يالربع الفزعه

[فيصل الصفياني]

[ b] مساكم الله بالخير يالربع

يالربع نبغاء نبيع ونشتر في الاسهم عن طريق النت

ولا ادري كيف الطريقة

اخوكم غشيم في النت مره



شوفو الي حل الله لا يهينكم

[محمد بن سمار الحنان]

لاتدخل في شي ماتعرفه واترك النت عنك

اخذ رقم المكتب اللي تتعامل معه وكلم الدلال يبيع لك ويشتري حسب امرك تعطيه رقم التداول وبس

وش لك فالنت ودهاليزه

[فهيد الايدا المورقي]

فيه طريقه اسهل


عن طريق الهاتف المصرفي تقدر تتداول الاسهم

[فهيد الايدا المورقي]

يافيصل فيه نصيحه اخري


المؤشر يتجه نحو 10000 الاف نقطه عند بلوغ المؤشر 9980 نقطه صف نص محفظتك


وابقي في السوق بالارباح

[فيصل الصفياني]

الله لا يهينكم يالربع


ابغاء طريقة البيع والمشتراء عن طريق النت



الي يعرف الطريقة يفيدني

[عزارم]

ليس لدي معرفه عن المساهمة عن طريق النت لكن عن طريق الجوال أنصحك ان لا تساهم لأن فيها حرمنه فيه ناس يصيحون منها, والنصيحة الاخرى أنصحك أن لا تشارك باللي وراك ودونك بالذات مثل السيارة ولا البيت ولا أرض يعني لا تبيعهم على شان تساهم يا طيب نصيحة أخويه


حتى لو جالها طفره ساهم بحد المعقول

[!! . مــآجـد . !!]

تروح لـلبنك اللي حسابك فيه ، يفتح لك محفظة تبيع وتشتري فيها ..

[منبر اعلامي]

نصيحه ابعد عن الاسهم

انا كانت صحتي عال العال من فضل الرحمن والآن من مصحه للثانيه والسبب حرامية الاسهم

بعدين صدقتهم في المؤشر الاخضر ولاحمر تراهم يتحكمون فيه كما يبغون (( خذ مثلآ )

يشغلونه اخضر لين الفقارا تكت فلوسها وتمتلي الخزنه وبعدين يشغلوه احمر لين يرجعوهم ع الصفر

ويروحون يسحبون الفلوس من البنك والمسكين اللي مثلي يشتاله الهلال الاحمر ع المستشفى


خذها نصيحه من مجرب

[روقي الجمش]

السلام عليكم ورحمة الله وبركاته


أخي الكريم بالنسبة للتداول عن طريق النت فهي سهلة جداً ولا تحتاج منك إلى أي مجهود كل ما في الامر ، تدخل على البنك اللي فاتح لك فيه حساب.. ويطلب منك فتح المحفظه ... يظهر لك إستماره .. تقوم بتعبيتها .. ثم ترسلها للبنك .. وبعد ذلك .. تتفعل المحفظة من قبل البنك بعد خصم مبلغ التداول من حسابك لمدة سنة . وبعد ذلك تصير المحفظة جاهزة للتداول وتتحكم بها كما تريد ..

نصيحة : ما دام إنك غشيم كما تفضلت في مقالك .. أقول لك أسال من لديهم خبرة في كيفية إدارة المحافظ ، ليرسمو لك طريقة تساعدك في إدارة محفظتك ، لتكتسب مع مرور الوقت بعضا من الخبرة لتستفيد من البيع والشراء ، وتبتعد عن الإندفاع الذي ربما يوقعك في خسائر ..

آمل أني قدمت لك بعضا مما يفيد ، متمنيا لك التوفيق والربح المفيد ، أن شاء الله .

وصلى الله على نبينا محمد

تحياتي / روقي الجمش .*

[محمد الذيابـــي]

واحلامٍ كنا نحلمها

جاها الهامور ودمدمها