محاورة لحبيب العازمي اتمنى من الاخوان يفيدوننا عنها

[تايه الغربه]

محاوره حبيب العازمي اذ ما خاب ضني
الي يقول فيها

ياهنيكم ياربعنا يالغنانيم
الجيم حرف وكلكم تنطقونه
وحنا ليا جينا نبي ننطق الجيم
نعطيه ليننه تناقز عيونه

اتوقع انها محاوره لحبيب العازمي مع شاعر غنامي
ياليت من يعرف عنها شي ما يحرمنا منها
اكيد انها حماسيه وطاروق فكاهيه
تحياتي لكم
اخوكم
تايه الغربه

[محمد الذيابـــي]

الله اعلم


........

[فهد علي العازمي]

لم أسمع بها

[أبن نافه العطاوي]

مشهوره وأن ماخاب ضني يقوله لمقحم الغنامي والله أعلم يتحاور معه

[فيصل مطر]

اكيد انهاكذا

والله ماندري ولانسمع كل مايقال لاكن اللحن هذا مهب لحن محاوره

ولاعتقد ان البيت هاذا يصير ضمن محاوره

ولعل احد الاخوان يفيدك ويفيدنا معك عن هالطاروق

[مهنـا العتيبي]

الي سمعته انها ماهي محاوره ...

[تايه الغربه]

والله ياخواني انا اسمع بها وتوقعت انها محاوره والله اعلم
لكن مشكورين على المرور الرائع
والاعضاء ماهم مقصرين
تحياتي لكم

[<الفارس>]

انا اعارض اخوي ابو مطر واقول لحن محاوره يجي ومن الحان حبيب وانا ماخاب ظني انها محاوره

[عايد الروقي]

ما اعتقد انها محاوره يا تايه الغربه هذي بيتين

لا بوفيصل واشتهرت واعتقد انها كانت مداعبه كعادة حبيب ..


وحبيب والغنانيم اصحاب ويجي بينه وبينهم فكاهات ومراد جميل


والله أعلم