حسين البقعاوي
19-Mar-2012, 02:03 PM
بسم الله الرحمن الرحيم
السلام عليكم ورحمة الله وبركاته
هذي قصيدة كتبتها في جدي (أبو عبيد)، سليمان بن عبيد الحتيرش رحمه الله.
ومناسبتها أني في عيد الفطر، جاني أحد اقاربي بالجوال، وفيه صور لوقف (مسجد) أبو عبيد (رحمه الله) بعد انتهائه.
أتمنى أن تنال أعجابكم
الا يا طير حلَّق بالغمامي = سبوق(ن) ما على مثله كلامي
وسيع العين والمنقار أقطم = عريض الصدر موزون القوامي
مخاليبه تمركز فوق كفّ(ن) = عريض(ن) كنّها روس السهامي
وجنحانه طويلات(ن) تفاهق = تفاهق عن بعض بينه خصامي
ورجلينه فحاج(ن) مبعدات(ن) = بعيدات(ن) تقل قربه حرامي
عليه الريش مصفوف(ن) مسرول = ولونه أشقر(ن) حرّ(ن) قطامي
إذا شاف الحبارى جاه طيشه = يبي ينهش لحمها والعظامي
وحَش ما قد لبس في يوم برقع = يحوم وما شكى كثر الحيامي
ألا يا طير حلِّق فوق بقعاء = وقل لأهل اللوى دوكم سلامي
ديار(ن) حبّها وسط الضماير = بها يسكن خوالي والعمامي
ديار(ن) كان ساكنها توفّى = أبو عبيد وعسى قبره سلامي
عسى يلقى سلام(ن) من غفور(ن) = رحيم(ن) راحم(ن) كل الأنامي
أبو عبيد و إلامن قيل من هو؟ = سليمان، و وصوفه بالتمامي
عريب الجدّ من نسل الحتيرش = كريم(ن) من كرام(ن) من كرامي
يجدّون القنى لو هم بحاجه = لضيف(ن) طاوي(ن) بالجوع، ظامي
جعل جنّات خلد(ن) دار جدّي = بها يسكن عليّات المقامي
الا يا طير هاضت بي شجوني = وتذكّرته بعد شهر الصيامي
طرى لي يوم شفت الوقف خلّص = وعلى طرياه ما جاني منامي
وثم ختامها اصلّي على اللي = هدانا للصلاة وللقيامي
عدد ما بالسماء نجم(ن) تلالا = وعدد ما طير حلَّق بالغمامي
حسين علي البقعاوي
السلام عليكم ورحمة الله وبركاته
هذي قصيدة كتبتها في جدي (أبو عبيد)، سليمان بن عبيد الحتيرش رحمه الله.
ومناسبتها أني في عيد الفطر، جاني أحد اقاربي بالجوال، وفيه صور لوقف (مسجد) أبو عبيد (رحمه الله) بعد انتهائه.
أتمنى أن تنال أعجابكم
الا يا طير حلَّق بالغمامي = سبوق(ن) ما على مثله كلامي
وسيع العين والمنقار أقطم = عريض الصدر موزون القوامي
مخاليبه تمركز فوق كفّ(ن) = عريض(ن) كنّها روس السهامي
وجنحانه طويلات(ن) تفاهق = تفاهق عن بعض بينه خصامي
ورجلينه فحاج(ن) مبعدات(ن) = بعيدات(ن) تقل قربه حرامي
عليه الريش مصفوف(ن) مسرول = ولونه أشقر(ن) حرّ(ن) قطامي
إذا شاف الحبارى جاه طيشه = يبي ينهش لحمها والعظامي
وحَش ما قد لبس في يوم برقع = يحوم وما شكى كثر الحيامي
ألا يا طير حلِّق فوق بقعاء = وقل لأهل اللوى دوكم سلامي
ديار(ن) حبّها وسط الضماير = بها يسكن خوالي والعمامي
ديار(ن) كان ساكنها توفّى = أبو عبيد وعسى قبره سلامي
عسى يلقى سلام(ن) من غفور(ن) = رحيم(ن) راحم(ن) كل الأنامي
أبو عبيد و إلامن قيل من هو؟ = سليمان، و وصوفه بالتمامي
عريب الجدّ من نسل الحتيرش = كريم(ن) من كرام(ن) من كرامي
يجدّون القنى لو هم بحاجه = لضيف(ن) طاوي(ن) بالجوع، ظامي
جعل جنّات خلد(ن) دار جدّي = بها يسكن عليّات المقامي
الا يا طير هاضت بي شجوني = وتذكّرته بعد شهر الصيامي
طرى لي يوم شفت الوقف خلّص = وعلى طرياه ما جاني منامي
وثم ختامها اصلّي على اللي = هدانا للصلاة وللقيامي
عدد ما بالسماء نجم(ن) تلالا = وعدد ما طير حلَّق بالغمامي
حسين علي البقعاوي