميها ابحث تواريخ الابطالي=والعرف صعب(ن) على الجاهل ليته يحمل على دنه

[رايد المهلكي]

اللي وصلك يبا يدبل واجيك بالمر والحالي=وانعشت منته بمتهني وانمت عساك للجنه


العلم الاول تعرفونه والشر والمر فتالي=ومن يقرب الذيب سرحاني ماهو بسالم من سنه

[فلاح الواهبي الشهراني]

الشمس تظهر لنا الخافي ماتنحجب خلف غربالي=والهقوه اللي تمناها اتذوب والناس مستنه
الله يعينك على حالك لكن لا يجيلك اجيالي=انته من الربع تكفينا ونشرب على الجوع من بنه

[فلاح الواهبي الشهراني]

صح لسانك يارايد واستاذنك عندي اشغال ونتقابل على خير

[رايد المهلكي]

الخافي اللي تبا شوفه ياتيك ياطيب الفالي=هذا نصيبك وذا قسمك وادبلك فالحكم والصنه


انا تراني ولد مهلك وانطشت ابا اهلك طوالي=هاذي حقيقه تلزمها ثم انتبه يا ولد هنه

[رايد المهلكي]

صح بدنك واخذ راحتك

[محمد بن سمار الحنان]

صحت الالسن جميع

[محمد الذيابـــي]

صح لساااااااااااااااانه