الجوهره

[الزم حدك اطيبلك]

اتمنى ان هذه القصيده تحوز على اعجابكم



الجوهره وشلون تمشى على القاع
حسبى على اللى جابها من بحرها

اثر البنـــــي تشاكــــيل وانـــــــــواع
فيهن جميل وفيهن اللى الله سترها

بعض البني تسوى الذهب يوم ينباع
تبــــيه يســـــتر حالـــــها ويـــعمــرها

وبعض البني مثل الذهب يلمع الماع
ضــــــاع الـــذهب يـــوم حط بنحـــرها

والجوهره غطت على كل الاوضـــاع
وشــــهى ديانا يــــوم تنشــــر صــورها

والله لو ما تلــــبس حــجاب وقــناع
تشــــوف نصف الكون يمـــشي بــــثرها

ويمكن تحكم الكـــون ويصـير مطواع
ويمـــــــكن تحـــــــكم الكون بس بـــنظرها

لو اشرت يم الكـــــواكب بالاصــباع
حولت جميــــــــع الكــــــــواكب مع قـــمرها

ولو ناظرت جــــواً محِــلاً صار مرباع
ولو ناظـــــــرت غـــــــيماً تاهطــــل مـــطرها

هذي ثلاث سنيـن عاشق وملتاع
والرابـــــعه تونــــــــى بديــــت بشـــــــــهرها

لا نيــــب طالباً دنيا ولا نيب طماع
بــــس يحـــــــفظها ربـــــــها مــن بشــــــرها



وسلامتكم

[الأجوديه]

السلام عليكم اخوي الزم حدك ورحمة الله وبركاته

القصيده جميله بس في بعض الابيات اذا سمحتلي اعدلها اذا مافيها اي ازعاج


مثل يوم تقول بعض البني تسوى الذهب يوم ينباع
تبــــيه يســـــتر حالـــــها ويـــعمــرها
اتوقع ان الصحيح والمفروض انك تقول
بعض البني تشرى الذهب يوم ينباع && تبيه يستر حالها ويعمرها


لو اشرت يم الكـــــواكب بالاصــباع
حولت جميــــــــع الكــــــــواكب مع قـــمرها

والمفروض انك تقول لو اشرت للكوكب بالاصباع && جت الكواكب نازله مع قمرها


ولو ناظرت جــــواً محِــلاً صار مرباع
ولو ناظـــــــرت غـــــــيماً تاهطــــل مـــطرها

والمفروض لو ناظرت جو خلا صار مرباع && ولو ناظرت مزن تهامل مطرها

:ويوم تقول هذي ثلاث سنيـن عاشق وملتاع
والرابـــــعه تونــــــــى بديــــت بشـــــــــهرها

هذي ثلاث سنين والقلب ملتاع && والرابعه توني دخلت بشهرها

هذا ولك مني خالص التقدير والاحترام بس لا ن القصيده ذي قد سمعتها بشكل ثاني واتمنى اني ماازعجتك اخوي بكلامي

اختـــــــــك : الأجوديه