فيصل الرياحي (( رحمه الله)) - سلطان الهاجري

[قاسي العتيبي]

سلطان الهاجري
ألا يا سيدي يا جلوي مسّيت بالخير
عدد من حج مكه وصلّى بالمدينه
يقولون الرياحي خليفة سالم الزير
عصب راسه ولوّح على ظهر السفينه

فيصل الرياحي

وألا يا سيدي يا جلوي ما به معاذير
ابن وسام لاحدٍ يجي بيني وبينه
أنا ما ني دركتر كبير بغير جنزير
ثلاث الآف كيلو عدا وزن المكينه

سلطان الهاجري

أنا خابرك عاما تطير امع الطيايير
لكن اليوم دنياك تنعم بالسكينه
أنا ربي خلقني سواة طويق و النير
وعظمك لو أباطاه خليته عجينه

فيصل الرياحي

تجيب العلم بين الحقيقه و الأساطير
لكن الكذب ورعٍ حجاجه تحت عينه
ولا يا ويل سلطان لو يطيح في البير
ما تظهره الهواجر ولا دولة جهينه

سلطان الهاجري

عيونك تالي الليل مثل عيون شامير
بعد راحت على فيصل العيّه غبينه
لا ترطن يا الرياحي على مير وعلى مير
بني هاجر عرب ما يعرفون الرطينه

فيصل الرياحي

وألا يا ثقل رجلك ليا سقنا المظاهير
شوي و نلتفت وين ابن وسام وينه
ليا منك تدربيت في حفرة زمهرير
ومن يتعب على جثتك ربي يعينه

[محمد بن سمار الحنان]

ولا يا ويل سلطان لو يطيح في البير
ما تظهره الهواجر ولا دولة جهينه

هههههههههههههههههههههه

صحت السن الشعار

[محمد الذيابـــي]

مشكوووووووور يالغالي..

[مجري الهياب]

المعنى على الامير هههههههههههههههههه

[ابو فايح]

أنا خابرك عاما تطير امع الطيايير
لكن اليوم دنياك تنعم بالسكينه



أعتقد أن المعنى في مكانة ابن جلوي سابقا وحاليا ولو إن الشاعرين ناقشوه من بعيد لبعيد

[مهنـا العتيبي]

طاروق

ماله معنى

ضحك وتنكيت...

[سمي ابن وسام]

قووووة×قووووة

شعاار من الوزن الثقيل


تسلم يمينك على التقل