عبدالعزيز الخياري و عجاب الدغيلبي

[فهيد النفيعي]

طاروق رائع جرى في منتديات مجالس البجادية الرسمية بين الشاعرين عبدالعزيز الخياري وعجاب الدغيلبي





عجـــاب الدغيلبي

هلا مرحبا بالضيف للضيف ترحيب ٍ يليق
يـلـيـق بمـقـامـه والنـوامـيـس نـهـجـه وإهـدفــه


ياعبدالعزيـز الشاعـر اللـي تمثـل لــك فـريـق
فريـق ٍ يحـط الملعبـة مثـل لـعـب الجنجـفـة


عبدالعزيز الخياري

يدوم البقاء واللي على البال يا وجه الصديق
علوم الوفا والطيب والمرجله والمعرفه

امثل هل النوماس والعز والساس العريق
وخصم يعاندني يبا يروح ملعون اجدفه

عجـاب الدغيلبي

بنظـرة بسيطـة صـرت كنـي علـى قلبـك مـويـق
توصلـت شـي ٍ (ميكرسكـوب) يعجـز يكشـفـه


شمالي وطبعك مختلف ليش طوالي تضيق؟؟
لـيـا ضـقـت ترضـيـك المبـانـي وحــد الأرصـفــة



عبدالعزيز الخياري

قديمه ياعجاب العتيبي لكن شفلك طريق
ترى الطرق واجد وش تبي في طريق اللفلفه

انا واثق الخطوه وعلمي على الساس الوثيق
اوصفك لو مالك بمجلس هل الطوله صفه


عجاب الدغيلبي

لاهاج البحر ماهوب خايف من صياح الغريـق
يـصـيّــح وربــعــه يـغــرفــون الـبــحــر بـالـمـغـرفـة

أنا أقلط على دعوة وفاء والشحم والكيف سيق
وتـبـقـى الـدعــاوي هـيّـنـة لـــو تـغـيـب المنـشـفـة


عبدالعزيز الخياري

اشوف الغريق اللي يخلط الزفير مع الشهيق
ربوعه معه وأطيب ربوعه مايقدر يسعفه

تحت رحمة الله ياحمام الحرم تبقى طليق
ماجاتك مخاليب النوادر وحالك مؤسفه

عجاب الدغيلبي

تبا تقلب الدعوى وياليت من نومك تفيق
أنا علمي موثق لكن أنت شديت إطرفـه


لو إن الحديدة لمعوها وصار إلها بريق
يعـود الصـدأ لـو زاد تلميعـهـا فالتكلـفـة


عبدالعزيز الخياري

هذا قول في مرماك ياحارس القول الشقيق
على ارضك تولاك الخياري وحط بك اهدفه

ياجندي يجازيك الملازم و ينقلك الفريق
على مهنتك لاعطاك راتبك داقش واصرفه

[حمدان العضياني]

طاروق لم يسيق له مثيل

صح لسان الشاعرالكبيرعجاب الدغيلبي

والشاعرالكبيرعبدالعزيز الخياري

ومشكور يابوغازي عن نقل هذ ا الطاروق الساخن الجزل

[محمد الذيابـــي]

طاروق مميز لشعراء مميزين


مشكوووور يالغالي

[طلال القبع]

بيض الله وجهك ياعجاب
هذا العب

ولا هنت يالخياري

[فهيد النفيعي]

طاروق لم يسيق له مثيل

صح لسان الشاعرالكبيرعجاب الدغيلبي

والشاعرالكبيرعبدالعزيز الخياري

ومشكور يابوغازي عن نقل هذ ا الطاروق الساخن الجزل

مشكور أخوي حمدان على مرورك الكريم

[فهيد النفيعي]

طاروق مميز لشعراء مميزين


مشكوووور يالغالي

محمد الذيابي تشرفت بمرورك الكريم
مشكور طال عمرك

[طارق الثعلي]

عبدالعزيز الخياري
امثل هل النوماس والعز والساس العريق
وخصم يعاندني يبا يروح ملعون اجدفه
هنا عبدالعزيز يتحدأ مع وضوح الغضب


عجاب الدغيلبي
شمالي وطبعك مختلف ليش طوالي تضيق؟؟
لـيـا ضـقـت ترضـيـك المبـانـي وحــد الأرصـفــة
هنا عجاب يستغرب الغضب وبما أن الخياري من أهل الشمال فلماذا الغضب من بداية المحاورة
ولكن زيادة للغضب قوة الجزاء صدم المباني والأرصفة

صحت ألسنتكم ولاتهون يافهيد على النقل

[فهيد النفيعي]

بيض الله وجهك ياعجاب
هذا العب

ولا هنت يالخياري

بيض الله وجهك ياطلال على حضورك ومتابعتك